Posts tagged as "Electricité"

បាក់​ទំនប់​នៅ​ភូមា​បណ្ដាល​ឲ្យ​មនុស្ស​៤នាក់​ស្លាប់ ៣នាក់​បាត់​ខ្លួន

បាក់​ទំនប់​នៅ​ភូមា​បណ្ដាល​ឲ្យ​មនុស្ស​៤នាក់​ស្លាប់ ៣នាក់​បាត់​ខ្លួន

លោក «Phyu Lei Lei Tun» អ្នកទទួលខុសត្រូវមួយរូប ពីក្រសួងសង្គមកិច្ច នៃប្រទេសភូមា ត្រូវបានទីភ្នាក់ងារព័ត៌មានបារាំង «AFP» ស្រង់សំដីយកមកចុះផ្សាយថា៖ «មនុស្សបួននាក់ បានស្លាប់ និង៣នាក់ទៀត បានបាត់ខ្លួន បន្ទាប់ពីមានទឹកជំនន់»។

ក្រុមអ្នកជួយសង្គ្រោះ កំពុងបន្តកិច្ចការរបស់ខ្លួន ក្នុងការជួយសង្គ្រោះអ្នកស្រុក ដែលជាប់ខ្លួន នៅក្នុងផ្ទះ របស់ពួកគេ កណ្ដាលទឹកជំនន់ ល្ហល្ហាច។ អាជ្ញាធរបានបញ្ជាក់ថា ការបាក់ទំនប់ «Swar Chaung» កាលពីព្រឹកថ្ងៃពុធ បណ្ដាលមកពីការហូតច្រោះដី នៃទឹកភ្លៀង ដែលបានធ្លាក់យ៉ាងជោគជាំ ក្នុងសប្ដាហ៍នេះ។

ក្រសួងសង្គមកិច្ចភូមា បានបញ្ជាក់ថា អ្នកស្រុកច្រើនជាង ៣៦០០០នាក់ ត្រូវបានដឹក មកដាក់ក្នុងជម្រកបណ្ដោះអាសន្ន ប្រមាណជា៦៨ជម្រក។

សារព័ត៌មានក្នុងស្រុក បានរាយកាណ៍ថា អ្នកស្រុកចំនួនមិនតិចជាង ៦៣០០០ បានរងការប៉ះពាល់ ពីគ្រោះមហន្តរាយខាងលើ ខណៈអ្នកស្រុកមួយភាគ [...]

បាក់​ទំនប់​នៅ​ឡាវ៖ «ពលរដ្ឋ​ខ្មែរ​វិល​ចូល​លំនៅដ្ឋាន​វិញ​ហើយ»

បាក់​ទំនប់​នៅ​ឡាវ៖ «ពលរដ្ឋ​ខ្មែរ​វិល​ចូល​លំនៅដ្ឋាន​វិញ​ហើយ»

ប្រធានមន្ទីរព័ត៌មានខេត្ត ស្ទឹងត្រែង លោក អ៊ុក ធាវី បានតាមដាន ជាមួយនឹងមន្ត្រីខេត្ត ជាច្រើននាក់ ជុំវិញស្ថានភាពកំពស់ទឹក នៅក្នុងស្រុក សៀមប៉ាង ដែលនៅជាប់ជាមួយ ព្រំដែនកម្ពុជា-ឡាវ ក្នុងយប់ថ្ងៃអង្គារ ចូលមកព្រឹកថ្ងៃពុធនេះ ហើយបានអះអាងថា កំពស់ទឹក​នៅក្នុងទន្លេសេកុង ដែលអាច​ទទួលទឹកបាក់ទំនប់ ពីប្រទេសឡាវមកនោះ បានឡើងកំពស់ ត្រឹមតែ ០,៤៤ម៉ែត្រប៉ុណ្ណោះ និងទំនងជាមិនបានប៉ះពាល់អ្វី សម្រាប់ភូមិឋាន របស់ប្រជាពលរដ្ឋខ្មែរ នៅក្នុងតំបន់នោះឡើយ។

