Posts tagged as "Nay Vanda"

អាមេរិក និង​ស្ថាប័ន​ផ្សេង​ៗ ស្វាគមន៍​ការ​ដោះ​លែង​មន្រ្តី​ទាំង​៥

អាមេរិក និង​ស្ថាប័ន​ផ្សេង​ៗ ស្វាគមន៍​ការ​ដោះ​លែង​មន្រ្តី​ទាំង​៥

មុនគេបំផុតនោះ គឺសមាគមការពារសិទ្ធិមនុស្ស អាដហុកខ្លួនឯង ដែលបានសំដែងការសាទរ ចំពោះការដោះលែង ឲ្យនៅក្រៅឃុំជាបណ្ដោះអាសន្ន ដោយហៅការសម្រេចចិត្ត របស់ចៅក្រមស៊ើបអង្កេត នៃសាលាដំបូងរាជធានីភ្នំពេញ ថាជា«ជំហានដ៏វិជ្ជមាន»មួយ។ លោក ធន សារាយ ប្រធានសមាគមនេះ បានមានប្រសាសន៍ដូច្នេះ ពីប្រទេសកាណាដាមក និងបានបញ្ជាក់ថា ការសម្រេចនេះ មិនទាន់បានធ្វើឲ្យបុគ្គលិក​របស់​លោក ​មិន​ទាន់​ទទួល​បាន​យុត្តិធម៌ ​ទាំង​ស្រុង​នៅ​ឡើយ​។

លោក ធន សារាយ បានថ្លែងបន្ត​ នៅក្នុងវីដេអូឃ្លីបមួយថា លោក​នៅ​តែ​មាន​ការ​ព្រួយ​បារម្ភ​ ចំពោះ​សុវត្ថិភាព​ផ្ទាល់ ​របស់​បុគ្គលិក​លោក​ទាំង​នេះ ដោយ​សារ​ពួកគេ ​ស្ថិត​ក្នុង​ការ​ជាប់​ចោទ ​នៅ​ឡើយ។ លោក​ថា ពួកគេ​អាច​នឹង​ត្រូវ​សមត្ថកិច្ច​ ចាប់​ខ្លួន​ឃុំឃាំង​ឡើង​វិញ នៅ​ពេល​រដ្ឋាភិបាល​ មិន​ពេញ​ចិត្ត​ចំពោះ​កិច្ចការ​តស៊ូ​មតិ​របស់​ពួកគេ ហើយបានអំពាវនាវ ទៅកាន់តុលាការ ស្នើសុំឲ្យទម្លាក់ចោល នូវរាល់​ការចោទប្រកាន់ [...]

អេង ឆៃអ៊ាង បង្ហើប​ថា មាន​«អ្នក​ចាត់​ចែង»​ឱ្យ​ដោះ​លែង​មន្ត្រី​ទាំង៥

អេង ឆៃអ៊ាង បង្ហើប​ថា មាន​«អ្នក​ចាត់​ចែង»​ឱ្យ​ដោះ​លែង​មន្ត្រី​ទាំង៥

«អរគុណ អ្នកចាត់ចែងឲ្យដោះលែង មន្ត្រីសិទ្ធិមនុស្សទាំងបួនរូប និងលោក នី ចរិយា» នេះ ជាឃ្លាខ្លីដំបូង ដែលលោក អេង ឆៃអ៊ាង អនុប្រធានគណបក្សសង្គ្រោះជាតិ បានបង្ហោះនៅមុននេះ ដើម្បីចូលរួមអបអរសាទរ ការនៅក្រៅឃុំ (ជាបណ្ដោះអាសន្ន) របស់មន្ត្រីទាំងបួនរូប របស់សមាគមការពារសិទ្ធិមនុស្ស អាដហុក (Adhoc) និងមន្ត្រីមួយរូបទៀត របស់គណៈកម្មាធិការជាតិ​រៀបចំ​ការបោះឆ្នោត (គ.ជ.ប) នៅយប់ថ្ងៃទី២៩ ខែមិថុនានេះ។

