ហ៊ុន សែន និមន្តព្រះសង្ឃ ប៊ុត ប៊ុនតិញ ឲ្យរួមពិធី«ការពារបរិស្ថាន»
ព្រះសង្ឃ ប៊ុត ប៊ុនតិញ បានស្រង់មតិមួយចំនួន មកបញ្ជាក់ក្នុងថេរដីកាថា វេទិកា«ការការពារ និងការអភិវឌ្ឍន៍ធនធានធម្មជាតិ» រៀបចំឡើងដោយក្រសួងបរិស្ថាន ដែលបាននិមន្តអញ្ជើញព្រះអង្គ ឲ្យចូលរួមក្នុងវេទិកានោះ មានលក្ខណៈ«នយោបាយ»។ នេះបើតាមអ្វី ដែលគេអានបាន នៅក្នុងសំណេរមួយ លើគណនីហ្វេសប៊ុករបស់ព្រះអង្គ ប៊ុត ប៊ុនតិញ អមទៅនឹងលិខិតអញ្ជើញ របស់ក្រសួងបរិស្ថាន ដែលព្រះអង្គបានបង្ហោះ នៅមុននេះបន្តិច។
វេទិកា«ការការពារ និងការអភិវឌ្ឍន៍ធនធានធម្មជាតិ» នឹងប្រព្រឹត្តិទៅ នៅថ្ងៃទី២២ ខែសីហា ឆ្នាំ២០១៦ ពីរថ្ងៃខាងមុខនេះ នៅក្នុងសាលប្រជុំ«រំដួល» នៅវិមានសន្តិភាព។ ក្រសួងបរិស្ថាន ដែលជាអ្នករៀបចំវេទិកានេះ បានអញ្ជើញស្ថាប័នជាច្រើន ព្រមទាំងសកម្មជន និងអ្នកទទួលខុសត្រូវខាងបរិស្ថាន ជាច្រើននាក់/អង្គ ឲ្យចូលរួមក្នុងវេទិកានេះ ដូចយ៉ាងបានអញ្ជើញ កញ្ញា ធី សុវណ្ណថា ប្រធានអង្គការ [...]
