Posts tagged as "NGO"

សេចក្តី​ព្រាង​ច្បាប់ NGO ត្រូវ​បាន​ព្រឹទ្ធសភា «អនុម័ត»

សេចក្តី​ព្រាង​ច្បាប់ NGO ត្រូវ​បាន​ព្រឹទ្ធសភា «អនុម័ត»

សេចក្តីព្រាងច្បាប់ ស្ដីពីសមាគម និងអង្គការក្រៅរដ្ឋាភិបាល ដ៏ចម្រូងចម្រាស់ ត្រូវបានព្រឹទ្ធសភា នៃប្រទេស​កម្ពុជា អនុម័ត នាព្រឹកថ្ងៃទី២៤ ខែកក្កដា ឆ្នាំ២០១៥នេះ បន្ទាប់ពីអត្ថបទព្រាងច្បាប់មួយនេះ ត្រូវបាន​រដ្ឋសភា​អនុម័ត ក្រោមសម្លេង ៦៨ លើ៦៨ នៃសម្លេងតំណាងរាស្រ្ត មកពីគណបក្សកាន់អំណាចតែមួយ កាលពីថ្ងៃទី​១៣ ខែកក្កដា ឆ្នាំ២០១៥កន្លងមក។

បន្ទាប់ពីការអនុម័ត សេចក្ដីព្រាងច្បាប់នេះ របស់រដ្ឋសភានាពេលនោះ តំណាងរាស្រ្ត ខាងគណបក្សប្រឆាំង ដែលបានធ្វើពហិការ មិនចូលរួមក្នុងការអនុម័តច្បាប់​ បានធ្វើការបរិហារថា ច្បាប់ NGO នេះប្រៀបបាន ជាកូន​កើតមិនគ្រប់ខែ យ៉ាងដូច្នេះដែរ។

» សូមអានអត្ថបទឡើងវិញ ដោយចុចនៅលើទីនេះ និងទីនេះ

[...]
រៀល ខេមរិន្ទ្រ៖ ច្បាប់ NGOs ជា​កូន​កើត​«មិន​គ្រប់​ខែ» (vdo)

រៀល ខេមរិន្ទ្រ៖ ច្បាប់ NGOs ជា​កូន​កើត​«មិន​គ្រប់​ខែ» (vdo)

តើសេចក្ដីព្រាងច្បាប់ស្ដីពី សមាគម និងអង្គការក្រៅរដ្ឋាភិបាល ពិតជាច្បាប់ ដែលប្រជាជាតិខ្មែរទាំងមូល ពិត​ជាត្រូវការមែនឬ? មិនប្រាកដជាដូច្នេះទេ ព្រោះក្រុមតំណាងរាស្ត្រ ដែលតំណាងឲ្យសម្លេងមួយភាគ របស់​ប្រជាជាតិខ្មែរ មិនបានយល់ស្របនឹងខ្លឹមសារនៃច្បាប់នេះទេ។ មិនត្រឹមតែប៉ុណ្នឹង តំណាងរាស្ត្រមួយរូប ថែម​ទាំងចោទថា សេចក្ដីព្រាងច្បាប់ ដែលត្រូវបានរដ្ឋសភាព ដែលមានតំណាងរាស្ត្រ មកពីឯកបក្សចូលរួមប្រជុំ អនុម័តនោះ ថាជាសេចក្ដីព្រាងច្បាប់ ដែលមិនគ្រប់ខែ នោះទៀត។

ក្នុងកិច្ចសម្ភាស ជាមួយទស្សនាវដ្តីមនោរម្យ.អាំងហ្វូ នាព្រឹកថ្ងៃទី១៣ ខេកក្កដា ឆ្នាំ២០១៥នេះ លោក រៀល ខេមរិន្ទ្រ តំណាងរាស្រ្តមណ្ឌលស្វាយរៀង មកពីគណបក្សសង្គ្រោះជាតិ បានប្រៀបប្រដូច ការអនុម័ត​សេចក្ដី​ព្រាងច្បាប់មួយនេះ ទៅនឹងកូន ក្នុងផ្ទៃម្តាយមួយ ដែលមិនទាន់ដល់ពេល ឬគ្រប់ខែ ត្រូវប្រសូត្រនោះឡើយ។

ការលើកឡើង របស់មន្រ្តីគណបក្សសង្គ្រោះជាតិរូបនេះ [...]

