Posts tagged as "Femme violee"

លោក ធន សារ៉ាយ ប្រធានសមាគមការពារសិទ្ធិមនុស្ស អាដហុក បានលើកឡើងថា ឆមាសទីមួយឆ្នាំ២០១៥ ស្រ្តីនៅកម្ពុជា កំពុងប្រឈមមុខ នឹងការ«រំលោភសេពសន្ថវៈ» មិនថាក្មេង ចាស់នោះឡើយ។ បទល្មើសសេព​សន្ថវៈនោះ រួមមាន១៣១ករណី។ ក្នុងនោះ ជនរងគ្រោះជាកុមារី អាយុក្រោមប្រាំឆ្នាំ មាន៥ករណី, កុមារីអាយុ​ក្រោម១០ឆ្នាំមាន៣២ករណី, និងស្រ្តីអាយុក្រោម១៨ឆ្នាំមាន៦៣ករណី។ ជាមួយគ្នានេះ ស្រ្តីចាប់ពីអាយុ​លើ​១៨​ឆ្នាំឡើង មាន៣១ករណី ហើយករណីរំលោភរួចសម្លាប់ មានចំនួន៣ករណី រំលោភបូកមាន៦ករណី និងរំលោភ​ជនពិការ មាន១៥ករណី។

ថ្លែងក្នុងសន្និសីទសារព័ត៌មាន កាលពីព្រឹកថ្ងៃទី៥ ខែសីហានេះថា ប្រធានសមាគមសិទ្ធិមនុស្ស អាដហុក បាន​បញ្ជាក់ទៀតថា ករណីទាំងអស់ខាងលើនេះ កើតឡើងបណ្តាលមកពីការធ្លាក់ចុះ នូវក្រមសីលធម៌​របស់នៃអ្នក​ទាំងនោះ ការងប់ងុលនឹងគ្រឿងស្រវឹងថ្នាំញៀន ដែលបណ្តាលឲ្យមានហិង្សាមួយ កើតឡើង ដែលក្នុងនោះ រួម​មានហិង្សាក្នុងគ្រួសារជាដើម។

ពលរដ្ឋដែលរស់នៅ ក្នុងភូមិគោកចំបក់ សង្កាត់ចោមចៅ ខណ្ឌពោធ៍សែនជ័យ រាជធានីភ្នំពេញ បានភ្ញាក់​ផ្អើល​ឡើង កាលពីវេលាម៉ោង ៨ និង១៥ នាទីព្រឹក ថ្ងៃអាទិត្យទី ២៦ ខែកក្កដា ឆ្នាំ ២០១៥ នៅចំណុចដីឡូដ៍​មួយ​កន្លែង នៅខាងជើងឈាងខាងលិច នៃវត្តអង្គតាម៉ិញ។ ពលរដ្ឋម្នាក់​បានចូល ទៅរកកន្លែងបត់ជើងតូច នៅទី​នោះ ក៏ស្រាប់តែប្រទះឃើញ ក្រណាត់ជាកញ្ចប់រំសាកសពនេះ ហើយបានផ្អើលឆោឡោ និងបានរាយការណ៍ ដល់អាជ្ញាធរឲ្យចុះអង្កេតភ្លាម។

ប្រភពពីកន្លែងកើតហេតុ បានបញ្ជាក់ ក្រោយពេល មន្ត្រីជំនាញធ្វើកោសល្យវិច័យ លើសាកសពខាងលើថា សាក​សពជាស្រ្តីរងគ្រោះ ដែលមានអាយុប្រមាណ២៨ឆ្នាំ និងគ្មានសម្លៀកបំពាក់ជាប់ខ្លួននេះ ត្រូវបានចងរំ ក្នុង​អង្រឹង​នីឡុងពណ៍ខ្មៅមួយ ជាបួនកង់ត្រង់៖ ក ចង្កេះ ជង្គង់ ជើង។

ប្រជាពលរដ្ឋ បានបញ្ជាក់បន្ថែមថា សាក​សព​មិនស្គាល់អត្តសញ្ញាណ ទំនងជាអ្នកធ្វើការ នៅក្នុង​ហាង​ខារ៉ាអូខេ ឬមួយអ្នកកោសជប់។​ នៅលើក្រចកដៃ របស់​សាកសព មានលាបថ្នាំក្រចក [...]

គ្រូពេទ្យដែលជាប់សង្ស័យ ថាបានរំលោភបានសម្រេច រួចគេចខ្លួនបាត់ស្រមោលនោះ មានឈ្មោះថា ហេង ម៉េងលាង មានជំនាញ ជាគ្រូពេទ្យផ្នែកវះកាត់។ ហើយហេតុការណ៍បង្កការភ្ញាក់ផ្អើល ពីករណីចាប់រំលោភ បានកើតឡើង នៅព្រឹកថ្ងៃទី១៨ ខែកក្កដា ឆ្នាំ២០១៥ នេះតែម្ដង នៅមន្ទីរពេទ្យ បង្អែក ខេត្តក្រចេះ។

បុរសជាអ្នកជំងឺ ដែលជាស្វាមីរបស់ស្ត្រីរងគ្រោះ បានថ្លែងប្រាប់ក្រុមសមត្ថកិច្ច ដែលចុះទៅដល់មន្ទីរពេទ្យថា ខ្លួនមានជំងឺ ហើយនាងជាភរិយា បានមកសម្រាកកំដរថែទាំ។ ប៉ុន្តែពេលបុរសកំពុងដេកលក់ នៅវេលាម៉ោង ៧ព្រឹក ថ្ងៃទី១៨ ខែកក្កដានេះ ស្រាប់តែគ្រូពេទ្យ ហេង ម៉េងលាង បានហៅប្រពន្ធ ឲ្យចូលក្នុងបន្ទប់ពិសោធន៍ ដោយនិយាយថា ត្រូវបូមឈាម ដើម្បីយកទៅជួយព្យាបាលជំងឺប្តី។

ស្វាមីរបស់ស្ត្រីរងគ្រោះ បានថ្លែងឲ្យដឹងទៀតថា៖ «ពេលចូលទៅដល់ក្នុងបន្ទប់ គ្រូពេទ្យ ហេង ម៉េងលាង បាន​កាន់ម្ជុលពីរ គឺមួយធំ មួយតូច ចាក់ទៅលើភរិយាខ្ញុំ បន្ទាប់មក [...]