វិបត្តិនៅឧបទ្វីបកូរ៉េ៖ អ្នកណាចំណាយច្រើនជាង ក្នុងល្បែងដ៏គ្រោះថ្នាក់នេះ
ការគម្រាមកាន់តែខ្លាំងទៅៗ របស់កូរ៉េខាងជើង បានបង្ហាញធ្មុងមកជាបន្តបន្ទាប់ តែក៏ទទួលបាននូវចម្លើយឆ្លើយតបវិញ យ៉ាងម៉ឺងម៉ាត់ពីសំណាក់សហរដ្ឋអាមេរិកនោះដែរ។ ម្ខាងៗ បានតម្លើងកម្លាំងសព្វាវុធតែរៀងៗខ្លួន ធ្វើអោយឧបទ្វីបកូរ៉េ កំពុងក្លាយជាល្បែងដ៏គ្រោះថ្នាក់មួយ។ «ល្បែង» ដែលអ្នកចូលរួមលេង អាចនឹងមានការចំណាយខុសៗគ្នា។
ជនជាតិកូរ៉េខាងត្បូង កំពុងសម្លឹងមើលក្បួនកងទ័ពរបស់ កូរ៉េខាងជើង។
ការបង្ហាញជាសាធារណៈ នៃការហោះសាកល្បង របស់យន្ដហោះផ្ទុកគ្រាប់បែកនុយក្លេអ៊ែរ B-2 និងយន្ដហោះប្រដេញផ្សេង នៅក្នុងលំហមេឃរបស់ប្រទេសកូរ៉េខាត្បូង ទីក្រុងវ៉ាស៊ីនតោន ទំនងដូចជាចង់ពន្យុះបន្ថែមដាក់ប្រទេសកុម្មុយនីស ដែលកំពុងតែប្រើពាក្យសម្ដីទាំងក្ដៅក្រហាយស្រាប់។
លោកផូល ខារ៉ូល (Paul Carroll) [...]
