Posts in ‘អត្ថបទមានវីដេអូ’ Category

ការជជែកពិភាក្សាគ្នា តាមកញ្ចក់ទូរទស្សន៍ ស្ដីពីវិបត្តិនៅស៊ីរី រវាងអ្នកសារព័ត៌មានជើងចាស់ ជាតិហ្សកដានី ពីរនាក់ បានប្រែក្លាយជាសង្គ្រាមឈ្លោះទាស់សម្ដី រហូតដល់រុះរើតុលំអរបស់កម្មវិធី ហើយសឹងតែឈានទៅដល់ការ​វាយតប់​គ្នាថែមទៀត។ ជជែកគ្នាក្ដៅដល់កម្រិត អញ្ចឹងតើដោះស្រាយយ៉ាងម៉េចឲ្យត្រូវ? ខន្ដីលែងបាន !

ឈុតឆាកប្រទាញប្រទង់គ្នា នៅក្នុងស្ថានីយទូរទស្សន៍ ពេលផ្សាយផ្ទាល់រវាងអ្នកការសែតទាំងពីរ។ (រូបថតផ្តិត​ពី​វីដេអូ)

-------------------------------
ដោយ ឈូករ័ត្ន (ទំនាក់ទំនង៖ [email protected]) - ប៉ារីស ថ្ងៃទី១៦ ឧសភា ២០១៤
-------------------------------

វីដេអូដែលបង្ហោះនៅលើយូធូប ត្រឹមតែមួយថ្ងៃប៉ុណ្ណោះ ត្រូវបានមនុស្សចុចចូលទៅមើល ជាង៨លានដង ហើយ​ត្រូវ​បានប្រព័ន្ធផ្សព្វផ្សាយធំៗ ក្នុងពិភពលោកចាប់អារម្មណ៍ យកទៅធ្វើជាបទយកការណ៍តែរៀងៗខ្លួន។ ល្បីល្បាញខ្លាំង ព្រោះវីរបុរសជួយសង្គ្រោះលើកនេះ មិនមែនជាកំពូលមនុស្ស ដែលគេធ្លាប់តែឃើញតាមភាពយន្ដ ដូចជាមនុស្ស​ប្រជៀវ មនុស្ស​ពីងពាង ឬមនុស្សអស្ចារ្យផ្សេងៗនោះទៀតទេ តែជាសត្វឆ្មារចិញ្ចឹមនៅក្នុងផ្ទះទៅវិញ។

តារា វីរឆ្មារ ដែលបានប្រតិបត្តិការ ជួយសង្គ្រោះកុមារម្ចាស់របស់វា ពីឆ្កែដ៏កំណាច។ (រូបថតផ្ដិតពីវីដេអូ)

-------------------------------
ដោយ ឈូករ័ត្ន (ទំនាក់ទំនង៖ [email protected]) - ប៉ារីស ថ្ងៃទី១៥ ឧសភា ២០១៤

ភេវរកម្ម - អតីតសមាជិកម្នាក់របស់អាល់កៃដាឈ្មោះ សាអាជីដ បាដាត (Saajid Badat) អាយុ៣៤ឆ្នាំ ដែល​ធ្លាប់​សារភាពម្ដងរួចហើយ នៅក្នុងសវនាការលើកមុនៗ បាននិយាយជាថ្មីម្ដងទៀតតាមវីដេអូ ពីរាជធានី​ឡុងដ៍​ប្រទេស​​អង់គ្លេស ដើម្បីធ្វើជាសាក្សីនៅក្នុងសវនាការមួយ នាទីក្រុងញ៉ូយក កាលពីថ្ងៃចន្ទកន្លង​មក​នេះ កាត់​ទោស​ជន​​សង្ស័យ​ម្នាក់ឈ្មោះ អាប៊ូ ហាមស្សា (Abou Hamza)។

