Posts tagged as "Phnom Penh"

បន្ទាប់ពីបានផ្លាស់ប្ដូរ កាលវេលានៃការដង្ហែសពលោក កែម ឡី យកទៅបញ្ចុះ មិនតិចជាងពីរដងកន្លងមក នៅ​លើកនេះ ការសម្រេចដង្ហែ ដែលបានកំណត់នៅថ្ងៃទី១៧ ខែកក្កដានេះ ត្រូវបានផ្លាស់ប្ដូរជាថ្មីទៀត ដោយ​ត្រូវ​ពន្យា​ពេល​ទៅថ្ងៃក្រោយវិញ។ តំណាងក្រុមគ្រួសារសព អ្នកស្រី ប៊ូ រចនា ភរិយាលោក កែម ឡី និងតំណាង​គណៈកម្មការ​រៀបចំ​បុណ្យ ព្រះសង្ឃ ប៊ុត ប៊ុនតិញ ជាអ្នកប្រកាសពីការពន្យាពេលនេះ ដោយខ្លួនឯង នៅ​ប្រមាណ​ជា​មួយ​​ម៉ោង​មុននេះ។

សាមីម្ចាស់បុណ្យសព បានអះអាងថា ការផ្លាស់ប្ដូរនេះ ដោយយោងទៅតាមសំណូមពរជាច្រើន របស់​ប្រជា​ពលរដ្ឋ ដែលនៅតែបន្តចង់មកសម្ដែងគារវកិច្ច និងគោរពវិញ្ញាណក្ខន្ធលោក កែម ឡី។ និងម្យ៉ាងទៀត ដោយ​សារ​​ការ​រក្សា​សព អាច​នឹង​ធ្វើតទៅមុខទៀត ដោយមានជំនួយពីគ្រែទឹកកក ដែលដាក់តំកល់សព នៅក្នុង​មឈូស​​កញ្ចក់ និង​មាន​យោបល់ ពី​សំណាក់​គ្រូពេទ្យជំនាញនោះផង។

» វីដេអូ ដែលបង្ហាញពីការប្រកាសពន្យាពេល នៃការដង្ហែសពលោក កែម ឡី៖

បន្ទាប់ពីវគ្គ«ស្បែកជើងហោះ» ឥឡូវនេះប្រធានគណបក្សមួយ បានចេញមុខមកបកស្រាយ និងពន្យល់ថា ហេតុការណ៍នេះ ជារឿងគួរឲ្យសោកស្ដាយ និងមិនគួរគប្បីទេ។ វគ្គ«ស្បែកជើងហោះ»នោះ បានកើតឡើង កាល​ពីរសៀលម្សិលម៉ិញ នៅខណៈពេលដែលកញ្ញា ធី សុវណ្ណថា និងលោក ស្រី ចំរើន បានព្យាយាម​ចូល​ទៅ​គោរពវិញ្ញាណក្ខន្ធ សពលោក កែម ឡី ដល់ តែត្រូវបានក្រុមពលរដ្ឋ ដែលមានវត្តមាននៅទីតំកល់សព ប្រតិកម្ម​ខ្លាំងក្លា រហូតដល់អ្នកទាំងពីរ ត្រូវបានសមាជិកគ្រួសារសព និងព្រះសង្ឃជាច្រើនអង្គ ជម្លៀស​ខ្លួន​ចេញ ព្រម​ទាំង​បាន​ហែរហម​មកកាន់រថយន្ដ មុននឹងបានបើកចាកចេញ ពីវត្តដោយសុវត្ថិភាព។

» អានអត្ថបទដែលទាក់ទង៖ នៅពេលដែលពលរដ្ឋស្វាគមន៍ ធី សុវណ្ណថា នឹងស្បែកជើង...

នៅព្រឹកថ្ងៃទី១២ ខែកក្កដានេះ លោក សួន សេរីរដ្ឋា បានសម្ដែងការសោកស្ដាយ ចំពោះហេតុការណ៍នោះ និង​បានហៅសកម្មភាព​នោះ [...]

យ៉ាងណាក៏ដោយ កញ្ញា ធី សុវណ្ណថា និងលោក ស្រី ចំរើន ត្រូវបានក្រុមគ្រួសារសព ជម្លៀសឲ្យ​​ចូល​ក្នុង​បន្ទប់ របស់​ភរិយា​លោក កែម ឡី ដើម្បីបញ្ជៀសអំពើហិង្សា។ បន្ទាប់មក ក្រុមគ្រួសារសព និងព្រះសង្ឃជាច្រើនអង្គ បានហែរហមអ្នកទាំងពីរ នាំទៅចូលរថយន្តវិញ មុននឹងអ្នកទាំងពីរ បានបើករថយន្តចាកចេញ ពីកន្លែង​កើត​ហេតុ។

