បាល់ទាត់អង់គ្លេស៖ ម៉ែនស៊ីធី (ManCity) តែងតាំងគ្រូបង្វឹកថ្មី
ក្រុមមេឃខៀវ ម៉ែនឆេស្ទើ ស៊ីធី (Manchester City) បានយល់ព្រមតែងតាំងលោកម៉ាញ៉ូអែល ប៉េឡេហ្គ្រីនី (Manuel Pellegrini) ជាគ្រូបង្វឹកថ្មីហើយ បន្ទាប់ពីចុះកិច្ចសន្យារយះពេល ៣ឆ្នាំរួចមក។
លោកម៉ាញ៉ូអែល ប៉េឡេហ្គ្រីនី គ្រូបង្វឹកសញ្ជាតិឈីលី។ (រូបថត diarioeldia.cl)
បុរសវ័យ៥៩ឆ្នាំ សញ្ជាតិឈីលី បានចាកចេញពីក្រុមម៉ាឡាកា (Malaga) មកជំនួសដំណែងលោករ៉ូបឺតូ ម៉ែនស៊ីនី (Roberto Mancini) ដែលក្លឹបបានបណ្តេញចេញកាលពីខែឧសភាកន្លងទៅ។
លោកប៉េឡេហ្គ្រីនី ដែលនឹងត្រូវចាប់ផ្តើមការងារថ្មីរបស់គាត់នៅថ្ងៃទី២៤ ខែមិថុនានេះ បាននិយាយថា «ខ្ញុំពិតជាសប្បាយរីករាយខ្លាំងណាស់ ដែលបានទទួលឱកាសនេះ។ ក្លឹបមានគោលដៅច្បាស់លាស់ ដើម្បីទទួលបានភាពជោគជ័យ ហើយខ្ញុំនឹងចូលរួមធ្វើឲ្យបានល្អបំផុត។»
[...]