Posts tagged as "William Heidt"

អាមេរិក​និង​​​អឺរ៉ុប​ អះអាងបន្ត​​បើក​​ទីផ្សារ​​ និង​​បង្កើន​​ការ​​បញ្ជា​​ទិញ

អាមេរិក​និង​​​អឺរ៉ុប​ អះអាងបន្ត​​បើក​​ទីផ្សារ​​ និង​​បង្កើន​​ការ​​បញ្ជា​​ទិញ

ក្នុងជំនួបជាមួយលោក អ៊ិត សំហេង រដ្ឋមន្ត្រីក្រសួងការងារ កាលពីថ្ងៃទី៦ ខែតុលា ឆ្នាំ២០១៧ម្សិលម៉ិញ លោក វីល្លៀម ហេត (William Heidt) ​ឯកអគ្គរដ្ឋទូត​អាមេរិក​ប្រចាំ​កម្ពុជា និង​លោក ហ្សក អេដហ្គា (George Edgar) ឯកអគ្គរដ្ឋទូត​សហភាព​អឺរ៉ុប​ ប្រចាំ​កម្ពុជា បានអះអាងថា សហរដ្ឋ​អាមេរិក ​និង​សហភាព​អឺរ៉ុប នឹង​បន្ត​បើក​ទីផ្សារ​របស់​ខ្លួន​ ដល់​កម្ពុជា និង​បង្កើន​ការ​បញ្ជា​ទិញ​ទំនិញ ​ពី​កម្ពុជា​ ហើយនឹងមិន​ភ្ជាប់​កិច្ច​ខិត​ខំ​ប្រឹងប្រែង​របស់​កម្ពុជា​ ក្នុង​ការ​គោរព​លក្ខខណ្ឌ​ការងារ ទៅ​នឹង​ភាព​តានតឹង ​ផ្នែក​ផ្សេង​ទៀត​ឡើយ​។

ជំនួបខាងលើ ដែលប្រព្រឹត្តិទៅក្នុងអាគារក្រសួងការងារ បានធ្វើ​ឡើង​​មួយ​ថ្ងៃ​ ក្រោយ​ពី​គណៈកម្មការ​​ប្រឹក្សា​ការងារ​ បានប្រកាសកាលពីថ្ងៃទី៥ ខែតុលា ឆ្នាំ២០១៧ ​តម្លើង​ប្រាក់​ឈ្នួល​អប្បបរមា​ របស់កម្មករ​និយោជិត​ ផ្នែក​វាយនភណ្ឌ រហូត​ដល់​១៧០​ដុល្លារ​ (១៦៥+៥ដុល្លារ) ចាប់ពី​ឆ្នាំ​២០១៨តទៅ​​។ [...]

កម្ពុជា​ថា​«មិន​សម​ហេតុផល» ចំពោះ​ការ​ផ្អាក​​ផ្ដល់​​ទិដ្ឋការ​អាមេរិក ​សម្រាប់​​មន្ត្រី​​ខ្លួន

កម្ពុជា​ថា​«មិន​សម​ហេតុផល» ចំពោះ​ការ​ផ្អាក​​ផ្ដល់​​ទិដ្ឋការ​អាមេរិក ​សម្រាប់​​មន្ត្រី​​ខ្លួន

ក្រសួងការបរទេសកម្ពុជា បានចេញសេចក្តីថ្លែងការណ៍មួយ នៅរសៀល ថ្ងៃទី១៤ ខែកញ្ញា ឆ្នាំ២០១៧នេះ សំដែងការភ្ញាក់ផ្អើល ចំពោះការផ្អាកលែងផ្ដល់ទិដ្ឋការ ប្រភេទ«មិនមែនអន្តោប្រវេសន៍» ពីសំណាក់ស្ថានទូតអាមេរិក ប្រចាំរាជធានីភ្នំពេញ ជូនមន្ត្រីការបរទេសជាន់ខ្ពស់កម្ពុជា រាប់ចាប់តាំងពីថ្នាក់អគ្គនាយកឡើងទៅ ដោយរួមបញ្ជូលទាំងក្រុមគ្រួសាររបស់មន្ត្រីទាំងនោះផង។