ប្រតិកម្ម​ក្នុង​ស្រុក ជុំ​វិញ​ការ​អនុម័ត​សេចក្ដី​ព្រាង​ច្បាប់ NGO

ប្រតិកម្ម​ក្នុង​ស្រុក ជុំ​វិញ​ការ​អនុម័ត​សេចក្ដី​ព្រាង​ច្បាប់ NGO

នៅចំពោះការរឹតបន្តឹង សន្ដិសុខសណ្ដាប់ធ្នាប់ ពីសំណាក់កងកម្លាំងអាជ្ញាធរនោះ ក្រុមអង្គការសង្គមស៊ីវិល និងពលរដ្ឋ ជាច្រើនរយនាក់ បានមកជួបជុំគ្នា ដើម្បីសម្ដែង នូវការជំទាស់របស់ពួកគេ អំពើសេចក្ដីព្រាងច្បាប់ ដ៏ចម្រូង​ចម្រាស ស្ដីពី«សមាគម និងអង្គការក្រៅរដ្ឋាភិបាល» ដែលរដ្ឋសភាកម្ពុជា កំពុងជជែក និងធ្វើការ​អនុម័ត។ ពីក្នុងចំណោមនោះ មន្ត្រីទទួលខុសត្រូវ នៃអង្គការសង្គមស៊ីវិល ជាច្រើននាក់ បានបញ្ចេញ​ប្រតិកម្ម​របស់ពួកគេ ប្រឆាំងទៅនឹងច្បាប់នេះ នៅចំពោះមីក្រូ និងម៉ាស៊ីនថត របស់ទស្សនាវដ្ដីមនោរម្យ.អាំងហ្វូ។ សូម​តាមដាន ការលើកឡើង របស់មន្ត្រីនោះមួយចំនួន ដូចខាងក្រោម៖

លោក មឿង តុលា មន្ត្រីសម្របសម្រួល របស់មជ្ឈមណ្ឌលអប់រំ សម្រាប់សហគមន៍ បានលើកឡើងថា អ្វី​ដែល​រដ្ឋាភិបាល បាននឹងកំពុងធ្វើនេះ ផ្ទុយទៅនឹងអ្វី ដែលម្ចាស់ឆ្នោតចង់បាន។ ហើយនេះ មិនមែនបញ្ជាក់ថា រដ្ឋាភិបាលកំពុងចង់បាន លិទ្ធិប្រជាថិបតេយ្យឡើយ។ តាមពិត [...]

តែ​មួយ​ព្រឹក រដ្ឋសភា​អនុម័ត​ច្បាប់ NGO ដោយ​គ្មាន​សម្លេង​ជំទាស់

តែ​មួយ​ព្រឹក រដ្ឋសភា​អនុម័ត​ច្បាប់ NGO ដោយ​គ្មាន​សម្លេង​ជំទាស់

រដ្ឋសភា នៃប្រទេសកម្ពុជា ​បានប្រើពេលតែមួយព្រឹកប៉ុណ្ណោះ ដើម្បីសម្រេចអនុម័ត​ លើ​សេចក្តីព្រាងច្បាប់ ដ៏ ចម្រូង​ចម្រាស ស្ដីពីសមាគម និងអង្គការក្រៅរដ្ឋាភិបាល នៅក្នុងសម័យ​កិច្ច​ប្រជុំ​ ដែល​មាន​របៀប​វារៈ​ចំនួន​ពីរ (ទី​​មួយ​​ការបោះឆ្នោត​ ជ្រើ​សតាំង​តំណាងរាស្រ្ត​​ លោក កែ​វ ពិសិដ្ឋ ជាសមាជិក​គណៈកម្មការ​នីតិកម្ម និង​យុត្តិធម៌​ និង​ទី​ពីរ​ការពិភាក្សា និង​អនុម័ត ​​លើ​សេចក្តីព្រាង​ច្បាប់ ​សមាគម និង​អង្គការ​មិនមែន​រដ្ឋាភិបាល) ដោយ​មាន​ការ​ចូលរួម តែពីតំណាងរាស្រ្ត​គណបក្សប្រជាជនកម្ពុជា​ ចំនួន​​៦៨រូបប៉ុណ្ណោះ​។