ការលើកឡើង របស់អនុប្រធានគណបក្សប្រឆាំង បានបង្កជាចំណោទឡើង ជុំវិញមូលហេតុ ឬអាថ៌កំបាំង ដែលឈានទៅដល់ ការដោះលែងជាបណ្ដោះ​អាសន្ន នូវមន្ត្រីទាំង៥រូប ដ៏គួរភ្ញាក់ផ្អើល និងភ្លាមៗក្នុងថ្ងៃនេះ សម្រេចដោយលោក ធាម ច័ន្ទពិសិដ្ឋ ចៅក្រមស៊ើបសួរ របស់សាលាដំបូងរាជធានី។

ទាំងក្រុមគ្រួសារ និងសាមីខ្លួន សុទ្ធតែបានអះអាងដូចគ្នាថា ពួកគេទើបតែបានដឹង ពីការសម្រេចរបស់តុលាការ នៅពេលល្ងាចថ្ងៃនេះ។ ខណៈសាមីខ្លួនទាំងប្រាំរូបវិញ [...]

មន្ត្រី​ទាំង​៥រូប បាន​ចេញ​ពី​ពន្ធនាគារ​និង​ជួប​ជុំ​ជា​មួយ​គ្រួសារ

មន្ត្រី​ទាំង​៥រូប បាន​ចេញ​ពី​ពន្ធនាគារ​និង​ជួប​ជុំ​ជា​មួយ​គ្រួសារ

មន្ត្រីសមាគមអាដហុកទាំងបួននាក់ រួមមានលោក​ នី​ សុខា​ - លោក​ យី​ សុខសាន្ត​ - លោក​ ណៃ​ រ៉ង់ដា​ - អ្នក​ស្រី​ លឹម​ មុន្នី​ និងអគ្គ​លេខាធិការ​រង គ.ជ.ប មួយរូបទៀត គឺលោក​ នី​ ចរិយា​ ត្រូវបានដោះលែង ចេញពីពន្ធនាគារព្រៃស នៅវេលាយប់ ថ្ងៃទី២៩ ខែមិថុនានេះ ហើយបានត្រឡប់ទៅជួបជុំ ជាមួយក្រុមគ្រួសារ និងមិត្តភ័ក្រវិញហើយ។

មន្ត្រីទាំងបួនរូប របស់សមាគមការពារសិទ្ធិមនុស្ស អាដហុក (Adhoc) បានជ្រើសរើសទីស្នាក់ការកណ្ដាល របស់សមាគម កណ្ដាលរាជធានីភ្នំពញ ដើម្បីជួបជុំគ្នាជាដំបូងសិន មុននឹងបែកផ្លូវគ្នា ទៅកាន់គេហដ្ឋានរៀងៗខ្លួន នៅពេលក្រោយមក។

មន្ត្រីសាលាដំបូងរាជធានីភ្នំពេញ បានបញ្ជាក់ថា មន្រ្តីទាំង៥រូបនេះ ត្រូវបានដោះលែងឲ្យនៅក្រៅឃុំ ជាបណ្ដោះអាសន្ន នៅក្រោមលក្ខខណ្ឌចំនួន៣៖ ហាមមិនឲ្យដូរទីលំនៅ និងចាកចេញពីកម្ពុជា ដោយគ្មានការអនុញ្ញាត ពីតុលាការ ហើយត្រូវបង្ហាញខ្លួន នៅរាល់ការកោះហៅ ពីសំណាក់តុលាការ។ [...]

មន្ដ្រីទាំង៥រូប ត្រូវបានតុលាការដោះលែង នៅល្ងាចនេះ

មន្ដ្រីទាំង៥រូប ត្រូវបានតុលាការដោះលែង នៅល្ងាចនេះ

មន្ត្រីតុលាការបានប្រកាសនៅល្ងាចនេះ ថាមន្ត្រីរបស់សមាគមការពារសិទ្ធិមនុស្ស អាដហុក (Adhoc) ចំនួន៤រូប និងមន្ត្រី គ.ជ.ជ ១រូប ត្រូវបានតុលាការចេញដីកា ឲ្យដោះលែងពួកគេឱ្យនៅក្រៅឃុំ នៅថ្ងៃទី២៩ ខែមិថុនានេះ។

