Posts tagged as "Esthetic"

«ស្បែក"ស" ធ្វើឲ្យអ្នក"ឈ្នះ"» នេះជាពាក្យមួយឃ្លា ដែលគេអាចអានបាន ក្នុងវីដេអូផ្សាយពាណិជ្ជកម្មមួយ នៅប្រទេសថៃ ដើម្បីលក់ថ្នាំគ្រាប់ សម្រាប់លេបឲ្យស្បែក«ប្ដូរពណ៌» របស់ក្រុមហ៊ុន មកពីប្រទេស​កូរ៉េ​ខាង​ត្បូង​មួយ ឈ្មោះ «Séoul Secret»។ វីដេអូនេះ បានបង្កឲ្យផ្ទុះការរិះគន់ដ៏ខ្លាំងក្លាមួយ នៅក្នុងរយៈពេល​ចុង​ក្រោយ​នេះ នៅតាមបណ្ដាញសង្គម រហូតបង្ខំឲ្យក្រុមហ៊ុន ត្រូវដកវីដេអូនេះ ចេញពីប្រព័ន្ធឃោសនា​របស់​ខ្លួន កាលពីថ្ងៃសុក្រ សប្ដាហ៍នេះ។

ផ្នត់គំនិត ដែលបង្កើតភាពរើសអើង!

នៅក្នុងវីដេអូនេះ ដែលត្រូវបានអ្នកផង ចុចចូលទៅទស្សនា នៅលើគេហទំព័រ យូធូប ដល់ទៅជាង១០០ ០០០​ដង​នោះ តារា​សម្ដែងស្រីម្នាក់ បានអួតអាងថា នាងទទួលបានភាពជោគជ័យ ក្នុងអាជីពរបស់នាង ព្រោះ​នាង​មាន​​ស្បែក​«ស»។ ហើយដើម្បីឲ្យបានស្បែក«ស» ជាការពិតហើយ គេត្រូវប្រើប្រាស់ក្រែម ដែល​លាប​ធ្វើឲ្យ​«ស» ឬលេបថ្នាំដែលជួយឲ្យស្បែក ប្រែក្លាយជា«ស» [...]

កាលពីខែសីហាកន្លងទៅ ក្រុមគ្រូពេទ្យ នៃមន្ទីរពេទ្យ ញ៉ូយក បានធ្វើការផ្សាំមុខ ឲ្យទៅបុរសអ្នកលត់​អគ្គិភ័យ​មួយរូប ដោយប្រើពេលដល់ទៅ២៦ម៉ោង។ ជាការផ្សាំដំបូងគេ ដែលមិនដែលបានធ្វើ ពីមុនមកឡើយ។ លោក ប៉ាទ្រិក ហាដីសុន (Patrick Hardison) អ្នកលត់អគ្គិភ័យស្ម័គ្រចិត្ត ដែលមានអាយុ៤១ឆ្នាំ បាន​រង​ការ​ឆេះ​ខ្លួន ជាពិសេសឆេះមុខទាំងស្រុង នៅពេលដែលលោក បានធ្វើអន្តរគមន៍ជួយពន្លត់អគ្គិភ័យ ដែល​ឆេះ​ក្នុង​អាគារ​​រស់​នៅ​មួយ​កន្លែង។

បើនិយាយសរុបទាំងអស់ មនុស្សចំនួនដល់ទៅជាង១៥០នាក់ បានចូលរួមខ្នះខ្នែង ក្នុងយុទ្ធនាការ«ផ្សាំមុខ» របស់អតីតអ្នកលត់អគ្គិភ័យរូបនេះ។ បន្ទាប់ពីការវះកាត់រួច លោក ប៉ាទ្រិក មានមុខមាត់ថ្មី ដែលជារបស់​យុវជន​ម្នាក់ ឈ្មោះ ដេវិដ រ៉ដ័បូង (David Rodebaugh) អតីតអ្នកប្រដាល់ម្នាក់ ក្នុងទីក្រុងញ៉ូយក អាយុ២៦ឆ្នាំ ដែលបានស្លាប់ ក្នុងគ្រោះថ្នាក់ជិះកង់មួយយ៉ាងធ្ងន់ធ្ងរ។ មុខមាត់ទាំងស្រុង របស់យុវជន ដេវិដ [...]

គ្មានអ្នកដំណើរណាម្នាក់ មិនក្រឡេកមើលមកនាង ម្ចាស់ទំព័រ «រំដួលលិចទឹក Romdoul Lich Tek» នៅ​លើ​ហ្វេសប៊ុក ដែលកំពុងតែងខ្លួន ស្លៀកពាក់ជាមួយនឹងមួកសុវត្ថិភាព ប្រមាណជាង១០មួក ហើយថត​ជា​រូប ដើម្បី​ទុកផ្សាយនោះឡើយ។

កន្លងមកមក «រំដួលលិចទឹក» តែងតែតុបតែងខ្លួនប្លែកៗ មិនថាជាផ្លែឈើ បន្លែ ម្ហូប ត្រី…. តែពេលនេះ​«រំដួល​លិចទឹក»បែរជា យកមួកសុវត្ថិភាពជាម៉ូត មកបង្ហាញដល់អ្នកធ្វើដំណើរ តាមផ្លូវសាធារណៈ និងបង្ហោះតាម​ហ្វេស៊ុក យ៉ាងគគ្រឹកគគ្រេង។