លោក អ៊ុក ធាវី បានសរសេររបាយការណ៍ ពីកំពស់ទឹកឡើង ប្រាប់មកលោក ខៀវ កាញ៉ារីទ្ធ រដ្ឋមន្ត្រីក្រសួងព័ត៌មាន ដោយគូសបញ្ជាក់ថា៖ «ការបាក់ទំនប់វ៉ារីអគ្គីសនី "Xe - pian Xe Nam Noi" នៅ ក្នុងខេត្ត អត្តពឺ ប្រទេសឡាវ មកដល់ព្រឹកថ្ងៃទី ២៥ ខែ កក្កដា ឆ្នាំ២០១៨ ស្ថានភាពទឹក នៅក្នុងស្រុកសៀមប៉ាង ជាប់នឹងព្រំប្រទល់ដែន ប្រទេសឡាវ គិតត្រឹមម៉ោង ១ និង ៣០នាទី ទឹកមានកំពស់ ១១,០០ ម៉ែត្រ [...]

បាក់​ទំនប់​នៅ​ឡាវ បង្ក​ឲ្យ​ស្លាប់​ច្រើន​នាក់​និង​បាត់​ខ្លួន​ច្រើន​រយ​នាក់

បាក់​ទំនប់​នៅ​ឡាវ បង្ក​ឲ្យ​ស្លាប់​ច្រើន​នាក់​និង​បាត់​ខ្លួន​ច្រើន​រយ​នាក់

«មនុស្សច្រើននាក់ បានស្លាប់ និងច្រើនរយនាក់ផ្សេងទៀត បានបាត់ខ្លួន» នៅក្នុងហេតុការណ៍ បាក់ទំនប់វារីអគ្គិសនី កាលពីយប់​ថ្ងៃចន្ទ នៅក្នុងខេត្ត អត្តពើ (Attapeu) ភាគអាគ្នេយ៍នៃប្រទេសឡាវ ជិតព្រំដែនឡាវ-កម្ពុជា-វៀតណាម។ នេះ បើតាមការអះអាង របស់អាជ្ញាធរតំបន់ ដែលត្រូវបានស្រង់សំដី ដោយទីភ្នាក់ងារព័ត៌មានផ្លូវការ នៃរដ្ឋាភិបាលកុម្មុយនីស្ដិ៍ ឡាវ។

ប៉ុន្តែ ចំនួនជនរងគ្រោះពិតប្រាកដ នៅមិនទាន់ឲ្យដឹងនៅឡើយ ខណៈអាជ្ញាធរបានបញ្ជាក់ថា ខ្លួនកំពុងធ្វើការវាយតម្លៃ ពីតុល្យភាព នៃគ្រោះមហន្តរាយនេះ។ អាជ្ញាធរបានបញ្ជាក់ទៀតថា អ្នកស្រុកប្រមាណជា ៦៦០០នាក់ កំពុងគ្មានជម្រក រាប់ចាប់តាំងពីយប់ថ្ងៃចន្ទមក។

ប្រទេសថៃ បានជួយយកអាសារ ដោយបានបញ្ជូន ក្រុមអ្នកជួយសង្គ្រោះ ទៅកាន់តំបន់រងគ្រោះ តែបានជួបនឹងបញ្ហាជាច្រើន ដោយសារតែតំបន់គ្រោះថ្នាក់ សម្បូរដោយព្រៃស្ដុក ពិបាកក្នុងធ្វើដំណើរដោយផ្ទាល់។ ក្រុមអ្នកជួយសង្គ្រោះ​នៅខណៈនេះ [...]

ទំព័រ​ហ្វេសប៊ុក CNRM ចែក​រំលែក​រូបភាព​ឃោសនា​ឲ្យ ហ៊ុន សែន?

ទំព័រ​ហ្វេសប៊ុក CNRM ចែក​រំលែក​រូបភាព​ឃោសនា​ឲ្យ ហ៊ុន សែន?

