សំនុំ​​រឿង​​វ៉ាលីយ៉េ៖ ចៅក្រម​រក​ឃើញ​«ជន​សង្ស័យ»​ម្នាក់

ប៉ុន្មានថ្ងៃ បន្ទាប់ពីមានការបង្ហាញពីលទ្ធផល នៃការស៊ើបអង្កេតឡើងវិញរួមគ្នា រវាងសមត្ថកិច្ចកម្ពុជា បារាំង ដែលបាន​បង្ហាញថា ការស្លាប់ដ៏អាថកំបាំង របស់បុរសបារាំងលោក ឡូរ៉ង់ វ៉ាលីយ៉េ (Laurent Vallier) និងកូនកាត់ខ្មែរ៤ នាក់ របស់​គាត់លិចក្នុងរថយន្តនៅក្បែរផ្ទះរបស់គាត់ មិនមែនជាការធ្វើអត្តឃាតនោះ ចៅក្រមម្នាក់បាននិយាយថា ពួកគេរកឃើញ​ជនសង្ស័យម្នាក់។
សំនុំ​​រឿង​​វ៉ាលីយ៉េ៖ ចៅក្រម​រក​ឃើញ​«ជន​សង្ស័យ»​ម្នាក់
រូបកណ្ដាល ពីឆ្វេងមកស្ដាំ៖ ភរិយា និងស្វាមី គឺលោក ឡូរ៉ង់ វ៉ាលីយ៉េ។ (រូបថតឯកសារ)
Loading...
  • ដោយ: លោក គិន ដោយ ៖ គិន ហត្ថារ៉ូ - ភ្នំពេញ ថ្ងៃទី២៦ ខែមិនា ឆ្នាំ២០១៣
  • កែប្រែចុងក្រោយ: March 26, 2013
  • ប្រធានបទ: ឧក្រិដ្ឋកម្ម
  • អត្ថបទ: មានបញ្ហា?
  • មតិ-យោបល់

លោក ឆែម ឬទ្ធី ចៅក្រមស៊ើបអង្កេត នៅសាលាដំបូងខេត្តកំពង់ស្ពឺ ដែលបានចូលរួនមស៊ើបអង្កេតឡើងវិញ ជាមួយភាគី​បារាំងបានថ្លែងថា ក្រុមស៊ើបអង្កេតបានចេញដីកាកោះមួយ ទៅបងប្អូនប្រុស​សាច់ថ្លៃ​របស់​ភរិយា​លោក វ៉ាលីយ៉េ មក​សាកសួរពាក់ព័ន្ធនឹងករណីស្លាប់នោះ។ លោកបានថ្លែងបន្តថា៖ «យើងនឹងសាកសួរ​បុរស​ម្នាក់ ដែលជាបងប្អូនប្រុស​របស់ប្រពន្ធលោក វ៉ាលីយ៉េ ពីព្រោះគាត់ធ្លាប់មានជម្លោះជាមួយលោក វ៉ាលីយ៉េ កាល​ពី​ពេលមុន។ យើងមិនចោទប្រកាន់​គាត់ទេ ប៉ុន្តែយើងធ្វើការស៊ើបអង្កេតបន្ថែម ពីព្រោះថាបុរសម្នាក់នោះ ក៏ធ្លាប់​ប្រើថ្នាំ​ញៀនផងដែរកាលពីមុន»។

លោកបានបន្តទៀតថា ក្រុមស៊ើបអង្កេតសង្ស័យទៅលើមនុស្សពី ៣ទៅ៥នាក់ ដែលជាប់ពាក់ព័ន្ធនឹង​ករណី​ឃាតកម្ម​នេះ ហើយឃាតកម្មនេះ ឃាតករគឺជាដែលមានអ្នកជំនាញខ្ពស់ ពីព្រោះគេបាន​បង្វែរ​សាច់​រឿងជា​ច្រើន។ ដូចជាក្បាល​របស់​កូនលោក Vallier គឺនៅក្នុងវ៉ាលីស និងដោយសារតែទឹកស្រះ ពុំមានចរន្តហូរ ដូច្នេះ​ពុំ​អាច​ធ្វើឲ្យរមៀល ពីមុខទៅក្រោយ​បាននោះទេ។ មួយទៀតគាត់អង្គុយនៅខាងស្តាំ ដែលរថយន្តរបស់​គាត់​ចង្កូត​ឆ្វេង ដូច្នេះបញ្ជាក់ថាគាត់​ពុំមែនជាអ្នក​បើក​ទេ។

លោកបានបន្ថែមទៀតថា សាកសពអត់មានរលួយ នៅកន្លែងអ្នកបើកបរ ហើយមានស្បែកជើងផ្ទាត់មួយគូ នៅកន្លែងអ្នក​បើកបរ ដែលមានទំហំតូចជាងជើងរបស់គាត់ ហើយទ្វាបិទមិនបានជិតល្អដូច្នេះ មានន័យថា​គេ​បើកបរចុះ ហើយលោត​ចេញពីរថយន្ត ចំពោះសាកសពវិញ អត់មានស្លាកស្នាមធ្វើអត្តឃាតទេ បើធ្វើ​អត្តឃាត​ត្រូវរើ​បំរាស់​នៅ​ពេលឆ្លក់ទឹក ហើយ​ក៏គ្មានថ្នាំពុល ថ្នាំងងុយដេក រឺក៏គ្រឿងញៀនដែរ។ ចំពោះរថយន្ត ប្រសិន​បើ​បើកទម្លាក់ទឹក គឺឌីណាម៉ូត្រូវឆេះ ប៉ន្តែឌីណាម៉ូ​នៅល្អ គឺអាចបញ្ជាក់បានថារថយន្តត្រូវរុញទម្រាក់។