បុរសនេះ បាននិយាយថា ខាលីដ សេខ មហាមេដ (Khalid Sheikh Mohamed) ដែលជាមេដឹកនាំ​របស់​ក្រុម​រៀបចំ​ភេវរកម្មថ្ងៃទី១១ ខែកញ្ញា នៅ​សហរដ្ឋអាមេរិកនោះ មាន​គម្រោងយ៉ាងជាក់លាក់ នៅពេលបន្ទាប់​មក​នឹង​ធ្វើការ​វាយប្រហារ​រាជធានីឡុងដ៍ នៃប្រទេសអង់គ្លេស។ សាអាជីដ បាដាត និយាយថា «ខ្ញុំជឿងថា សង្កាត់​ពាណិជ្ជកម្ម​ដ៏​ធំ​នៅរាជធានីឡុងដ៍ របស់អង់គ្លេស  ត្រូវបានកត់ដាក់ចូល​ក្នុង​បញ្ជីខ្មៅ»។

នៅក្នុងការប្រកួតកីឡាបាល់ទាត់ ដើម្បីដណ្ដើមជើងឯក កាលពីដើមសប្ដាហ៍នេះ នៅក្នុងប្រទេសបូលីវី (អាមេរិកខាង​ត្បូង) ម៉ាស៊ីនថតវីដេអូរបស់ស្ថានីយ៍ទូរទស្សន៍ របស់ប្រទេសនេះ បានថតជាប់នូវរូបភាពយ៉ាងចម្លែក។ នោះគឺអ្នក​គាំទ្រ​បាត់ទាត់មួយរូប បានរត់កាត់ហ្វូងមនុស្ស ដែលកំពុងអង្គុយមើលការប្រកួត ដែលហាក់ដូចជា​បានបង្ហាញនូវ​ភាពប្លែកខុសធម្មតា។ ទូរទស្សន៍ដែលផ្យាយរូបភាពនេះ បានច្រានចោលនូវការចោទប្រកាន់ ដែលថាខ្លួនបានធ្វើការ​កាត់តរូបភាពទាំងនេះ។ បើជារូបពិត តើនោះជាខ្មោចឬ?

រូបភាពផ្ដិតពីវីដេអូ ដែលបង្ហាញពីស្រមោលរត់កាត់ហ្វូងទស្សនិកជន។

នៅក្នុងបាល់ទាត់ រឿងប្លែកៗមិនមែននៅក្នុងតែការប្រកួត នៅលើស្មៅប៉ុណ្ណោះទេ។ នៅពេលមានការប្រកួតរបាល់​ទាត់ដណ្ដើមជើងឯកមួយ នៅក្នុងកីឡាដ្ឋាន ហើណេនដូ ស៊ីលេស [...]

ទឹកសមុទ្រនៅក្នុងតំបន់រុករកយន្ដហោះ នៃមហាសមុទ្រឥណ្ឌាខាងត្បូង មានជម្រៅយ៉ាងជ្រៅហួសពីការគណនាទុក និង​ហួសពីអ្វី ដែលប្រអប់យន្ដ ប៊្លូហ្វីន ២១ (Bluefin-21) អាចជ្រមុជចុះទៅរកយន្ដហោះប៊ូអីង៧៧៧ ដែលគេជឿថា បានហោះទៅធ្លាក់នៅក្នុងតំបន់នោះ។ អាជ្ញាធរអូស្ត្រាលី ដែលដឹកនាំការសម្របសម្រួល នៃការរុករកជាអន្តរជាតិ​នេះ បានថ្លែងបញ្ជាក់ថា នោះជាមូលហេតុដែលធ្វើឲ្យ ប្រអប់យន្ដប៊្លូហ្វីន២១​ ធ្វើការបានតែ៦ម៉ោង ក៏ឡើងមកលើផ្ទៃ​សមុទ្រវិញ ខុសពីការគណនាទុកធម្មតា ដែលតម្រូវឲ្យប្រអប់យន្ដនេះធ្វើការរហូតដល់ទៅ១៦ម៉ោង។

ប្រអប់យន្ដ ប៊្លូហ្វីន ២១ ពេលត្រៀមដាក់ចុះទៅក្នុងសមុទ្រ។ (រូបថត Reuters)