Posts tagged as "Election"

ប្រទេសជប៉ុន ដែលជាម្ចាស់ជំនួយដ៏សំខាន់មួយ និងដែលបានរក្សា​ភាពស្ងៀមស្ងាត់របស់ខ្លួន សឹងតែពេលមួយរដូវកាលបោះឆ្នោត នៅក្នុងប្រទេសកម្ពុជា បានសម្រេចបង្ហាញជំហរ តាមរយៈរដ្ឋមន្ត្រីការបរទេសជប៉ុន លោក តារ៉ូ កូណូ (Taro Kono) ហៅការបោះឆ្នោតជាតិ កាលពីថ្ងៃទី២៩ ខែកក្កដា ចុងសប្ដាហ៍មុន នៅកម្ពុជា ថាជាការ«ខកចិត្ត» និងជាការ «ព្រួយបារម្ភ»។

លោក តារ៉ូ កូណូ បានថ្លែងដូច្នេះ នៅក្នុងជំនួបដោយឡែក ជាមួយសមភាគីរបស់លោក គឺលោក ប្រាក់ សុខុន រដ្ឋមន្ត្រីការបរទេសកម្ពុជា នៅក្នុងកិច្ចប្រជុំមួយ ក្នុងប្រទេសសិង្ហបូរី កាលពីថ្ងៃសៅរ៍ម្សិលម៉ិញ ៦ថ្ងៃបន្ទាប់ពីការបោះឆ្នោតជាតិ នៅកម្ពុជាដ៏ចម្រូងចម្រាស ដែលប្រទេសប្រជាធិបតេយ្យធំៗក្នុងលោក សំដែងពីក្ដីមន្ទិលជាខ្លាំង ពីសុច្ចរិតភាព និងភាពទទួលយកបាន នៃការបោះឆ្នោតនេះ។

រដ្ឋមន្ត្រីការបរទេសជប៉ុន ត្រូវបានស្រង់សំដី ដោយបណ្ដាញទូរទស្សន៍សាធារណៈជប៉ុន «

នៅក្រោយការបោះឆ្នោតជាតិ នៅកម្ពុជា លោក អង់តូនីញ៉ូ ហ្គូតេរ៉េស (Antonio Guterres) អគ្គលេខាធិការ នៃអង្គការសហប្រជាជាតិ នៅតែរក្សាជំហររបស់លោក ដូចមានចែង នៅក្នុង​សេចក្ដីថ្លែងការណ៍ កាលពីថ្ងៃសុក្រសប្ដាហ៍មុន ដែលបាន​អំពាវនាវ ទៅរដ្ឋាភិបាលកម្ពុជា ត្រូវគោរព​​​តាម​​បទដ្ឋាន​អន្តរជាតិ ស្ដីពីសិទ្ធិមនុស្ស និងជាពិសេសត្រូវធានា ឲ្យគ្រប់តួអង្គ នៃក្រុមសង្គមស៊ីវិល និងក្រុមគណបក្សនយោបាយ អាចអនុវត្តន៍​សិទ្ធិប្រជាធិបតេយ្យ​របស់ពួកគេ បានដោយសេរី។

នេះ ជាការថ្លែងឡើង របស់លោក «Farhan Haq» អ្នកនាំពាក្យរង របស់លោកអគ្គលេខាធិការ នៅក្នុង​សន្និសីទសារព័ត៌មាន​ប្រចាំថ្ងៃ កាលពីថ្ងៃទី៣០ ខែកក្កដា (ត្រូវនឹងថ្ងៃទី៣១ ខែកក្កដា ម៉ោងនៅកម្ពុជា) នាទីក្រុងញ៉ូយក (សហរដ្ឋអាមេរិក)។

នៅក្នុងការថ្លែងនោះ អ្នកនាំពាក្យរង [...]