នៅក្នុងសេចក្ដីថ្លែងការណ៍នោះ ក្រសួងការបរទេស បានចាត់ទុកការសម្រេចផ្អាកនេះ ថាមិនសមហេតុផល ហើយផ្ទុយនឹងកិច្ចសហប្រតិបត្តិការ ល្អប្រសើររវាងសហរដ្ឋអាមេរិក និងកម្ពុជា លើបញ្ហាកន្លងមក។

កាលពីថ្ងៃទី១៣ ខែកញ្ញានេះ ស្ថានទូតអាមេរិក បានឲ្យដឹង នៅក្នុងសេចក្ដីប្រកាសព័ត៌មានមួយ របស់ខ្លួនថា ចាប់ពីថ្ងៃចេញព័ត៌មាននេះតទៅ ប្រទេសមហាអំណាចមួយនេះ «នឹង​ផ្អាក​លែង​ចេញ​ទិដ្ឋាការ​ ប្រភេទ B1 ប្រភេទ B2 និង​ប្រភេទ B1/B2 (ដែលសុទ្ធសឹងជាប្រភេទ មិនមែនអន្តោរប្រវេសន៍) [...]

ហ៊ុន សែន ហៅ​ពលរដ្ឋ​ឲ្យ​ប្រកាន់​នយោបាយ​ជាតិ​និយម ប្រឆាំង​អាមេរិក

ហ៊ុន សែន ហៅ​ពលរដ្ឋ​ឲ្យ​ប្រកាន់​នយោបាយ​ជាតិ​និយម ប្រឆាំង​អាមេរិក

«ជនរួមជាតិ សូមមេត្តាក្រោកឈរឡើង ប្រកាន់គោលនយោបាយជាតិនិយម ការពារអធិបតេយ្យជាតិរបស់ខ្លួន ប្រឆាំងនឹងការជ្រៀតជ្រែក របស់បរទេស» នេះ ជាការថ្លែងឡើងរបស់លោក ហ៊ុន សែន នាយករដ្ឋមន្ត្រី - ប្រធានគណបក្សប្រជាជនកម្ពុជា នៅក្នុងប្រតិកម្មជាសាធារណៈមួយ តបទៅនឹងរដ្ឋបាលរដ្ឋាភិបាលសហរដ្ឋអាមេរិក ដែលបានចេញចំណាត់ការ ផ្អាកការផ្ដល់ទិដ្ឋការប្រភេទ «មិនអន្តោប្រវេសន៍» ទៅឲ្យមន្ត្រីការបរទេសជាន់ខ្ពស់កម្ពុជា។

នៅក្នុងវោហាស័ព្ទប្រតិកម្មខ្លាំងៗ នៅថ្ងៃនេះ ចំពោះកម្មករ-កម្មការិនីច្រើនរយនាក់ បុរសខ្លាំងកម្ពុជា ដែលអង្គុយនៅក្នុងតំណែង តាំងពីជាង៣ទសវត្សន៍មកនោះ បានថ្លែងដាក់«កំហិត» ឲ្យឯកអគ្គរដ្ឋទូតអាមេរិកប្រចាំនៅកម្ពុជា ត្រូវចេញមុខមកបកស្រាយ ពីការលើកឡើងកាលពីជិត៤ឆ្នាំមុន របស់លោក កឹម សុខា ប្រធានគណបក្សសង្គ្រោះជាតិ។ លោកថា៖ «ខ្ញុំចង់សួរឯកឧត្ដម ឲ្យឆ្លើយបំភ្លឺ តើសំដី កឹម សុខា ត្រឹមត្រូវឬអត់ ព្រោះយើងមិនបានចោទប្រកាន់ [...]

ស្ថានទូត​អាមេរិក​ព្រមាន​ពលរដ្ឋ​ខ្លួន ពី​សុវត្ថិភាព​ក្នុង​ប្រទេស​កម្ពុជា

ស្ថានទូត​អាមេរិក​ព្រមាន​ពលរដ្ឋ​ខ្លួន ពី​សុវត្ថិភាព​ក្នុង​ប្រទេស​កម្ពុជា

ស្ថានទូតសហរដ្ឋអាមេរិក ប្រចាំនៅក្នុងរាជធានីភ្នំពេញ បានចេញសេចក្ដីជូនដំណឹងមួយ ក្នុងល្ងាចថ្ងៃទី១៣ ខែកញ្ញា ឆ្នាំ២០១៧នេះ ព្រមានពលរដ្ឋអាមេរិកទាំងឡាយណា ដែលកំពុងមានវត្តមានក្នុង ឬកំពុងធ្វើដំណើរទៅកាន់ ប្រទេសកម្ពុជា ឲ្យធ្វើការ«ប្រុងប្រយ័ត្ន» ពីបញ្ហាសុវត្ថិភាព និងសន្តិសុខ នៅក្នុងប្រទេសនេះ។

