Posts tagged as "Comique"

បុរសម្នាក់កំពុងទស្សនា រូបគំនូរជាច្រើន នៅក្នុងសារមន្ទីរមួយ។ ដើរមើលមួយសន្ទុះ បុរសរូបនេះបានងាក ទៅរក​មគ្គុទ្ទេសក៍​សារមន្ទីរ រួចឧទានឡើងថា៖

- រូបនៅក្នុងគំនូរនេះ អាក្រក់ណាស់! លោកច្បាស់ជាគិត ដូចខ្ញុំហើយ...

- អឺ... បាទ! នេះជាស្នាដៃរបស់វិចិត្រករ ជំនាន់មុនវិចិត្រករដៃឯក ញឹក ឌឹម។

ដើរទៅមុខបានឆ្ងាយបន្តិច បុរសងាកមកមគ្គុទ្ទេសក៍សារជាថ្មី ដោយផ្ទុះសំដីខ្លាំងជាងមុនថា៖

- ចំណែករូបនៅក្នុងគំនូរនេះ កាន់តែអាក្រក់​លែងនិយាយ។ លោកច្បាស់ជាគិត ដូចខ្ញុំទៀតហើយ...

- អឺ... បាទ! វាមិនមែនជាគំនូរទេ តែជាកញ្ចក់មួយផ្ទាំង!!!

វីដេអូក្រោមចំណងជើង ថា «វិធីសាស្ត្រ ដើម្បីយកចិត្តសង្សារបស់អ្នក» ដែលត្រូវបានយកមកបង្ហោះ នៅលើបណ្ដាញសង្គម ទទួលបានការចែករំលែក ដល់ទៅជាង ២០០ ០០០ដង។

តាមពិតទៅ វាមិនមែនជា​«វិធីសាស្ត្រ»​អ្វីទេ តែជាឈុតឆាកលេងសើច «បែបជ្រុលបន្តិច» និង «យ៉ាងហួសចិត្ត» ដែលត្រូវ​បុរសឈ្មោះ «Shammi» ធ្វើជាមួយមិត្តស្រីរបស់ខ្លួន ដែលជាតារាបង្ហាញម៉ូដ ជាតិអូស្ត្រាលី នាង «Sarah Reay-Young»។ ឈុតឆាក ដែលផ្ដើមធ្វើ ពីការយកស៊ុត មកបោកបំបែក នៅលើថ្ងាសនារីរូបស្អាត រហូតដល់ច្រាននាងទម្លាក់ទឹក ដោយឆ្លងកាត់តាម ការយកការ៉េមកី យកបុកកណ្ដាលមុខរបស់នាង នោះជាដើម៕

» វីដេអូ ពីឈុតឆាកនេះ 

ដំណឹងដ៏សោកសង្រេង សម្រាប់ពិភពសិល្បៈខ្មែរ បានធ្លាក់មកដល់ ក្នុងយប់ថ្ងៃទី២៩ ខែមីនានេះ។ កូនប្រុសនាយ «វីតាមីសេ» បានសរសេរនៅមុននេះបន្តិច លើបណ្ដាញសង្គមថា៖ «លោកប៉ា​ទៅចោលកូនៗហើយ! កូនស្រលាញ់លោកប៉ា។ ស្នាមញញឹម ដែលលោកប៉ាធ្លាប់មានឲ្យកូន កូនលែង​បាន​ឃើញទៀត​ហើយ។»។

លោក មាស សាមឿន ហៅនាយវីតាមីនសេ ដែលជាសិល្បករកំប្លែងដ៏ល្បី រួមជំនាន់ រួមក្រុមជាមួយនឹងនាយកុយ បានលាចាកលោក ក្នុងអាយុ៦៩ឆ្នាំ នៅប៉ុន្មានជាពីរម៉ោងមុននេះ នៅក្នុងគេហដ្ឋានរបស់លោក ដែលស្ថិតនៅក្នុងផ្លូវ​ ២៧១ ម្ដុំត្រឡោក​បែក រាជធានីភ្នំពេញ​។

លោក «វីតាមីនសេ» ត្រូវបានក្រុមគ្រួសារ សម្រេចបញ្ជូនចេញ ពីមន្ទីរពេទ្យកាលម៉ែត្រ កាលពីរសៀលថ្ងៃនេះ ដើម្បីយករូបលោក ត្រឡប់ទៅផ្ទះវិញ មុននឹងរៀបចំពិធី«សង្ឃទាន»មួយឡើង។ លោកមានជំងឺមហារីកថ្លើម ដ៏រ៉ាំរ៉ៃ ហើយនៅក្នុងរយៈពេលចុងក្រោយ ក្រុមគ្រួសារបានជ្រើសរើស ការព្យាបាលនៅក្នុងមន្ទីរពេទ្យក្នុងស្រុក [...]

