នៅក្នុងការប្រកួតវគ្គផ្ដាច់ព្រ័ត្រ រវាងក្រុមមាន់គក បារាំង និងក្រុម ក្រូអាស៊ី ល្ងាចថ្ងៃអាទិត្យទី ១៥ ខែកក្កដា ឆ្នាំ២០១៨ នាកីឡដ្ឋាននៃរដ្ឋធានី ម៉ូស្គូ ប្រទេសរ៉ូស្ស៊ី កីឡាករ គីលីយ៉ាន អឹមបាប៉េ (Kylian Mbappé) ខ្សែប្រយុទ្ធជាតិបារាំង រកបានបាល់មួយគ្រាប់ ឲ្យក្រុមជម្រើសជាតិរបស់ខ្លួន នៅនាទីទី ៦៥។ បាល់មួយគ្រាប់នោះ ត្រូវបានកីឡាករវ័យ ១៩ឆ្នាំរូបនេះ ទាត់ពីចំងាយជាង ២០ម៉ែត្រ ដាក់បញ្ចូលទីក្រូអាត ដ៏គួរឲ្យស្ងប់ស្ងែង។

នៅចំពោះគ្រាប់បាលនេះ លោក ប៉ឺឡេ បានចេញមកសរសើរកីឡករ នៅក្នុងពេលភ្លាមៗថា៖ «ទើបនឹងមានកីឡាករវ័យក្មេងម្នាក់ទៀត ដែលជាប់លេខពីរ បន្តពីខ្ញុំ ដែលបានរកគ្រាប់បាល់បាន នៅក្នុងការប្រកួតផ្ដាច់ព្រ័ត្រមួយ នៃបាល់ទាត់ពិភពលោក។ សូមស្វាគមន៍ គីលីយ៉ាន អឹមបាប៉េ មកក្នុងក្លឹប (Editor's note: លោក ប៉ឺឡេ ចង់និយាយ ពីក្លឹបនៃកីឡាករវ័យក្មេងបំផុត ដែលរកគ្រាប់បាល់បានដូច្នេះ និងដែលមានសមាជិក តែលោក ប៉ឺឡេ ខ្លួនលោកម្នាក់គត់ ពីមុនមក)។ ប្រសើរណាស់ ដែលមានគ្នីគ្នាបន្ថែម នៅក្នុងក្លឹប។»។

Only the second teenager to have scored a goal in a #WorldCupFinal! Welcome to the club, @KMbappe - it's great to have some company! // O segundo adolescente a marcar um gol em uma final de #CopaDoMundo! Bem-vindo ao clube, Kylian - é ótimo ter a sua companhia! https://t.co/g8b2gLTy7B

— Pelé (@Pele) 15 juillet 2018

តែនៅពេលបញ្ចប់ការប្រកួត ដែលជ័យជំនះ ត្រូវបានទៅលើក្រុមជម្រើសជាតិ បារាំង បន្ទាប់ពីបំបាក់​ក្រុម ក្រូអាស៊ី ក្នុងគ្រាប់បាល់ ៤-២ នោះ កីឡាករ គីលីយ៉ាន អឹមបាប៉េ ត្រូវបានជ្រើសតាំង ឲ្យក្លាយជាកំពូលកីឡាករវ័យក្មេង នៃព្រឹត្តិការណ៍ពិភពលោកមួយនេះ។ កីឡាករខ្សែប្រយុទ្ធបារាំង ត្រូវបានហៅ ឲ្យឡើងទៅទទួល «ពានរង្វាន់» នេះ នៅមុនពេលការប្រគល់មេដាយមាស និងពានរង្វាន់ធំ ទៅឲ្យក្រុមកីឡាករបារាំង។

នៅចំពោះតំណែងថ្មី របស់កីឡាករ អឹមបាប៉េ ខាងលើ ស្ដេចបាល់ទាត់ ប៉ឺឡេ ដែលពេលនេះ មានវ័យ៧៧ឆ្នាំ បានចេញមុខមកម្ដងទៀត សរសេរលែបខាយបន្តថា៖ «បើ គីលីយ៉ាន អឹមបាប៉េ នៅតែបន្តដណ្ដើម ឯកត្តកម្មរបស់ខ្ញុំដូច្នេះ មើលទៅ ខ្ញុំប្រហែលត្រូវជូតស្បែកជើងខ្ញុំ ជាថ្មីហើយ...»៕

If Kylian keeps equalling my records like this I may have to dust my boots off again... // Se o @KMbappe continuar a igualar os meus records assim, eu vou ter que tirar a poeira das minhas chuteiras novamente...#WorldCupFinal https://t.co/GYWfMxPn7p

— Pelé (@Pele) 15 juillet 2018