សេចក្ដីជូនដំណឹង បានសរសេរថា៖ «ការវិវត្តន៍ថ្មីៗ ដូចជាការចាប់ខ្លួនអ្នកនយោបាយ ការបណ្ដេញអង្គការក្រៅរដ្ឋាភិបាលអាមេរិក និងបុគ្គលិកបរទេសរបស់អង្គការនោះ រួមជាមួយនឹងវោហាស័ព្ទប្រឆាំងអាមេរិក ពីសំណាក់មន្ត្រីជាន់ខ្ពស់ នៃរដ្ឋាភិបាលកម្ពុជា អាចបង្កើនភាពតានតឹងជាទូទៅ នៅក្នុងប្រទេសកម្ពុជា»។

ស្ថានតំណាងឲ្យប្រទេសអាមេរិក បានសរសេរ​នៅក្នុង​សេចក្ដី​ជូន​ដំណឹង​នោះ​ទៀតថា៖ «ទោះបីស្ថានទូត មិនមានព័ត៌មានជាក់លាក់ទាក់ទងនឹងការធ្វើបាតុកម្ម ឬបញ្ហាសន្តិសុខ ដែលអាចមាន ក្នុងពេលនេះក៏ដោយ តែយើងសូមអំពាវនាវ [...]

អាមេរិក​ផ្អាក​ការ​ផ្ដល់​ទិដ្ឋការ សម្រាប់​មន្ត្រី​ការបរទេស​ខ្មែរ

អាមេរិក​ផ្អាក​ការ​ផ្ដល់​ទិដ្ឋការ សម្រាប់​មន្ត្រី​ការបរទេស​ខ្មែរ

សេចក្ដីប្រកាសព័ត៌មានមួយ របស់ស្ថានទូតអាមេរិក ដែលទើបនឹងចេញផ្សាយនៅមុននេះ បានរៀបរាប់ឲ្យដឹងថា ចាប់ពីថ្ងៃទី១៣ ខែកញ្ញានេះ ស្ថានទូតនៃប្រទេសមហាអំណាចមួយនេះ «នឹង​ផ្អាក​លែង​ចេញ​ទិដ្ឋាការ​ ប្រភេទ B1 ប្រភេទ B2 និង​ប្រភេទ B1/B2 (ដែលសុទ្ធសឹងជាប្រភេទ មិនមែនអន្តោរប្រវេសន៍) ដល់​មន្ត្រី​នៃ​ក្រសួង​ការបរទេស​កម្ពុជា ​ដែល​មាន​តួនាទី​ ចាប់​ពី​ថ្នាក់​អគ្គនាយក ​រហូត​ដល់​ថ្នាក់​ដឹកនាំ​កំពូល​ នៃ​ក្រសួង​នេះ និង​សមាជិក​ក្រុម​គ្រួសារ​របស់​ពួកគេ ដោយ​មាន​ករណី​លើកលែង​ តិច​តួច​ប៉ុណ្ណោះ​»។

សេចក្ដីប្រកាសព័ត៌មាននោះ បានបញ្ជាក់ពីមូលហេតុ នៃការផ្អាកលែងផ្ដល់ទិដ្ឋការខាងលើថា ច្បាប់អន្តោប្រវេសន៍ និងសញ្ជាតិសហរដ្ឋអាមេរិក នៅត្រង់មាត្រា ២៤៣ (D) បានបញ្ជាឲ្យរដ្ឋមន្រ្តី​ការបរទេស​អាមេរិក ​ត្រូវ​កំណត់ឲ្យ​​​មន្ត្រី​​កុងស៊ុល​​ បញ្ឈប់​​លែង​​ផ្តល់​ទិដ្ឋាការទាំងនេះ បន្ទាប់ពីទទួលបានសំណើ [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...