Posts tagged as "Environnement"

ក្រសួង​បរិស្ថាន​ថា NASA យក​ទិន្នន័យ​«ចាស់»​មក​ផ្សាយ

ក្រសួង​បរិស្ថាន​ថា NASA យក​ទិន្នន័យ​«ចាស់»​មក​ផ្សាយ

នៅព្រលប់ ថ្ងៃទី១៣ ខែមករា ឆ្នាំ២០១៧នេះ ក្រសួងបរិស្ថានកម្ពុជា បានចេញសេចក្តីបំភ្លឺមួយ សម្តែងការ​សោក​ស្តាយ ចំពោះទិន្នន័យ ប្រើប្រាស់នៅក្នុង​របាយការណ៍ដ៏ខ្លី របស់អង្គការណាសា (NASA) ដែល​ក្រសួង​ហៅ​ថា ជា​ទិន្នន័យ«ចាស់»។ ក្នុងសេចក្ដីបំភ្លឺ ដែលទស្សនាវដ្ដីទទួលបាន នៅមុននេះបន្តិច បានឲ្យដឹងថា ទន្និន័យ ដែលកម្មវិធីឃ្លាំមើលផែនដី របស់អង្គការ ណាសា បានយកមកសរសេរ នៅក្នុងរបាយការណ៍នោះ ជា​«អាត្រា​មធ្យម​​ប្រចាំឆ្នាំ នៃការបាត់បង់​គម្រប​ព្រៃឈើ» តែមិនមែនជា «អត្រា​បាត់បង់​គម្រប​ព្រៃឈើ មធ្យម​ប្រចាំ​ឆ្នាំ» ដូច​ការ​ផ្សាយ របស់សារព័ត៌មានមួយចំនួននោះទេ។

តើ«អាត្រាមធ្យម​ប្រចាំ​ឆ្នាំ នៃការបាត់បង់គម្របព្រៃឈើ» ខុសពី«អត្រាបាត់បង់​គម្របព្រៃឈើ មធ្យម​ប្រចាំ​ឆ្នាំ» យ៉ាងដូចម្ដេច?

បន្ថែមពីលើនេះ ក្រសួងមិនបានបកស្រាយទេ ពីរូបភាពថតពីផ្កាយរណប ក្នុងចុងឆ្នាំ២០១៥ ​របស់​អង្គការ​ណាសា បង្ហាញពីក្រឡាជាច្រើន [...]

ចិន​បង្ហោះ​ផ្កាយ​រណប ដើម្បី​«ឃ្លាំ​មើល​ឧស្ម័ន​កាបូនិក»

ចិន​បង្ហោះ​ផ្កាយ​រណប ដើម្បី​«ឃ្លាំ​មើល​ឧស្ម័ន​កាបូនិក»

កាលពីថ្ងៃព្រហស្បត្តិ៍នេះ ប្រទេសចិនបានបាញ់កាំជ្រួច ផ្កាយរណបដំបូង របស់ខ្លួន ដើម្បីឃ្លាំមើល ការ​បញ្ចេញ​សារជាតិ​ពុល ឬឧស្ម័នកាបូនិក ទៅក្នុង បរិយាកាស។ នេះ បើតាមការផ្សាយឲ្យដឹង របស់​សារព័ត៌មាន​ផ្លូវការ​ ឈ្មោះ​«ចិនថ្មី»។

សារព័ត៌មាន​បានបញ្ជាក់ថា ផ្កាយរណបដ៏ទំនើបរបស់ចិនមួយនេះ នឹងជួយត្រួតពិនិត្យមើល ទៅលើកម្រិត​កាត់​បន្ថយ នៃការបញ្ចេញសារជាតិពុល របស់ ប្រទេស ដទៃទៀត ថាពិតជាបានសមស្រប ដូចដែល​ប្រទេស​ទាំង​នោះ បានផ្ដល់សច្ចាប័នឬទេ។

ប្រទេសចិន ជាប្រទេសទីបី ដែលបានបាញ់កាំជ្រួចផ្កាយរណបប្រភេទនេះ ឡើងទៅក្នុងអាវកាស បន្ទាប់ពី​សហរដ្ឋ​អាមេរិក និងជប៉ុន។ ប៉ុន្តែចិន ជាប្រទេស ទីមួយ ដែលបញ្ចេញឧស្ម័នកាបូនិក មកក្នុង​បរិយាកាស​ច្រើន​ជាង​គេ ក្នុងពិភពលោក។

សារព័ត៌មានផ្លូវការ [...]