គណបក្សរស្មីខេមរា ដែលដឹកនាំដោយលោក ស៊ិន សុភាព និងឈរនៅលេខរៀងទី៩ នៅលើសន្លឹកឆ្នោត បានប្រកាស​មិនទទួលស្គាល់​លទ្ធផល នៃការបោះឆ្នោតនោះទេ។

លិខិតជូនដំណឹងមួយ របស់គណបក្ស ចុះថ្ងៃទី៣១ ខែកក្កដា ដែលត្រូវបានផ្ញើរ ទៅកាន់ស្ថានទូតនានា ក្នុងប្រទេសកម្ពុជា បានបញ្ជាក់​ថា គណបក្សរស្មីខេមរា មិន​​ទទួលស្គាល់លទ្ធផល​ នៃការបោះឆ្នោត ជ្រើសតាំងតំណាងរាស្ត្រ អាណត្តិទី៦នេះ ជាដាច់ខាត ដោយសារ​តែ​ការបោះឆ្នោតនេះ ដែលបានប្រព្រឹត្តិទៅ កាលពី​ថ្ងៃទី២៩ ខែកក្កដាកន្លងទៅ ​មិន​មានដំណើរការរៀបចំ ដោយសេរី ត្រឹម​ត្រួវ និង​យុត្តិធម៌។

គណបក្សរស្មីខេមរា ជាគណបក្សមួយ​ពីក្នុងចំណោមគណបក្សទាំង២០ ដែល​បាន​ចូលរួមប្រកួតប្រជែង ក្នុងការបោះឆ្នោតដ៏ចម្រូងចម្រាស ដែលផ្ដល់ជ័យជំនះ ឲ្យគណបក្សប្រជាជនកម្ពុជា របស់លោក ហ៊ុន សែន នាយករដ្ឋមន្ត្រីផុតអាណត្តិ សឹងតែ១០០% នៃអសនៈ នៅក្នុងរដ្ឋសភា។

ប្រទេសធំៗជាច្រើន ដូចជា សហរដ្ឋអាមេរិក កាណាដា [...]

បន្ទាប់ពីការបោះឆ្នោត ដ៏ចម្រូងចម្រាសមួយ បានកន្លងផុតទៅ៣ថ្ងៃ មេដឹកនាំប្រឆាំង របស់ប្រទេសកម្ពុជា លោក សម រង្ស៊ី បានចេញមុខនៅថ្ងៃនេះ អំពាវនាវឲ្យមានការបង្រួបបង្រួម នៅជុំវិញគណបក្សសង្គ្រោះជាតិ ជាមួយអ្នកនយោបាយទាំងឡាយ ដែលបាន ឬមានបំណង បង្កើតគណបក្សថ្មីៗ។ សម្រាប់​ប្រធាន​ចលនា​សង្គ្រោះជាតិ​រូបនេះ ក្រៅពីគណបក្សសង្គ្រោះជាតិរបស់លោក ពលរដ្ឋកម្ពុជាមិនបានសំដែងការទុកចិត្តណាមួយ ទៅគណបក្សផ្សេងនោះទេ។

លោក សម រង្ស៊ី បានថ្លែងក្នុងវីដេអូមួយ ចេញពីប្រទេសបារាំង អះអាងថា៖ «គ្មានគណបក្សណា អាចមកជំនួសគណបក្សសង្គ្រោះជាតិបានទេ។ ល្បិចពួកជនផ្ដាច់ការ គេរំលាយគណបក្សសង្គ្រោះជាតិ ហើយគេជំរុញឲ្យមានគណបក្សតូចៗ កើតចេញព្រោងព្រាត ដើម្បីមកជំនួសគណបក្សសង្គ្រោះជាតិ។ តែប្រជាពលរដ្ឋខ្មែរមិនចាញ់បោកជនផ្ដាច់ការ មិនចាញ់បោកគណបក្សតូចៗ ដែលខ្ញុំហៅថា គណបក្សអាប មានតែក្បាលអត់ខ្លួន ឬគណបក្សអំពិលអំពែក ចេញមកព្រោងព្រាត ពេលរដូវបោះឆ្នោតម្ដងៗ [...]