រដ្ឋមន្រ្តីក្រសួងសាមី ដែលបានចេញ សេចក្តីព្រាងច្បាប់នេះ បានឡើងការពារ ចំពោះមុខសភាពេញអង្គ នា​ព្រឹក​ថ្ងៃទី១៣ ខែកក្កដា ឆ្នាំ២០១៥នេះថា ដើម្បីកម្ពុជា មានលិទ្ធិប្រជាធិបតេយ្យពិតប្រាកដនោះ ចាំបាច់ត្រូវ​តែ​មាន​ច្បាប់នេះ ជាដាច់ខាត។

លោក ស ខេង រដ្ឋមន្រ្តីក្រសួងមហាផ្ទៃ បានលើកឡើងក្នុងសភាថា ការពិត [...]

ផៃ ស៊ីផាន ថា​សភា​​អ៊ឺរ៉ុប​ដាក់​សម្ពាធ​កម្ពុជា ឲ្យ​ទម្លាក់​ច្បាប់ NGO

ផៃ ស៊ីផាន ថា​សភា​​អ៊ឺរ៉ុប​ដាក់​សម្ពាធ​កម្ពុជា ឲ្យ​ទម្លាក់​ច្បាប់ NGO

មួយថ្ងៃក្រោយសេចក្ដីថ្លែងការណ៍ របស់សភានៃសហភាពអ៊ឺរ៉ុប ស្នើឲ្យកម្ពុជាទម្លាក់ចោល នូវគម្រោងច្បាប់ ស្ដី​ពីសមាគម និងអង្គការក្រៅរដ្ឋាភិបាលនោះ មន្ត្រីជាន់ខ្ពស់រដ្ឋាភិបាល បានធ្វើប្រតិកម្មតបវិញ ដោយបានចាត់​ទុក​ថា នោះជាការ«ដាក់សម្ពាធ ឬជ្រៀតជ្រែក» ដល់ការងារ ឬដែនអធិបតេយ្យភាពឯករាជ្យ របស់កម្ពុជា។

លោក ផៃ ស៊ីផាន រដ្ឋលេខាធិការ និងជាអ្នកនាំពាក្យ ទីស្តីការគណៈរដ្ឋមន្រ្តី ត្រូវបានស្រង់សម្ដី​ដោយ​សារព័ត៌មាន នៅក្នុងស្រុកមួយ បានហៅសេចក្តីថ្លែងការណ៍ របស់សភាអឺរ៉ុប ដែលហាក់ដាក់សម្ពាធ មកលើ​រដ្ឋាភិបាលកម្ពុជា ដែលជាដៃគូសហការនោះ មិនមែនជារឿងសមរម្យនោះទេ។ មន្ត្រីរដ្ឋាភិបាលរូបនេះ បាន​បញ្ជាក់ថា ការតាក់តែងច្បាប់ ស្តីពីសមាគម និងអង្គការមិនមែនរដ្ឋាភិបាល ដែលរៀបចំនៅកម្ពុជា នាពេលនេះ មានមូលដ្ឋានច្បាស់លាស់ត្រឹមត្រូវ ដោយមិនមែនបញ្ចប់សកម្មភាព របស់អង្គការសង្គមស៊ីវិលនោះទេ ។

សេចក្ដីថ្លែងការណ៍របស់សភា នៃសហគមអ៊ឺរ៉ុប [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...