លប់​ចោល​ជើង​ហោះ​ហើរ​ជា​ច្រើន​នៅ​ប៉េកាំង ព្រោះ... ជាតិពុល!

លប់​ចោល​ជើង​ហោះ​ហើរ​ជា​ច្រើន​នៅ​ប៉េកាំង ព្រោះ... ជាតិពុល!

នេះ ជាការប្រកាសអាសន្ន ក្នុងថ្ងៃទី៥ហើយ ទាក់ទងនឹងផ្សែងពុល ដែលកំពុងបង្ហាញវត្តមាន នៅក្នុង​បរិយាកាស នៃរដ្ឋធានីប៉េកាំង ដែលមាន​ប្រជាជន​រស់នៅ ដល់ទៅជាង១១លាននាក់។ ជាលទ្ធផល​សម្រាប់​ថ្ងៃ​អង្គារទី២០ ខែធ្នូនេះ ជើងហោះហើរចំនួន២១៧ ត្រូវបានលប់ចោល ដោយ​សារផ្សែងអ័ព្ទ បាន​រំខាន​ដល់​ផ្លូវ​ហោះហើរ ដែល​យន្ដហោះត្រូវប្រើប្រាស់។ នេះបើតាមសេចក្ដីប្រកាស របស់ព្រលានយន្ដហោះអន្តរជាតិ នៃ​រដ្ឋធានី​ប៉េកាំង ដែលចេញ​ផ្សាយ​ឲ្យដឹង នៅវេលាថ្ងៃត្រង់។

មិនត្រឹមតែប៉ុណ្ណឹងទេ ផ្សែងអ័ព្ទដ៏ក្រាស បានបង្ខំឲ្យអាជ្ញាធររដ្ឋធានី បិទផ្លូវល្បឿនលឿន (ភាសាអង់គ្លេសហៅ HighWay ឬភាសាបារាំងហៅ AutoRoute) ជាច្រើនខ្សែ ដើម្បីបង្កាសុវត្ថិភាពចរាចរណ៍។

តាំងពីថ្ងៃសុក្រសប្ដាហ៍មុន ទីក្រុងធំៗចំនួនជាង២០ ស្ថិតនៅភាគឦសាននៃប្រទេសចិន ត្រូវបានប្រកាស​ឲ្យ​ស្ថិត​ក្នុង​ភាពអាសន្ន ដែលមានកម្រិត​ពណ៌​ក្រហម ជុំវិញនឹងសារជាតិពុល នៅក្នុងបរិយាកាស។ ស្ថានការណ៍​នេះ [...]

