លីវើភូល ខ្ចីជើង«ស៊ីសសូខូ» ពីក្រុមវ៉ាឡិនស្សៀ ១រដូវកាល
ក្រុមលីវើភូល (Liverpool) បានចុះកិច្ចសន្យាជាផ្លូវការរួចរាល់អស់ហើយ ក្នុងការខ្ចីជើងនាំយកខ្សែការពារស្លាបឆ្វេង អាលី ស៊ីសូខូ (Aly Cissokho) ក្នុងរយះពេល១រដូវកាល មកពីក្រុមអេស្ប៉ាញ វ៉ាឡិនស្សៀ (Valencia)។
កីឡាករខ្សែការពារ អាលី ស៊ីសូខូ ពេលនៅទាត់ឲ្យក្រុមអេស្ប៉ាញ វ៉ាឡិនស្សៀ។ (រូបថត Getty)
កីឡាករអន្តរជាតិបារាំង ស៊ីសូខូ ជាកីឡាករចំណូលថ្មីទី៥ហើយ ដែលក្រុមហង្សក្រហមទិញចូល នៅក្នុងរដូវកាលថ្មីនេះ ហើយគាត់នឹងមកប្រកួតប្រជែងជាមួយនឹងកីឡាករ ជូសេ អេនរ៉ិក (Jose Enrique) ដើម្បីយកដំណែងជាកីឡាករជម្រើសដំបូង។
ស៊ីសូខូ បានប្រាប់ដល់គេហទំព័ររបស់ក្លិបលីវើភូលថា៖ «ខ្ញុំសប្បាយរីករាយខ្លាំងណាស់ ដែលបានមកកាន់ទីនេះ។ ខ្ញុំគិតថា យើងមានក្រុមដ៏អស្ចារ្យមួយ [...]