អមជាមួយរូបភាព ៩សន្លឹក ដែលមានពាក់មួកសុវត្ថិភាពនេះ តារាហ្វេសប៊ុក«រំដូលលិចទឹក» បានសរសរ​ជាពាក្យជួន ឲ្យដឹងថា៖ «សុវត្ថិភាពជាចំបង កុំឡើយរំលង មួកសុវត្តិភាព ទើបយើងមានប្រៀបលើ​គ្រោះថ្នាក់ សូមបងប្អូនគ្រប់ជាន់ថ្នាក់ កុំអាក់ពាក់មួក ខ្លួននិងកូនៗ មួកសុវត្តិភាពនេះហើយដូចជាក្បូន ចំលងជីវិត​មិន​ឲ្យ​សូន្យ សូមបងប្អូនកុំប្រហែស»។

ចំពោះរូបភាព និងសាររបស់«រំដួលលិចទឹក» [...]

បើមិនចូលចិត្ត ឬធ្វើនយោបាយមិនឈ្នះគេ អញ្ចឹងត្រូវតែរកល្បិច និងយុទ្ធវិធីគ្រប់យ៉ាង ដើម្បីនិយាយ​បង្កាច់​បង្ខូច ឬបង្កើតបញ្ហាផ្សេង ដើម្បីបំបែរចំណាប់អារម្មណ៍ឬ? ហើយ... វាមិនមែនជាលើកទីមួយ នោះទេ។ សមាជិក​រដ្ឋាភិបាល របស់លោកប្រធានាធិបតី ហ្វ្រង់ស៊័រ ហូឡង់ (François Hollande) និងជារដ្ឋមន្ត្រីក្រសួង​អប់រំ អ្នកស្រី ណាចា វ៉ឡូប៊ែនកាសឹម បានរងការវាយប្រហារ តាមប្រព័ន្ធផ្សព្វផ្សាយជាថ្មីទៀត ទាក់ទង​នឹង​សម្លៀក​បំពាក់ និងការផាត់មុខមាត់ របស់អ្នកស្រី នៅក្នុងវេទិកាសួរឆ្លើយមួយ នៅរដ្ឋសភាជាតិបារាំង។

ចុះផ្សាយនៅលើទំព័រមុខ នៃទស្សនាវដ្ដីឡឺព័ង (Le Point) ដ៏ល្បីរបស់ប្រទេសបារាំង អ្នកធ្វើអត្ថាធិប្បាយ​ព្រឹត្តិការណ៍ លោក ហ្សង់ប៉ូល ប្រ៊ីគីលី (Jean-Paul Brighelli) ដែលជាសាស្ត្រាចារ្យ និងជាសមាជិក​មួយ​រូប នៃ​គណបក្ស«ប្រទេសបារាំងក្រោកឈរ (Debout la France - មាននិន្នាការស្ដាំនិយមជ្រុល)»នោះ បាន​យក​អ្នកស្រីរដ្ឋមន្ត្រី [...]

នៅចំពោះការរើសអើង និងការម៉ាក់ងាយ ពីសំណាក់មនុស្ស អ្នកលេងសើចមួយចំនួន នៅតាមបណ្ដាញ​អ៊ិនធើណែត កញ្ញា លីហ្សី វេឡាស្កេ បានជ្រើសរើសការទ្រាំទ្រ ជាច្រើនឆ្នាំ មុននឹងបញ្ចេញសកម្មភាព ដើម្បី​ប្រតិកម្មតបតរវិញ។ រងគ្រោះនឹងជម្ងឺ «Marfan» ដ៏កម្រម្យ៉ាង ដែលធ្វើឲ្យកញ្ញា មិនអាចផ្ទុក​ជាតិខ្លាញ់​នៅ​ក្នុង​ខ្លួន និងមិនអាចធំធាត់បាន កញ្ញា លីហ្សី វេឡាស្កេ ដែលពិកាភ្នែក​មួយចំហៀងទៀតនោះ បានរងទុក្ខ​នឹង​ការ​រើសអើង និងការម៉ាក់ងាយ តាំងពីកញ្ញាមានអាយុ ១៧ឆ្នាំ។ កាលនោះ កញ្ញាបានរកឃើញដោយចៃដន្យ នូវ​វីដេអូមួយ ដែលថតពីកញ្ញា ហើយដែលត្រូវបានបង្ហោះ នៅលើគេហទំព័រ យូធូប ជាមួយនឹង​ការធ្វើ​អត្ថាធិប្បាយ ដ៏សែនអប្រិយ វាយតម្លៃកញ្ញា ជា«ស្ត្រីដែលមានរូបអាក្រក់ជាងគេ នៅក្នុងពិភពលោក»។

នៅក្នុងសន្និសីទមួយក្នុងក្រុង អូស្តីន (Austin ក្នុងរដ្ឋ Texas សហរដ្ឋអាមេរិក) ដើម្បីបង្ហាញពីការ​ចេញ​បញ្ចាំង តាមរោងភាពយន្ដមួយចំនួន (នៅអាមេរិក) [...]