ហេតុការណ៍ ធ្លាក់យន្ដហោះតូចមួយគ្រឿងនេះ បានកើតឡើង នៅរសៀលថ្ងៃចន្ទ ក្នុងរដ្ឋ«New Jersey» សហរដ្ឋអាមេរិក ដែលត្រូវជាព្រឹកថ្ងៃអង្គារ ពេលវេលានៅក្នុងប្រទេសកម្ពុជា។ យន្ដហោះឯកជននោះ ដែលអាចទទួលមនុស្សឲ្យជិះ បាន៨នាក់ បានធ្លាក់បោកខ្លួន ពីលើអាគារមួយចំនួន នៅក្នុងតំបន់ឧស្សាហកម្ម ក្បែរក្រុង «Carlstadt»។

ប្រព័ន្ធផ្សព្វផ្សាយអាមេរិក បានបង្ហាញឲ្យឃើញ ពីរូបភាពផ្សែងខ្មួលខ្មាញ់ ចេញពីទីកន្លែង​ធ្លាក់យន្ដហោះ និងមានរថយន្ដសង្គ្រោះជាច្រើន ត្រូវបានបញ្ជូន ទៅដល់ទីកន្លែងនោះ។ យន្ដហោះ បានហោះចេញពី ព្រលានយន្ដហោះអន្តរជាតិ «Philadelphie» ក្នុងរដ្ឋ «Pennsylvanie»។

Plane crash Carlstadt NJ.

— Paul Bassett (@PaulBassett) 15 mai 2017

បើតាមប្រភពពីនគរបាល បានឲ្យអះអាងថា អាគារមួយចំនួន បានឆាបឆេះជាអគ្គិភ័យឡើង ដោយសារការធ្លាក់យន្ដហោះ។ រីឯសារព័ត៌មាន «Daily Star» បានអះអាងថា យន្ដហោះនោះ ជាប្រភេទ «Learjet 35»។ យន្ដហោះ បានត្រៀមខ្លួនចុះចត នៅព្រលានយន្ដហោះ «Teterboro» ដែលនៅមិនឆ្ងាយប៉ុន្មាន ពីកន្លែងកើតហេតុ។

សារព័ត៌មានដដែល បានរាយការណ៍ ថាមនុស្សពីរនាក់ បានស្លាប់។ ពួកគេ ជាអ្នកបើកបរយន្ដហោះនោះ ដែលគ្មានមនុស្សជិះផ្សេងទេ។ ប៉ុន្តែមនុស្សរងរបួស ដោយសារការធ្លាក់យន្ដហោះ នៅលើអាគារ នៅមិនទាន់ឲ្យដឹង ថាមានទំហំប៉ុណ្ណា​នៅឡើយ៕

URGENT

— FranceNews24 (@FranceNews24) 15 mai 2017

BREAKING: Plane down in Carlstadt, NJ - several buildings on fire

— Steven Bognar (@Bogs4NY) 15 mai 2017