ប្រសិនជាគេឧស្សាហ៍ឃើញ ទំព័រហ្វេសប៊ុករបស់ចលនាសង្គ្រោះជាតិ ដែលដាក់ឈ្មោះ ជាភាសាអង់គ្លេស «Cambodia National Rescue Movement - CNRM» តែបង្ហោះសារ រូបភាព ឬចែករំលែកការបង្ហោះផ្សេងៗ ប្រឆាំងរដ្ឋាភិបាលគណបក្សប្រជាជនកម្ពុជា និងលោកនាយករដ្ឋមន្ត្រី ហ៊ុន សែន នោះ តែកាលពីម្សិលម៉ិញ គេបែរជាឃើញទំព័រមួយនេះ បានចែករំលែកការបង្ហោះមួយ ដែលមាននិន្នាការឃោសនា ឲ្យលោក ហ៊ុន សែន ទៅវិញ។

ការបង្ហោះនោះ ធ្វើឡើងដោយទំព័រមួយ ដាក់ឈ្មោះ «Kroko ក្រគរ ជួយ ក្រគរ» បង្ហាញពីសកម្មភាពលោក កែវ រតនៈ អគ្គនាយកអគ្គិសនីកម្ពុជា និងក្រុមមន្ត្រីរបស់អគ្គិសនីកម្ពុជា ចុះជួបកងទ័ពដែលឈរជើង ក្នុងស្រុកវាលវែង ជាប់ព្រំប្រទល់ថៃ នៅថ្ងៃទី១៩ ខែកក្កដា ឆ្នាំ២០១៨។ ទំព័រ «Kroko ក្រគរ ជួយ ក្រគរ» បានបង្ហោះរូបភាពជាច្រើន នៃការចុះជួបនោះ ដោយប្រើពាក្យពេជន៍ល្អៗ សរសើរលោក ហ៊ុន សែន ដូច្នេះថា៖

«ថ្ងៃឬយប់ ភ្លៀងឬបើកថ្ងៃ ទឹកដីត្រូវការពារគ្រប់ពេល [...]

អគ្គិភ័យ​សម្បើម​មួយ បាន​កំទេច​ភូមិ​អាណាធិបតេយ្យ​នៅ​ម៉ានីល

អគ្គិភ័យ​សម្បើម​មួយ បាន​កំទេច​ភូមិ​អាណាធិបតេយ្យ​នៅ​ម៉ានីល

បណ្ដាជនអ្នករស់នៅទីនោះ បានពួតដៃគ្នា ជាមួយនឹងកងកម្លាំងពន្លត់អគ្គិភ័យ ដើម្បីបង្ក្រាបកម្លាំងព្រះអគ្គិ ដែល​កំពុងឆេះបំផ្លាញលំនៅដ្ឋានរបស់ពួកគេ។ អគ្គិភ័យបានកើតឡើង កាលពីរសៀលថ្ងៃពុធ រហូតអស់​ពេញ​មួយយប់ ហើយបានឆេះរាលដាល ឆ្លងពីផ្លូវមួយ ទៅកាន់ផ្លូវមួយទៀត ដែលមានទំហំតូចៗ រហូតពេញ​មួយ​ភូមិ ស្ថិតនៅជាយក្រុង នៃរដ្ឋធានីម៉ានីស ប្រទេសហ្វីលីពីន។

មូលហេតុដែលបណ្ដាលឲ្យឆេះ មិនទាន់ត្រូវបានប្រកាសជាផ្លូវការនៅឡើយ តែអាជ្ញាធរបានសង្ស័យ ទៅលើ​ការ​ទូស្សេខ្សែភ្លើង ជាពិសេសការលួចថ្ពក់ខ្សែភ្លើង ដែលមានលក្ខណៈយ៉ាងអាណាធិបតេយ្យ និងដោយគ្មាន​ការ​ត្រួតពិនិត្យ ផ្នែកបច្ចេកទេស។

មនុស្សម្នាបាននាំកូនចៅរបស់ផងខ្លួន រត់គេចចេញពីអគ្គិភ័យ ដោយនាំទៅជាមួយ នូវសម្ភារៈបន្តិចបន្តួច ដែល​អាចយកបាន។ បណ្ដាជនប្រមាណជា២០០០គ្រួសារ បានបង្ខំចិត្តត្រូវរស់នៅ ក្នុងតង់ប្រក់ក្រណាត់កៅស៊ូ ដែល​ស្ថិតនៅក្នុងព្រៃ ក្បែរនោះ ខ្លះទៀតនៅក្នុងសាលកីឡា [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...