Posts tagged as "Cristiano Ronaldo"

រ៉ូណាល់ដូ បើក​ឆាក​ជាមួយ​ក្រុម​សេះ​បង្កន់ ដោយ​ជ័យជំនះ

រ៉ូណាល់ដូ បើក​ឆាក​ជាមួយ​ក្រុម​សេះ​បង្កន់ ដោយ​ជ័យជំនះ

ចាប់ពីថ្ងៃសៅរិ៍ទី ១៨ ខែសីហាម្សិលម៉ិញនេះទៅ កីឡាករ គ្រីស្យាណូ រ៉ូណាល់ដូ (Cristiano Ronaldo) ដែលគេធ្លាប់ឃើញប្រកួត អស់រយៈពេលច្រើនរដូវកាល នៅជាមួយក្រុម រៀលម៉ាឌ្រីត (Real Madrid) ក្នុងប្រទេសអេស្ប៉ាញនោះ បានចាប់ផ្ដើមអាជីពរបស់ខ្លួន នៅជាមួយក្រុម ជូវេនទូស (Juventus Turin) ក្នុងប្រទេសអ៊ីតាលីម្ដង។ កីឡាករម្ចាស់បាល់មាសច្រើនជំនាន់ បានប្រកួតបើកឆាកដំបូង រវាងក្រុម ជូវេនទូស និងក្រុម «Chievo» នៅក្នុងក្រុង «Vérone» ដែលជាទឹកដីរបស់ក្រុម «Chievo»។

បើទោះជាកីឡាករ រ៉ូណាល់ដូ រកមិនបានគ្រាប់បាល់មួយសោះ នៅក្នុងការប្រកួតនេះក៏ដោយ តែគេឃើញកីឡាករ បានដឹកនាំខ្សែប្រយុទ្ធ របស់ក្រុម សេះបង្កន់ ឡើងទៅរកគ្រាប់បាល់ បានជាច្រើនដង ជាពិសេសបានជួយរកឱកាស ឲ្យកីឡាករ «Khedira» រកគ្រាប់បាល់ដំបូង តាំងពីនាទីទី ៣។

តែក្រុម «Chievo» បានវាយសម្រុកត្រឡប់វិញ ដោយរកគ្រាប់បាល់នាំមុខ ក្រុម ជូវេនទូស បានពីរគ្រាប់ នៅនាទីទី ៣៨ [...]

រ៉ូណាល់ដូ ឲ្យ​ប្រាក់​«ធីប» ២ម៉ឺន​អ៊ឺរ៉ូ ទៅ​បុគ្គលិក​សណ្ឋាគារ​១០នាក់

រ៉ូណាល់ដូ ឲ្យ​ប្រាក់​«ធីប» ២ម៉ឺន​អ៊ឺរ៉ូ ទៅ​បុគ្គលិក​សណ្ឋាគារ​១០នាក់

ប្រាក់ធីប ២០ ០០០អ៊ឺរ៉ូនោះ ជាការលើកទឹកចិត្ត ចំពោះបុគ្គលិក១០នាក់ របស់សណ្ឋាគារដ៏ទំនើបមួយ ក្នុងប្រទេសក្រិច ដែលបានបម្រើការដោយផ្ទាល់ ក្នុងអំឡុងពេល នៃការលំហែកាយ របស់កំពូលកីឡាករ គ្រីសយ៉ាណូ រ៉ូណាល់ដូ (Cristiano Ronaldo) និងក្រុមគ្រួសារ។ ជាពិសេស វាជាការលើកទឹកចិត្ត ចំពោះក្រុមបុគ្គលិក ដែលបានជួយបំបាំងវត្តមាន របស់ម្ចាស់បាល់មាសប្រាំជំនាន់ ពីក្រុមអ្នកតាមប្រមាញ់ថតរូប​ទាំងឡាយ និងធ្វើឲ្យកំពូលកីឡាករ និងគ្រួសារ បានស្នាក់នៅលំហែកាយ ដោយក្ដីសោមនស្ស។

