ហ្គឺរ៉ាដូ ម៉ាទីណូ៖ ខ្ញុំបានក្លាយជាគ្រូបង្វឹកបាសេឡូណា ដោយសារម៉េស៊ី
លោកហ្គឺរ៉ាដូ ម៉ាទីណូ (Gerardo Martino) មានជំនឿថា ដោយសារតែបានកាណែនាំពីសំណាក់កីឡាករ លីយ៉ូនែល ម៉េស៊ី (Lionel Messi) ទើបធ្វើឲ្យគាត់ត្រូវបានក្រុមអ្នកមានបុណ្យបាសេឡូណា (Barcelona) ធ្វើការតែងតាំងជាគ្រូបង្វឹកថ្មី យ៉ាងភ្ញាក់ផ្អើល កាលពីថ្ងៃច័ន្ទកន្លងទៅ។
កំពូលកីឡាករ លីយ៉ូនែល ម៉េស៊ី របស់ក្រុម បាសឺឡូណា។ (រូបថត Marcelo del Pozo)
បុរសសញ្ជាតិអាស្សង់ទីន វ័យ៥០ឆ្នាំ បាននិយាយនៅក្នុងសន្និសីតសារពត៌មានថា៖ «គេដឹងពត៌មានលំអិតរបស់ខ្ញុំយ៉ាងណានោះ ខ្ញុំមិនដឹងទេ ប៉ុន្តែខ្ញុំយល់ថាឳពុករបស់ម៉េស៊ី និងខ្សែប្រយុទ្ធលីយ៉ូនែល ម៉េស៊ី ជាអ្នកជួយផ្តល់ជាអនុសាសន៏ទៅក្រុមបាសេឡូណា អំពីរូបខ្ញុំ។ ខ្ញុំជឿជាក់ថាពួកគេជាអ្នកជួយខ្ញុំ ព្រោះកន្លងមកយើងមានទំនាក់ទំនងល្អជាមួយគ្នា។»
[...]
