នេះ ជា​អាគារ​កប់​ពពក​ខ្ពស់​ជាង​គេ​បង្អស់ នៅ​អ៊ឺរ៉ុប

«Lakhta Center» ជាអាគារដែលមានកំពស់ ដល់ទៅ ៤៦២ម៉ែត្រ នៃក្រុង ស៊ាំងភីធើស្បួរ៍ (Saint-Pétersbourg) ភាគខាងលិច​ប្រទេសរ៉ូស្ស៊ី។
នេះ ជា​អាគារ​កប់​ពពក​ខ្ពស់​ជាង​គេ​បង្អស់ នៅ​អ៊ឺរ៉ុប
អាគារកប់ពពក ឈ្មោះ «Lakhta Center» នៃក្រុងស៊ាំងភីធើស្បួរ ប្រទេសរ៉ូស្ស៊ី។ (រូបថតលើទ្វីសធើរ)
Loading...
  • ដោយ: មនោរម្យ.អាំងហ្វូ ([email protected]) - ប៉ារីស ថ្ងៃទី០៩ សីហា ២០១៨
  • កែប្រែចុងក្រោយ: August 09, 2018
  • ប្រធានបទ: ស្ថាបត្យកម្ម
  • អត្ថបទ: មានបញ្ហា?
  • មតិ-យោបល់

រហូតមកដល់ពេលនេះ អាគារដែលខ្ពស់ជាងគេ នៅអ៊ឺរ៉ុប គឺអាគារ «Federation Tower» ក្នុងរដ្ឋធានីម៉ូស្គូ (ប្រទេសរ៉ូស្ស៊ី) ដែលមានកំពស់ ៣៧៣ម៉ែត្រ។ ប៉ុន្តែអាគារ «Federation Tower» ទើបនឹងបាត់បង់តំណែង ជាអាគារខ្ពស់ជាងគេ នៅអ៊ឺរ៉ុប បន្ទាប់ពីអាគារមួយទៀត បានបញ្ចប់ការសាងសង់​របស់ខ្លួន នៅក្នុងប្រទេសរ៉ូស្ស៊ីដដែល តែសង់ក្នុងសង្កាត់ជំនួញមួយ នៃក្រុង ស៊ាំងភីធើស្បួរ (Saint-Pétersbourg - ភាគខាងលិច)។

អាគារនោះមានឈ្មោះ «Lakhta Center» កំពស់សរុប ៤៦២ម៉ែត្រ ខ្ពស់ជាងគេនៅអ៊ឺរ៉ុប និងជាប់លេខទី១៣ ក្នុងចំណោមអាគារខ្ពស់ជាងគេ នៅលើពិភពលោក។ «Lakhta Center» ជាស្នាដៃរបស់ស្ថាបត្យកររ៉ូស្ស៊ី លោក «Philip Nikandrov» ហើយបានប្រើរយៈពេល សាងសង់រហូតដល់ទៅ ៦ឆ្នាំ។

» រូបភាពក្នុងគម្រោង៖

អាគារដ៏ខ្ពស់នេះ នឹងក្លាយជាទីស្នាក់ការ របស់ក្រុមហ៊ុនហ្គាសរ៉ូស្ស៊ី ឈ្មោះ «Gazprom»។ ដោយសារតែបែបនេះ ទើបរូបរាងរបស់អាគារ មានលក្ខណៈដូចជាអណ្ដាតភ្លើង ដែលជានិមិត្តសញ្ញា របស់ក្រុមហ៊ុន (ទស្សនាវីដេអូ នៅខាងក្រោមអត្ថបទ)។

ចំណែកឯតំណែង នៃអាគារ​ដែលខ្ពស់​ជាងគេ នៅលើពិភពលោក នៅតែជាតំណែង របស់អាគារ «Burj Khalifa» នៃក្រុង ឌុយបៃ (Dubaï - ប្រទេសសហព័ន្ធអារ៉ាប់ អេមៀរ៉ាត់) ដែលមិនទានមានអាគារណាផ្សេង អាចមកបំបែក​ឯកត្តកម្ម​​បាន​នៅឡើយ។ អាគារ «Burj Khalifa» មានកំពស់ដល់ទៅ ៨២៨ម៉ែត្រ ពីកម្រិតទឹកសមុទ្រ៕

» ពេលកំពុងសាងសង់៖

» និងពេលសាងសង់ហើយ៖

» វីដេអូ ស្ដីពីគម្រោងរបស់អាគារ ដ៏សម្បើមនេះ៖ 

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...