គឺសារព័ត៌មានកីឡា «Sportime.gr» របស់ប្រទេសក្រិច ជាអ្នកទម្លាយចេញ នូវដំណឹងទុកប្រាក់​«ធីប» ​ដ៏សម្បើមក្រៃ សម្រាប់ក្រុមបុគ្គលិកសណ្ឋាគារ។ សារព័ត៌មាន បានរាយការណ៍ថា៖ «បុគ្គលិកទាំង១០នាក់ ដែលទទួលបន្ទុក ផ្ដល់សេវាកម្មលំហែកាយ ទៅឲ្យគ្រួសាររបស់កីឡាករ រ៉ូណាល់ដូ និងជួយលាក់បំបាំងពួកគេ ពីក្រុមតាមប្រម៉ាញ់ថតរូបនោះ ទទួលបានប្រាក់ធីប ក្នុងម្នាក់ៗ ២ ០០០អ៊ឺរ៉ូ»។

[...]
រ៉ូណាល់ដូ៖ «ខ្ញុំ​ខុស​ពី​អ្នក​ផ្សេង»

រ៉ូណាល់ដូ៖ «ខ្ញុំ​ខុស​ពី​អ្នក​ផ្សេង»

តារាបាល់ទាត់ព័រទុយហ្គាល់ កីឡាករ គ្រីស្ទៀណូ រ៉ូណាល់ដូ (Cristiano Ronaldo) បានថ្លែងថា ខ្លួន«ខុស»ពីអ្នកផ្សេង ដែលឲ្យតែមានអាយុរាងជ្រេបន្តិច តាំងងាកទៅរកចុះហត្ថលេខា នៅក្នុងក្របខណ្ឌបាល់ទាត់ ដែលមិនសូវខ្លាំង ដូចជានៅក្នុងប្រទេសចិន ឬប្រទេសកាតានោះ។ ការថ្លែងរបស់កីឡាករ ធ្វើឡើង​កាលពីរសៀល​ថ្ងៃចន្ទ នៅក្នុងសន្និសីទកាសែត ដើម្បីបង្ហាញខ្លួនកីឡាករ បន្ទាប់ពីម្ចាស់បាល់មាស ៤ជំនាន់រូបនេះ បានចុះហត្ថលេខាទាត់ឲ្យក្រុម ជូវេនទូស (Juventus) សម្រាប់រយៈពេល ៤ឆ្នាំរួច។

រ៉ូណាល់ដូ អាយុ៣៣ឆ្នាំ បានថ្លែងឲ្យដឹងថា៖ «ខ្ញុំខុសពីកីឡាករផ្សេងទៀត ដែលគិតថា អាជីពរបស់ពួកគេ បានចប់ហើយ នៅពេលពួកគេមានអាយុ ស្របាលនឹងខ្ញុំ។ ខ្ញុំចង់បង្ហាញថា ខ្ញុំមិនដូចអ្នកទាំងនោះទេ។»

អតីតខ្សែប្រយុទ្ធ របស់ក្រុម រៀលម៉ាឌ្រីត (Real Madrid) បានបន្តថា៖ «ខ្ញុំគ្មានភាពចាំបាច់អី ត្រូវបញ្ជាក់ច្រើន ទៅនរណាម្នាក់នោះទេ [...]

