បាល់ទាត់​ពិភពលោក៖ អ៊ុយរូហ្គាយ​ឆ្លង​វគ្គ​ទាំង​អួលអាក់ តែ​បាន​ជម្រុះ​អារ៉ាប៊ី​សាអ៊ូឌីត

ក្រុម អ៊ុយរូហ្គាល បានទៅឈរជិតក្រុម រ៉ូស្ស៊ី ដើម្បីដឹកដៃគ្នា ឡើងទៅវគ្គ១ភាគ៨ផ្ដាច់ព្រ័ត្រ បន្ទាប់ពីបានយកឈ្នះ ក្រុមអារ៉ាប៊ីសាអ៊ូឌីត ជាមួយនឹងគ្រាប់បាល់ ដ៏ស្ដួចស្ដើង ១-០។ បើក្រុមទាំងពីរបានឆ្លងវគ្គ ជាស្ថាពរនោះ តែវាជារឿងដ៏អកុសល់ សម្រាប់ក្រុមពីរទៀត នៅក្នុងពូល A តែមួយ គឺក្រុមអារ៉ាប៊ីសាអ៊ូឌីត និងក្រុមអេហ្សីព ដែលត្រូវជម្រុះចេញ ពីបាល់ទាត់ពិភពលោក ឆ្នាំ២០១៨ ទោះជានៅសល់ មួយប្រកួតទៀតក៏ដោយ។
បាល់ទាត់​ពិភពលោក៖ អ៊ុយរូហ្គាយ​ឆ្លង​វគ្គ​ទាំង​អួលអាក់ តែ​បាន​ជម្រុះ​អារ៉ាប៊ី​សាអ៊ូឌីត
កីឡាករ ល្វីស៍ ស្វារ៉េស (រូបខាងស្ដាំ) ទាត់បញ្ជូនបាល់មួយកម្លាំងជើង ខណៈកីឡាករ អារ៉ាប៊ីសាអ៊ូឌីត ផ្ដួលខ្លួន ដើម្បីទប់គ្រាប់បាល់នេះ។ (រូបថត Fifa)
Loading...
  • ដោយ: មនោរម្យ.អាំងហ្វូ ([email protected]) - ប៉ារីស ថ្ងៃទី២០ មិថុនា ២០១៨
  • កែប្រែចុងក្រោយ: June 21, 2018
  • ប្រធានបទ: បាល់ទាត់​ពិភពលោក
  • អត្ថបទ: មានបញ្ហា?
  • មតិ-យោបល់

ដូចបានដាក់ នៅក្នុងចំណងជើង! បានឆ្លងវគ្គទាំងអួលអាក់ ដែលយកឈ្នះ ១-០ លើក្រុមអេហ្សីព នៅចុងម៉ោង កាលពីការប្រកួតជុំដំបូង ហើយក្រុមអ៊ុយរូហ្គាយដដែល បានយកឈ្នះលើក្រុម អារ៉ាប៊ីសាអ៊ូឌីត ជាមួយនឹងគ្រាប់បាល់ ដ៏ស្ដួចស្ដើងជាថ្មីទៀត នៅក្នុងការប្រកួតជុំទីពីរ ក្នុងល្ងាចថ្ងៃពុធនេះ។

កីឡាករ ល្វី​ ស្វារ៉េស (Luis Suarez) ជាអ្នករកគ្រាប់បាល់ បានតែមួយគត់ (នាទីទី២៣) នៅក្នុងការប្រកួតដ៏តឹងតែង ខណៈក្រុមអារ៉ាប៊ីសាអ៊ូឌីត បានព្យាយាមគ្រប់មធ្យោបាយ ដើម្បីស្វែងរកក្ដីសង្ឃឹម ក្នុងការបន្តជីវិត នៅក្នុងព្រឹត្តិការណ៍​បាល់ទាត់ពិភពលោក ឲ្យបានយូរតទៅទៀត។

ក្រុមអ្នកគាំទ្រ ច្បាស់ជាបានទន្ទឹង រង់ចាំមើលគ្រាប់បាល់បន្ថែម ពីសំណាក់ខ្សែប្រយុទ្ធ ដ៏ល្បីមួយរូបទៀត របស់ក្រុម​អ៊ុយរូហ្គាយ គឺកីឡាករ អេឌីសុន កាវ៉ានី (Edilson Cavani)។ ប៉ុន្តែខ្សែប្រយុទ្ធ ដែលកំពុងទាត់ឲ្យក្រុម ប៉ារីស រូបនេះ មិនដែលមានឱកាសពិតប្រាកដ ដើម្បីអាចទាត់បញ្ចូលទីនោះទេ ដោយហេតុថាជានិច្ចកាល កីឡាករតែងហ៊ំព័ទ្ធ ដោយខ្សែការពាររបស់ក្រុម អារ៉ាប៊ីសាអ៊ូឌីត មិនតិចជាង២នាក់ឡើយ។

» វីដេអូសង្ខេប នៃការប្រកួតរវាងក្រុម អ៊ុយរូហ្គាយ និងក្រុម អារ៉ាប៊ីសាអូឌីត៖

ក្រុម អ៊ុយរូហ្គាយ និងក្រុម រ៉ូស្ស៊ី ដែលដឹងខ្លួនរួចជាស្រេច ថាបានឆ្លងវគ្គនោះ នឹងប្រកួតគ្នានៅថ្ងៃចន្ទ ទី២៥ ខែមិថុនាខាងមុខ ដើម្បីដណ្ដើមយកចំណាត់ថ្នាក់ទីមួយ នៅក្នុងពូល។ រីឯក្រុម អារ៉ាប៊ីសាអ៊ូឌីត និងក្រុម អេហ្ស៊ីព ដែលត្រូវបានផាត់ចេញ​ជាស្ថាពរ ពីបាល់ទាត់ពិភពលោកហើយនោះ នឹងត្រូវជួបគ្នា ដើម្បីការប្រកួតជាកិត្តិយស សម្រាប់ញាត់ចូលក្នុងសំពាយ ស្ពាយត្រឡប់ទៅមាតុភូមិវិញ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...