ដំណឹងនៃការដោះលែងនេះ ក៏ត្រូវបានមេធាវីការពារក្ដី ឲ្យអ្នកទាំងប្រាំរូប បញ្ជាក់នៅមុននេះបន្តិចដែរ និងបានអះអាងថា ពួកគេបានចាកចេញ ពីពន្ធនាគារហើយ។ មេធាវីបានពន្យល់ថា ការដោះលែងពួកគេ បានធ្វើឡើង បន្ទាប់ពីចៅក្រមស៊ើបសួរ បានប្រកាសបិទការស៊ើបសួរ កាលពីប៉ុន្មានថ្ងៃមុន។

ស្រង់សំដី ដោយសារព័ត៌មានក្នុងស្រុកមួយ លោក តាំង ស៊ុនឡាយ ប្រធានសាលាដំបូងរាជធានីភ្នំពេញ បានឲ្យដឹងថា៖ «ចៅក្រមបានចេញដីកាដោះលែងពួកគេទាំង៥នាក់ ហើយការដោះលែង អាចនឹងធ្វើឡើងនៅថ្ងៃនេះ»។

មន្ត្រីសមាគមអាដហុកទាំងបួននាក់ រួមមានលោក​ នី​ សុខា​ - លោក​ យី​ សុខសាន្ត​ - លោក​ ណៃ​ រ៉ង់ដា​ និងអ្នក​ស្រី​ លឹម​ មុន្នី​។ អ្នកទាំងបួននាក់ [...]

អាមេរិក​គាំទ្រ​សេចក្ដីថ្លែងការណ៍ ដែល​ស្នើ​​ឲ្យ​ដោះលែង​​មន្ត្រី​​សិទ្ធិ​​មនុស្ស​​ទាំង​​៥​រូប

អាមេរិក​គាំទ្រ​សេចក្ដីថ្លែងការណ៍ ដែល​ស្នើ​​ឲ្យ​ដោះលែង​​មន្ត្រី​​សិទ្ធិ​​មនុស្ស​​ទាំង​​៥​រូប

ជាជំហរដ៏មុតមាំ ម្ដងហើយម្ដងទៀត ពីសំណាក់សហគមន៍អន្តរជាតិ ទាក់ទងនឹងករណីមន្ត្រី​សិទ្ធិ​មនុស្ស​ទាំង​៤រូប និង​មន្ត្រី គ.ជ.ប មួយរូប ដែលនៅតែបន្តជាប់ឃុំ នៅក្នុងពន្ធនាគារព្រៃស ទាំងគ្មានការជំនុំជម្រះ បន្ទាប់​ពី​ពួក​គេ​ត្រូវ​បាន​ដាក់​ឃុំ អស់រយៈពេល ជាងមួយឆ្នាំមកហើយ។ នៅថ្ងៃសុក្រទី៥ ខែឧសភានេះ ក្រសួង​ការ​បរទេស​សហរដ្ឋ​អាមេរិក បាន​ចេញ​សេចក្ដីថ្លែងការណ៍របស់​ខ្លួន ប្រកាស​គាំទ្រ​សេចក្ដី​ថ្លែងការណ៍ របស់​សហភាព​អ៊ឺរ៉ុប និង​​ការិយាល័យ​ នៃ​​ឧត្ដម​ស្នងការ ​អង្គការ​សហប្រជាជាតិ​ ទទួល​​បន្ទុក​សិទ្ធិមនុស្ស ដែល​ទាមទារ​ ឲ្យ​ដោះលែង​សកម្មជន​ទាំង​ប្រាំរូប ជា​បន្ទាន់ និង​ដោយ​គ្មាន​លក្ខខណ្ឌ។

ក្នុងសេចក្ដីថ្លែងការណ៍ ដែលធ្វើឡើង តាមរយៈអ្នកនាំពាក្យ​ក្រសួង​ការបរទេស​​អាមេរិក អ្នកស្រី «Heather Nauert» បាន​សរសេរ​លើក​យក​ឈ្មោះជនទាំង៥រូប [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...