Posts tagged as "Ou Virak"

«អាណិត» ព្រោះលោក ខឹម វាសនា មាន«បញ្ហាផ្លូវចិត្ត»! នេះជាការថ្លែងឡើង របស់អ្នកវិភាគ​បញ្ហា​សង្គម-​នយោបាយ លោក អ៊ូ វីរៈ  ដែលបានសរសេរ​នៅមុននេះបន្តិច លើបណ្ដាញសង្គម។ លោក អ៊ូ វីរៈ ដែល​ជា​ប្រធាន​អង្គការវេទិកាអនាគតផងនោះ បានសរសេរដូច្នេះ ដើម្បីតបទៅនឹងវីដេអូមួយ ដែលគេបានឮលោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ (ហៅខ្លួនឯងថា បក្សជួង) និយាយពីការសុំកោះមួយ បង្កើត​ប្រទេស​ដាច់​ដោយ​ឡែក និងលែងចង់នៅ ជាជនជាតិខ្មែរតទៅទៀត។

លោក អ៊ូ វីរៈ បានសរសេរថា៖ «ខ្ញុំមានអារម្មណ៍អាណិតគាត់។ គាត់មានបញ្ហាផ្លូវចិត្ត។ កំហឹង និងការតឹងទ្រូង នាំ​គាត់​ទៅ[ជា]អញ្ចឹង។»។

នៅខាង​ក្រោម​ការលើកឡើង របស់លោក អ៊ូ វីរៈ រហូតមកដល់ម៉ោងនេះ មានសមាជិក [...]

មិនមានបដិវត្តន៍ពណ៌ទេ! វាទៅមិនរួចទេ! ទាំងនេះជាការលើកឡើង របស់លោក អ៊ូ វីរៈ ​ប្រធាន​​វេទិកា​​អនាគត ​ដែល​​ជា​​មជ្ឈមណ្ឌល​សិក្សា​​ស្រាវ​ជ្រាវ​​គោល​​នយោបាយ ក្នុង​ប្រទេសកម្ពុជា តបទៅនឹងការលើកឡើង តាំង​ពី​ច្រើន​ខែ​មកហើយ ពីសំណាក់មន្ត្រីរដ្ឋាភិបាល និងថ្នាក់ដឹកនាំកងកម្លាំងប្រដាប់អាវុធ ជុំវិញការធ្វើ​«បដិវត្តន៍​ពណ៌» ដោយកម្លាំងប្រជាជន ដើម្បីផ្ដួលលោក ហ៊ុន សែន ពីអំណាចជានាយករដ្ឋមន្ត្រី បីទសវត្សរ៍ជាង នៅ​កម្ពុជា។

ការថ្លែងពីការទប់ស្កាប់ «បដិវត្តន៍ពណ៌» ត្រូវបានលើកឡើងផ្ទួនៗ កាលពីពេលកន្លងមក ដោយមន្ត្រីរដ្ឋាភិបាល​ជាន់​ខ្ពស់​មួយចំនួន និងនៅក្នុងរយៈពេលប៉ុន្មានថ្ងៃចុងក្រោយនេះ ដោយមេទ័ពកំពូលៗ របស់ជាតិ។ អគ្គ​មេ​បញ្ជា​ការ នៃកងយោធពលខេមរភូមិន្ទ លោក ប៉ុល សារឿន ថែមទាំងប្រកាសជាចំហរទៀតថា កងទ័ពជាតិ​ត្រូវ​បាន​បញ្ជា ឲ្យការពារលោក ហ៊ុន សែន និងគ្រួសារ ឲ្យមានសុវត្ថិភាព ១០០% នោះផង។

នៅក្នុងពិធី​រំឭក​ខួប [...]

ដំណាលគ្នានឹង​ថ្ងៃបុណ្យឯករាជ្យជាតិ ថ្ងៃទី៩ ខែវិច្ឆិកា ឆ្នាំ២០១៥ នេះ ប្រធានវេទិកាអនាគតនយោបាយ លោក អ៊ូ វីរៈ បានចេញលិខិតចំហររបស់ខ្លួនមួយ ដែលមានចំនួន១៦ទំព័រ ជាភាសាខ្មែរ ដោយស្នើឲ្យ​គណបក្ស ដែលមានសំលេងឆ្នោត ក្នុងសភាទាំងពីរ (គណបក្សប្រជាជនកម្ពុជា និងគណបក្សសង្រោ្គះជាតិ) ក៏​ដូច​ជា​គណបក្សតូចៗដទៃទៀត ដែលកំពុងចូលរួម ក្នុង«នយោបាយ»នៅកម្ពុជា ដោយស្នើឲ្យ មាន​គោល​នយោបាយ​ការបរទេស ដែលត្រូវបានធ្វើឡើង ជាប្រយោជន៍ជាតិ និងប្រជារាស្រ្ត សម្រាប់រយៈពេលវែង តាម​បែប​លិទ្ធិ​ប្រជាធិបតេយ្យ​ពិតប្រាកដ។

ដើមទំព័រនៃលិខិតចំហរនេះ លោកបានសរសេរថា៖ «ជាការអំពាវនាវ ដល់គណបក្ស​នយោបាយ​ធំៗ​ទាំង​ពីរ... ជាការអំពាវនាវ ដល់គណបក្សតូចៗដទៃទៀត សូមឲ្យមានការយល់ស្របគ្នា អំពីគោលនយោបាយ​ការបរទេស​មួយ សម្រាប់ប្រទេសកម្ពុជា។ (...) ផលប្រយោជន៍ ជាយុត្តិសាស្រ្ តសម្រាប់រយៈពេលវែង របស់​ប្រទេស (កម្ពុជា) បើទោះជាគណបក្សនយោបាយណា ជាអ្នកកាន់អំណាច [...]