ក្នុង‌រយៈពេល‌ មិនដល់២៤ម៉ោងផង តែ‌«ការពិត»​ដែលមានប្រភព ពីអ្នកនាង សំ ប៉ូលីដា បានកើតឡើង​ដល់ទៅ២ ផ្សេង​គ្នា។ ប៉ុន្តែ​«ការ​ពិត»​ចុង​ក្រោយ ដែលបង្កភាពវិលវល់មិនតិចដល់​សាធារណជន​នេះ បានបញ្ជាក់ដោយ​ខ្លួន​អ្នក​នាង​​ថា អ្នក​នាង​ពិត​​ជា​រង​ការវាយ​ធ្វើបាប ពីសំណាក់ស្វាមីពាក់ស័ក្ដិ៤របស់ខ្លួន សឹងមិនលួសពេលឡើយ ជា​ពិសេស​​ការ​​វាយ​តប់ លើក​ចុង​ក្រោយបង្អស់ នៅថ្ងៃទី៣ ខែសីហាកន្លងមក។

នៅក្នុងឃ្លីបវីដេអូមួយ ដែលត្រូវបានយកមកបង្ហោះ នៅលើបណ្ដាញសង្គម នៅប៉ុន្មានប៉ុន្មានម៉ោងមុននេះ តារា​កំប្លែងស្រីសំដីបាន អ្នកនាង សំ ប៉ូលីដា បានសារភាពសារពីអំពើហិង្សា និងបានធ្វើការ​អំពាវ​នាវ ទៅ​អ្នក​ស្រី ប៊ុន រ៉ានី ភរិយានាយករដ្ឋមន្ត្រី ឲ្យជួយខ្លួនទាក់ទងនឹងទង្វើហិង្សា វាយតប់លើអ្នកនាង សឹង​មិន​​លួស​​ពេល ប្រព្រឹត្តិ​​ដោយ​ស្វាមី​អ្នកនាង គឺលោក ស្វាយ ស៊ីសុថា ដែលជាមន្ត្រីរាជអាវុធហត្ថ ពាក់​ស័ក្ដិ​៤។ អ្នកនាងបាន​ថ្លែង​​ឡើង​​ថា៖ [...]

ផ្ទុយពីការអះអាង របស់មិត្តសិល្បៈករ ដែលទម្លាយថា របួសស្នាមរបស់តារាកំប្លែង បណ្ដាលមកពីការ​ធ្វើ​ទារុណ​កម្ម របស់ស្វាមីនោះ អ្នកនាង សំ ប៉ូលីដា បានងើបពីទីសម្រាកព្យាបាល មកបដិសេធ ការបែក​ធ្លាយ​ទាំង​នោះ និងបានអះអាងថា របួសស្នាមរបស់អ្នកនាង បណ្ដាលមកពីរអិលជើងដួល ដែលបណ្ដាល​មក​ពី​ការ​រើ​ឡើង នៃជំងឺទឹកនោមផ្អែម នៅក្នុងរាងកាយខ្លួន។ នេះបើតាមវីដេអូមួយ ដែលថតពីកិច្ចសម្ភាសផ្ទាល់ រវាង​អ្នក​យក​ព័ត៌មាន របស់គេហទំព័រ «សប្បាយ» ជាមួយអ្នកនាងផ្ទាល់ ដែលមានវត្តមាន​របស់ស្វាមីអ្នកនាង លោក ​ស្វាយ ស៊ី​សុ​ថា នៅនឹងក្បែរនោះផង។

អ្នកនាងបានថ្លែងក្នុងវីដេអូថា អ្នកនាងបានច្រៀង នៅក្នុងហាងយីហោ «១សប្បាយ​មែន» ដែលមានស្វាមី​អ្នកនាង​ជាមេការ។ ហាងនោះ ក៏ជាទីជម្រករបស់អ្នកនាង និងគ្រួសារដែរ ដោយហេតុថា អ្នកនាងនិងស្វាមី នៅ​មិន​​ទាន់​មាន​ផ្ទះ​ខ្លួនឯង​​នៅឡើយ។ នៅយប់ថ្ងៃទី២ ចូលមកថ្ងៃទី៣ ខែសីហានេះ ដោយសារហាងមានភ្ញៀវ មាន​ចំនួន​ច្រើន [...]