អាល់វ៉ារ៉ូ ណេហ្រ្គេដូ ជិតពិនិត្យសុខភាព នៅម៉ែនស៊ីធីហើយ
ក្លិបម៉ែនឆេស្ទើ ស៊ីធី (Manchester City) ខិតជិតចុះកិច្ចសន្យានាំយកខ្សែប្រយុទ្ធក្រុមសេវីឡា (Sevilla) អាល់វ៉ារ៉ូ ណេហ្គ្រេដូ (Alvaro Negredo) ជាផ្លូវការហើយ ខណៈដែលកីឡាករអន្តរជាតិអេស្ប៉ាញរូបនេះ នឹងឈានដល់ដំណាក់កាលពិនិត្យសុខភាពឆាប់ៗនេះ។ នេះបើតាមក្លិបប្រទេសអេស្ប៉ាញ បានរាយការណ៏។
កីឡាករខ្សែរប្រយុទ្ធ អាល់វ៉ារ៉ូ ណេហ្គ្រេដូ ពេលនៅទាត់ក្នុងក្រុមសេវីឡា។
កីឡាករវ័យ២៧ឆ្នាំ បាននិយាយថា គាត់ចង់បោះជំហ៊ានថ្មីបន្ទាប់មួយទៀត ក្នុងអាជីពរបស់គាត់។ គាត់បាននិយាយនៅក្នុងសន្និសិតកាសែតក្លិបសេវីឡាថា៖ «សម្រាប់រយះពេល៤ឆ្នាំ ដែលខ្ញុំនៅទីនេះ ខ្ញុំពិតជារីករាយខ្លាំងណាស់។ ប៉ុន្តែខ្ញុំគិតថា ពេលវេលារបស់ខ្ញុំ បានមកដល់ហើយ។»
ក្លិបម៉ែនស៊ីធី បានចំណាយអស់ប្រមាណ២០លានផោន (២៣លានអ៊ឺរ៉ូ) [...]