» លោក ឡូរ៉ង់ វ៉ាលីយ៉េ និងកូនកាត់ខ្មែរ ទាំង៤នាក់របស់លោក៖

កាលពីថ្ងៃទី២២ ខែមិនា ស្ថានទូតបារាំងប្រចាំនៅប្រទេសកម្ពុជា បានចេញសេចក្តីប្រការព័ត៌មាន ដែល​មាន​សរសេរជា​បី​ភាសាដូចជាភាសារបារាំង អង់គ្លេស និងខេមរភាសារនោះ លោកស្រី ក្លូឌីន អង់ហ៊្វូ ចៅក្រម​ស៊ើប​សួរទទួល​បន្ទុក​ស្រាវជ្រាវ​ ករណីនៃការស្លាប់របស់គ្រួសារលោក វ៉ាលីយេ បានសរសេរថា ការផ្លាស់ប្តូរ​វត្ថុតាង និងនិតិវិធី ការស្រាវជ្រាវដ៏ស្រួចស្រាល់ របស់នគរបាលបច្ចេកទេស និងការសាកសួរជាច្រើន ធ្វើឲ្យ​ការ​ស្រាវ​ជ្រាវ​មានការវិវត្តយ៉ាងខ្លាំង ដែលលទ្ធផលបង្ហាញថា ករណី​នេះមិនមែនជាការធ្វើអត្តឃាតនោះឡើយ។

ក្រមបច្ចេកទេសបារាំង ដែលមកពីក្រុងប៉ារីសដែលមាន នគរបាល និងចៅក្រម បានមកដល់​កម្ពុជា​កាល​ពីថ្ងៃ១០ ខែមិនា។ នៅព្រឹកថ្ងៃទី១២ ខែមីនា ក្រុមអ្នកបច្ចេកទេសទាំងនេះ ក៏បានចុះមកត្រួតពិនិត្យផ្ទាល់ នៅ​ក្នុង​លំនៅ​ឋាន​លោក វ៉ាលីយ៉េ ដែរ ហើយការស្រាវជ្រាវនឹងគ្រោងធ្វើ រយៈពេល២សប្តាហ៍។

លោក ទិត ឈួន ឪពុកក្មេក របស់លោក វ៉ាលីយ៉េបានថ្លែងថា លោកមិនទទួលបានព័ត៌មាន ពាក់ព័ន្ធនឹងការ​សាកសួរ​កូន​ប្រុសរបស់លោកទេ លោកក៏មិនមានព័ត៌មានបន្ថែម អំពីករណីនោះដែរ ហើយលោកពុំដឹង​ថា​អ្នកណា ជាអ្នកប្រព្រឹត្ត ឬ​ក៏​មនុស្សណាមួយ ដែលលោកត្រូវសង្ស័យនោះទេ។ លោកបានថ្លែងឲ្យដឹង​ទៀត​ថា «តាំងពីដំបូងមក ខ្ញុំមិនជឿ​ទាល់តែ​សោះ ដែលថាកូនប្រសាររបស់ខ្ញុំសម្លាប់ខ្លួនឯង ជាមួយនិងកូនៗ​របស់​គេ ដោយសារតែអត់មានអាហារហូបគ្រប់គ្រាន់»។

សាកសពរបស់លោក វ៉ាលីយ៉េ និងកូនតូច ៤នាក់ ត្រូវបានទាញចេញពីរថយន្ត ដែលលិចត្រាំក្នុងស្រះ នៅ​ខាង​ក្រោយ​​ផ្ទះ​របស់លោក កាលពីថ្ងៃទី២ ខែមករា ឆ្នាំ ២០១២ គឺ ៤ខែ បន្ទាប់ពីគ្រួសារនេះត្រូវ​បាន​គេ​ឃើញ​ចុង​ក្រោយ។ ការស៊ើបអង្កេត​បឋម បានបង្ហាញថា លោក វ៉ាលីយ៉េ បានធ្វើអត្តឃាតនិងមនុស្សឃាត ប៉ុន្តែការ​ស៊ើប​អង្កេត ដែលមានជំនួយពីបារាំង​នៅ​កំពុងបន្ត។

ភរិយាលោក វ៉ាលីយ៉េ បានស្លាប់ក្នុងខែតុលា ឆ្នាំ ២០១០ ក្នុងអំឡុងសម្រាលកូនប្រុសពៅ។ នៅពេល​នគរបាល​​ឆែកឆេរ​​ផ្ទះ​លោក វ៉ាលីយ៉េ បន្ទាប់ពីរកឃើញសាកសព ពួកគេបានរកឃើញតែមួយគត់ គឺកោដ​របស់​ប្រពន្ធត្រូវបានយកទៅបាត់។ តែក្រោយមកក៏បានរកឃើញកោដនោះ ក្នុងរថយន្តរបស់គ្រួសារគាត់។ ហើយនៅថ្ងៃទី ៣០ ខែមករា ការស៊ើបអង្កេតបឋម​របស់នគរបាលកម្ពុជា បានបង្ហាញថា គឺជាការធ្វើអត្តឃាត​ដោយ​ខ្លួន​ឯង៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...