ម្ចាស់ជើងឯកអ៊ឺរ៉ុប ចាក់ក្រឡេក បាយ៉ឺន ដល់ផ្ទះ
តាមពិតទៅ ក្រុមបាល់ទាត់យក្សទាំងពីរ ធ្លាប់បានជួបគ្នា ជាច្រើនដងហើយ ខណៈលទ្ធផលវិញ ក្រុម បាយ៉ឺនមូនិឆ (Bayern Munich) របស់ប្រទេសអាល្លឺម៉ង់ មិនសូវមានវាសនាប៉ុន្មាន ទល់នឹងក្រុម រៀលម៉ាឌ្រីត (Real Madrid) របស់ប្រទេសអេស្ប៉ាញនោះទេ។
សម្រាប់ការប្រកួត «ទៅ» វគ្គពាក់កណ្ដាលផ្ដាច់ព្រ័ត្រ ក្របខណ្ឌដណ្ដើមជើងឯកអ៊ឺរ៉ុប «Champions League» ប្រចាំឆ្នាំ២០១៧-២០១៨ ក្នុងយប់នេះ ក្រុម រៀល ដែលកំពុងកាន់តំណែង ជាជើងឯកឆ្នាំទៅម៉ិញ នៅក្នុងដៃផងនោះ បានយកឈ្នះលើក្រុម បាយ៉ឺន ជាថ្មីទៀត នៅក្នុងកីឡដ្ឋាន «Allianz Arena» របស់ក្រុម បាយ៉ឺន។
នៅក្នុងការប្រកួត ដែលមានរយៈពេលជាង ៩០នាទី និងបើទោះជា កីឡាករ គ្រីស្ទៀណូ រ៉ូណាល់ដូ (Cristiano Ronaldo) កំពូលខ្សែប្រយុទ្ធរបស់ក្រុម រៀល មិនសូវមានសកម្មភាពយ៉ាងណាក្ដី តែកីឡាករភាគច្រើន របស់ក្រុម រៀល សុទ្ធតែមានថ្វីជើង ប្រកបដោយប្រសិទ្ធភាពខ្ពស់ ក្នុងការទប់ ចែក បញ្ជូន និងទាត់បាល់ [...]