ស្វែង​យល់​ពី​នយោបាយ​ទាំង​៧ចំនុច របស់ ដូណាល់ ត្រាំ

ស្វែង​យល់​ពី​នយោបាយ​ទាំង​៧ចំនុច របស់ ដូណាល់ ត្រាំ

ពលរដ្ឋអាមេរិកាំង បានសម្រេចចិត្ត គូសវាស​អនាគតរបស់ពួកគេ ដោយបានបោះឆ្នោតជូនបេក្ខជន មកពី​គណបក្ស​សាធារណរដ្ឋ លោក ដូណាល់ ត្រាំ (Donald Trump) ឲ្យក្លាយជាប្រធានាធិបតីទី៤៥ នៃ​សហរដ្ឋ​អាមេរិក សម្រាប់អាណត្តិ៤ឆ្នាំទៅមុខ។ ខណៈពេលដែលអ្នកស្រី ហ៊ីឡារី គ្លីនតុន បេក្ខនារី​មកពី​គណបក្ស​ប្រជា​ធិបតេយ្យ បានជ្រើសរើសយក នយោបាយបើកចំហរ និងការផ្ដោះប្ដូរពារណិជ្ជកម្ម ដោយសេរីនោះ លោក ដូណាល់ ត្រាំ បានជ្រើសរើសយកនយោបាយ «ឯកោនិយម» និងបានប្រើយុទ្ធសាស្ត្រ ក្នុង​ការ​ឃោសនា​បោះ​ឆ្នោត បាញ់ឆ្ពោះទៅលើតែប្រធានបទ ដ៏ចម្រូងចម្រាស់ ពោរពេញដោយសង្គ្រាមប៉ាកា ដូចយ៉ាង សិទ្ធិ​នៃ​ការ​កាន់​អាវុធ​នៅអាមេរិក និងការបណ្ដេញចេញ នូវជនអន្តោប្រវេសន៍ខុសច្បាប់ ពីប្រទេសជាដើម។

ខាងក្រោមនេះ ជា«ការដ្ឋាន»នយោបាយ ទាំង៧ចំណុច របស់លោក ដូណាល់ ត្រាំ ដែលលោក​ត្រៀម​នឹង​យក​មក​អនុវត្តន៍ នៅបន្ទាប់ពីលោក ចូលកាន់​តំណែង​ពេញ​បរិបូណ៍ នៅឯសេតវិមាន ក្នុងថ្ងៃទី២០ [...]

កម្ពុជា​នៅ​តែ​ផ្គត់ផ្គង់​ឈើ​ប្រណិត និង​​គ្រឿង​​សង្ហារឹម​ដ៏​ច្រើន​ទៅ​​ឲ្យ​វៀតណាម

កម្ពុជា​នៅ​តែ​ផ្គត់ផ្គង់​ឈើ​ប្រណិត និង​​គ្រឿង​​សង្ហារឹម​ដ៏​ច្រើន​ទៅ​​ឲ្យ​វៀតណាម

កាលពីឆ្នាំទៅម៉ិញ ប្រទេសកម្ពុជា និងប្រទេសឡាវ ជាប្រទេសពីរ ដែលបានផ្គត់ផ្គង់ និងនាំចេញឈើប្រណិត និង​សម្ភារៈ​គ្រឿង​សង្ហារឹម​ច្រើនជាងគេ ទៅឲ្យប្រទេសវៀតណាម។ ប៉ុន្តែរាប់ចាប់តាំងពីខែមករា មកដល់ខែកក្កដា ឆ្នាំ​នេះ ការ​នាំ​ចេញ​នូវ​ឈើ​ប្រណិត និងសម្ភារៈគ្រឿងសង្ហារឹម​ ពីប្រទេសទាំងពីរខាងលើ បានថមថយយ៉ាងខ្លាំង។ នេះ​បើ​តាម​សេចក្ដី​រាយការណ៍ របស់ទីភ្នាក់ងារព័ត៌មាន «VNA» ដែលជាទីភ្នាក់ងារផ្លូវការ របស់ប្រទេស​វៀតណាម ចេញផ្សាយកាលពីចុងសប្ដាហ៍ កន្លងមកនេះ។

ការ​ប្រើពាក្យ«ឈើប្រណិត» ដោយហេតុថា ឈើដែលប្រទេសកុម្មុយនីស ទទួលចូលទៅក្នុងទីផ្សាររបស់ខ្លួន មាន​គោលដៅដើម្បីធ្វើគ្រឿងសង្ហារឹម និងការតុបតាំងលំអ នៅក្នុងវិស័យសំណង់។ ទីភ្នាក់ងារ «VNA» ដដែល​បាន​បញ្ជាក់​ទៀត​ថា នៅដើមឆ្នាំនេះ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...