ហេតុការណ៍បានកើតឡើង ខណៈយុវជនល្បីឈ្មោះទាំងពីរ បានព្យាយាមចូលទៅរំលឹកវិញ្ញាក្ខន្ធ សពលោក កែម ឡី ដែលកំពុងត្រូវបានតំកល់ធ្វើបុណ្យ នៅវត្តចាស់ ក្នុងសង្កាត់ជ្រោយចង្វា រាជធានីភ្នំពេញ។ ប្រជា​ពលរដ្ឋ​ជា​ច្រើននាក់ ដែលមានវត្តមាននៅក្នុងពិធីបុណ្យនោះ បានផ្ទុះប្រតិកម្មខ្លាំងៗ ដាក់អ្នកទាំងពីរ ហើយ​មួយ​ចំនួន​ពី​ក្នុងចំណោមនោះ បានដោះស្បែកជើង ស្វាគមន៍យ៉ាងចាស់ដៃ ទៅលើតារាហ្វេសប៊ុក។

រូបភាពជាវីដេអូជាច្រើន ត្រូវបានយកមកបង្ហោះ នៅលើបណ្ដាញសង្គម និងទទួលបានការចែករំលែក យ៉ាង​សន្ធឹកសន្ធាប់។

នៅលើទំព័រហ្វេសប៊ុកផ្លូវការ [...]

ពិភពលោក ដែលឲ្យតម្លៃ«សិទ្ធិសេីភាព នៃការបញ្ចេញមតិ» មិនបាននៅស្ងៀមឡើយ នៅចំពោះ​ទង្វើ​បាញ់​«ឆៅ» សម្លាប់លោក កែម ឡី កណ្ដាលរាជធានីភ្នំពេញ កាលពីព្រឹកថ្ងៃអាទិត្យ។ ក្រសួងការបរទេស​អាមេរិក តាមរយៈអ្នកនាំពាក្យរបស់ខ្លួន លោក ចន ឃេប៊ី (JOHN KIRBY) បានចេញសេចក្ដីថ្លែងការណ៍ ភ្លាមៗ​កាល​ពី​ថ្ងៃ​អាទិត្យ​ដដែលនោះ តែទើបតែមកដល់ដៃ​អ្នកសារព័ត៌មាន នៅថ្ងៃទី១១ម្សិលម៉ិញ ប្រតិកម្ម​នៅចំពោះ​ការ​បាញ់​សម្លាប់​ដ៏សាហាវមួយនេះ។

សេចក្ដីថ្លែងការណ៍ បានសរសេរថា៖ «យើងកំពុងតាមដាន យ៉ាងយកចិត្តទុកដាក់ នៅក្នុងករណីនេះ និងបាន​កត់សម្គាល់ផងដែរ ពីការអំពាវនាវរបស់រាជរដ្ឋាភិបាលកម្ពុជា ឲ្យមានការស៊ើបអង្កេត និងសូមអំពាវនាវ ឲ្យ​អាជ្ញាធរ​ធ្វើការ​ស៊ើបអង្កេត ក្នុងករណីនេះ ដោយម៉ត់ចត់​និងមិនលម្អៀង»។

ករណីបាញ់សម្លាប់នេះ បានកើតឡើងនៅម៉ោងប្រមាណជា ៩ព្រឹក ថ្ងៃទី១០ ខែកក្កដា ឆ្នាំ២០១៦ នៅក្នុងហាង «Star Mart» [...]

ឃាតកម្មបាញ់«ឆៅ»​សម្លាប់លោក កែម ឡី នៅកណ្ដាលដើមទ្រូង នៃរាជាណាចក្រកម្ពុជា បានបង្កឲ្យមាន​ប្រតិកម្ម​ធ្លាក់​ចុះមកជាបន្តបន្ទាប់។ ប្រសិនជាមានប្រតិកម្មខ្លាំងៗ ពីសំណាក់ពលរដ្ឋកម្ពុជាក្នុងស្រុក ដែល​ដូច​ជា​​មិន​បាន​រួញញ័រ នឹងទង្វើដ៏យង់ឃ្នង នៃខ្មាន់កាំភ្លើង និងគូកននោះ តែក៏មានដូចគ្នា នូវប្រតិកម្មពីសំណាក់​មន្ត្រី​​ការទូត​​បរទេស ដែលកំពុងមានវត្តមាន នៅក្នុងប្រទេសកម្ពុជាដែរ។

ភ្លាមៗនៅក្រោយពេលកើតហេតុ ឯកអគ្គរាជទូត​នៃចក្រភពអង់គ្លេស ប្រចាំនៅកម្ពុជា លោក ប៊ីល ឡងហ័ស្ត៍ (Bill Longhurst) បានសម្ដែងភាពតក់ស្លុត និងសោកស្ដាយ នៅពេលដែលលោកបានដឹង ពីដំណឹងដ៏​អកុសល​ខាង​លើនេះ។ លោកឯកអគ្គរាជទូតបានសរសេរ នៅក្នុងទំព័រទ្វីសធើរ​ (Twitter) របស់លោកថា៖ «តក់ស្លុត និង​សោកស្ដាយ បន្ទាប់​ពីបានដឹងថា អ្នកធ្វើអត្ថាធិប្បាយនយោបាយ លោក កែម ឡី ត្រូវបានបាញ់សម្លាប់»។

ជាការបាត់បង់ដ៏ធំធេង [...]