បាសេឡូណា និង​កាឡាតាសារ៉ាយ ​ទៅ​​១​ភាគ​៨​ផ្តាច់​ព្រ័ត្រ​ឆែមពានលីក

ក្រុមកំពូលរបស់ប្រទេសអេស្ប៉ាញមួយនេះ បានចាញ់ក្រុម អេស៊ី មីឡាន របស់ប្រទេសអ៊ីតាលី ដោយលទ្ធផល ២-០ ក្នុងការប្រកួតជើងទី១។ ប៉ុន្តែនៅជើងទី២ កីឡាករ លីអូណែល ម៉េស៊ី (Lionel Messi) ធ្វើបានយ៉ាងល្អ ដោយរកគ្រាប់បាល់បញ្ចូលទីបានចំនួន ២គ្រាប់ នៅនាទី៥ និងនាទី៤០ នៃពាក់កណ្ដាលម៉ោងទី១។
Loading...
  • ដោយ: វិន ជីវ័ន្ត
  • កែប្រែចុងក្រោយ: March 13, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ក្រុមបាល់ទាត់ បាសេឡូណា (Barcelona) ធ្វើបានយ៉ាងអស្ចារ្យក្នុងការប្រកួតជើងទី២របស់ពួកគេ ដោយបានបំបាក់ក្រុម អេស៊ី មីឡាន (AC Milan) ហើយអាចបន្តដំណើរទៅកាន់វគ្គ១ភាគ៨ នៃពានរង្វាន់ឆែមពានលីក (Champions League) ជាបន្តទៀត។


កីឡាករ លីយ៉ូនែល ម៉េស្សី នៅក្រោយពេលទាត់ចូលទីរួច។

ក្រុមកំពូលរបស់ប្រទេសអេស្ប៉ាញមួយនេះ បានចាញ់ក្រុម អេស៊ី មីឡាន របស់ប្រទេសអ៊ីតាលី ដោយលទ្ធផល ២-០ ក្នុង​ការប្រកួតជើងទី១។ ប៉ុន្តែនៅជើងទី២ កីឡាករ លីយ៉ូណែល ម៉េស៊ី (Lionel Messi) ធ្វើបានយ៉ាងល្អ ដោយរកគ្រាប់បាល់​បញ្ចូលទីបានចំនួន ២គ្រាប់ នៅនាទី៥ និងនាទី៤០ នៃពាក់កណ្ដាលម៉ោងទី១។

នៅពាក់កណ្ដាលម៉ោងទី២ នៃការប្រកួតកីឡាករ ដេវ៉ីដ វីឡា (David Villa) បានទាត់បញ្ចូលបន្ថែម១គ្រាប់ទៀត នៅនាទី​៥៥ និង​គ្រាប់បាល់ទី៤ ដែលទាត់ដោយកីឡាករ ចូឌី អាបា (Jordi Alba) ធ្វើបានសម្រេចនៅម៉ោងបង្គ្រប់បន្ថែម ក្នុងទឹកដី ខេមនូ (Camp Nou)។ ដូច្នេះសរុបគ្រាប់បាល់ទាំង២ជើង ក្រុម បាសេឡូណា បានយកឈ្នះក្រុម អេស៊ី មីឡាន ដោយ​លទ្ធផល៤-២ ហើយជួយរក្សាក្តីសង្ឃឹមរបស់ក្រុមនៃប្រទេសអេស្ប៉ាញមួយនេះ ដែលមានបំណងឈ្នះពានអ៊ឺរ៉ុបលើកទី៣ ក្នុងរយះ​ពេល៣ឆ្នាំចុងក្រោយ។

ដោយឡែកក្រុមដែលទៅចូលរួមក្នុងវគ្គ១ភាគ៨ដែរនោះ គឺក្រុមកាឡាតាសារ៉ាយ (Galatasaray)។

ក្រុមបាល់ទាត់នៃប្រទេសទួរគីមួយនេះ បានយកឈ្នះក្រុម ស្កាល់ (Schalke) ដោយលទ្ធផល ៣-២ ក្នុងប្រទេសអាឡឺម៉ង់។ អតីតកីឡាកររបស់ក្រុមស្កាល់ ហាមីដ អាលធីនថប់ (Hamit Altintop) ជាអ្នកទាត់បាល់តាមបានស្មើ ១-១ ឲ្យក្រុម​កាឡាតាសារ៉ាយ។ កីឡាករ ប៊ូរ៉ាក់ យីលម៉ាស (Burak Yilmaz) ដែលទាត់បញ្ចូលបាន៨គ្រាប់ក្នុងក្របខ័ណ្ឌមួយនេះ បាន​ទាត់បាល់គ្រាប់ទី២នៅនាទី៤២ ប៉ុន្តែត្រូវក្រុមស្កាល់ តាមយកស្មើវិញនៅនាទី៦៣។ កីឡាករ យូម័ត ប៊ូលុត (Umut Bulut) បាន​ស៊ុតបាល់គ្រាប់ទី៣ នៅម៉ោងបង្គ្រប់បន្ថែម ដែលធ្វើឲ្យក្រុមកាឡាតាសារ៉ាយ យកឈ្នះដោយលទ្ធផល ៣-២។

កាលពីប្រកួតជើងទី១ នៅក្នុងប្រទេសទួរគី ក្រុមទាំង២បានបញ្ចប់ដោយលទ្ធផលស្មើគ្នា ១-១។ ដូច្នេះសរុបការប្រកួត​ទាំង២ជើង ក្រុមកាឡាតាសារ៉ាយបានទទួលជ័យជំនះ ៤-៣ ហើយអាចបន្តទៅកាន់វគ្គ ១ភាគ៨ផ្តាច់ព្រ័ត្រ ជាលើកដំបូង​ក្នុងរយះពេល១២ឆ្នាំរបស់ក្លឹប៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី១៣ ខែមិនា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់

 
Loading...