ពិភពបាល់ទាត់រង្គើជាថ្មី៖ រ៉ូណាល់ដូ ចេញពីរៀល ទៅជូវេនទូស

ពិភពបាល់ទាត់រង្គើជាថ្មី៖ រ៉ូណាល់ដូ ចេញពីរៀល ទៅជូវេនទូស

ក្នុងរសៀលថ្ងៃអង្គារនេះ សារព័ត៌មានជាច្រើន នៅក្នុងប្រទេសអ៊ីតាលី បានផ្សាយពីការផ្ទេរកំពូលកីឡាករ ជាតិព័រទុយហ្គាល់ ថានឹងត្រូវប្រកាស ជាផ្លូវការ នៅក្នុងពេលខាងមុខ។ ពិតមែន! ព្រោះនៅប៉ុន្មាន​ម៉ោង​ក្រោយ​មក ពោលគឺនៅល្ងាចថ្ងៃដដែល ក្រុមបាល់ទាត់ រៀលម៉ាឌ្រីត (Real Madrid - អេស្ប៉ាញ) នៃរាជធានី ម៉ាឌ្រីត បានប្រកាសជាផ្លូវការ នៅក្នុងសេចក្ដីប្រកាសព័ត៌មានមួយ អះអាងពីការចាកចេញ របស់ខ្សែប្រយុទ្ធរបស់ខ្លួន ដែលគេស្គាល់ឈ្មោះ គ្រីស្ទៀណូ រ៉ូណាល់ដូ (Cristiano Ronaldo)។

សេចក្ដីប្រកាសព័ត៌មាននោះ បានសរសេរឲ្យដឹងថា «តាមបំណង របស់កីឡាកររបស់ខ្លួន គឺកីឡាករ គ្រីស្ទៀណូ រ៉ូណាល់ដូ ទើបក្រុមបាល់ទាត់ បានសម្រេចផ្ទេរកីឡាករ ទៅឲ្យក្រុម ជូវេនទូស (Juventus- អ៊ីតាលី)» បើទោះជា កិច្ចសន្យារបស់កីឡាករ ដែលចុះហត្ថលេខា ជាមួយក្រុម រៀល មានរយៈពេលរហូតដល់ ឆ្នាំ ២០២១ ក៏ដោយ។ 

មេដឹកនាំ របស់ក្រុម រៀល ត្រូវបានស្រង់សំដី [...]

បាល់ទាត់​ពិភពលោក៖ អ៊ុយរូហ្គាយ​បំបាក់​ម្ចាស់​ពាន​អ៊ឺរ៉ុប ឡើង​ទៅ​ជួប​បារាំង

បាល់ទាត់​ពិភពលោក៖ អ៊ុយរូហ្គាយ​បំបាក់​ម្ចាស់​ពាន​អ៊ឺរ៉ុប ឡើង​ទៅ​ជួប​បារាំង

ចាប់ពីវគ្គនេះតទៅ ព្រឹត្តិការណ៍បាល់ទាត់ពិភពលោក ឆ្នាំ២០១៨ លែងបានឃើញ កំពូលកីឡាករពិភពលោក ទាំងពីរនាក់នេះទៀតហើយ។ បន្ទាប់ពីកីឡាករ លីយ៉ូនែល ម៉េស៊ី (Lionel Messi) ដែលត្រូវបានជម្រុះចេញ កាលពីប៉ុន្មានម៉ោងមុន ជាមួយក្រុម អាហ្សង់ទីន របស់ខ្លួន ដោយសារប្រកួតចាញក្រុម បារាំង ដោយគ្រាប់បាល់ ៣-៤ នោះ នៅពេលនេះ ដល់វេនកីឡាករ គ្រីស្ទៀណូ រ៉ូណាល់ដូ (Cristiano Ronaldo) ម្ដង ដែលត្រូវវេចបង្វិចត្រឡប់ទៅផ្ទះ ក្រោយពីក្រុម ព័រទុយហ្គាល់ បានប្រកួតចាញ់ក្រុម អ៊ុយរូហ្គាយ ដោយគ្រាប់បាល់ ១-២។

ក្រុម ព័រទុយហ្គាល់ ដែលជាម្ចាស់ពានអ៊ឺរ៉ុប ឆ្នាំ២០១៦ បានដួលបះជើង នៅចំពោះក្រុម អ៊ុយរូហ្គាយ ដែលត្រូវបានបើកផ្លូវ ដោយគ្រាប់បាល់ ពីរគ្រាប់តែឯង របស់កីឡាករ អេឌីសុន កាវ៉ានី (Edinson Cavani) នៅនាទីទី ៧ និងនាទីទី ៦២។ ប៉ុន្តែគួរឲ្យស្ដាយ ដែលខ្សែប្រយុទ្ធ ដែលកំពុងទាត់ឲ្យក្រុម ប៉ារីស រូបនេះ បានចាកចេញពីការប្រកួត នៅចុងបញ្ចប់ម៉ោង [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...