អាល្លឺម៉ង់៖ ផ្ទុះ​អាវុធ​​ក្នុង​មន្ទីរពេទ្យ​មួយ នៅ​ប៊ែរឡាំង - គ្រូ​ពេទ្យ​របួស​ធ្ងន់

ស្នូរផ្ទុះអាវុធ បានលាន់សូរឡើង នៅថ្ងៃអង្គារនេះ ក្នុងមន្ទីរពេទ្យ​មួយ នៃរដ្ឋធានី ប៊ែរឡាំង ប្រទេសអាល្លឺម៉ង់។ នេះ បើ​តាម​ការ​ផ្សាយ​ឲ្យដឹង នៅមុននេះ របស់ទស្សនាវដ្ដីអាល្លឺម៉ង់ ឈ្មោះ «Bild»។ គ្រូពេទ្យម្នាក់​ ទំនងជា​បាន​រងគ្រោះ​ធ្ងន់ធ្ងរ ខណៈ​ជន​ខ្មាន់​កាំភ្លើង ទំនងជាបានសម្លាប់ខ្លួន។ ដំណឹងនេះ គ្រាន់តែជាជំហានដំបូង​ប៉ុណ្ណោះ ហើយ​អាច​មាន​ការ​ប្រែប្រួល ក្នុង​នាទី​ខាងមុខ។
អាល្លឺម៉ង់៖ ផ្ទុះ​អាវុធ​​ក្នុង​មន្ទីរពេទ្យ​មួយ នៅ​ប៊ែរឡាំង - គ្រូ​ពេទ្យ​របួស​ធ្ងន់
នគរបាលអាល្លឺម៉ង់ កំពុងល្បាតទីកន្លែងសំខាន់ៗ នៅក្នុងក្រុងធំៗ នៃប្រទេស។ (រូបថតទ្វីសធើរ)
Loading...
  • ដោយ: សេក មនោរកុមារ អត្ថបទ និងយកការណ៍៖ សេក កុមារ ([email protected]) - បារីស ថ្ងៃទី២៦ កក្កដា ២០១៦
  • កែប្រែចុងក្រោយ: July 26, 2016
  • ប្រធានបទ: ភេរវកម្ម
  • អត្ថបទ: មានបញ្ហា?
  • មតិ-យោបល់

ខណៈពេលនេះ ប្រទេសអាល្លឺម៉ង់កំពុងកាន់ទុក្ខ នឹងការបាញ់សម្លាប់ កាលពីពេលថ្មីៗនេះ នៅឡើយ។ តែ​នៅថ្ងៃអង្គារនេះ បុរសម្នាក់បានផ្ទុះអាវុធ នៅក្នុងមន្ទីរពេទ្យដ៏ធំមួយ របស់រដ្ឋធានីប៊ែរឡាំង។ មន្ទីរពេទ្យនោះ មានឈ្មោះថា «Benjamin Franklin»។ នេះ បើតាមការផ្សាយឲ្យដឹង នៅមុននេះបន្តិច របស់ទស្សនាវដ្ដី​អាល្លឺម៉ង់ «Bild»។

ទស្សនាវដ្ដីបានបន្តទៀតថា គ្រូពេទ្យម្នាក់ទំនងជាបានត្រូវគ្រាប់ ហើយបានរងរបួសធ្ងន់ធ្ងរ។ រីឯជនខ្មាន់​កាំភ្លើង​វិញ ទំនងជាបានសម្លាប់ខ្លួន។

ប៉ុន្តែនគរបាលរដ្ឋធានី ប៊ែរឡាំង បានអះអាង នៅលើទំព័រទ្វីសធើរ​ផ្លូវការ​​របស់ខ្លួន​ថា ការផ្ទុះអាវុធនេះ ពិតជា​បានកើតឡើង នៅក្នុងមន្ទីរពេទ្យតែម្ដង ហើយជនប្រដាប់អាវុធម្នាក់នោះ បានបាញ់សម្លាប់ខ្លួន។ នៅក្នុង​សារ​មួយ​ទៀត ដែលត្រូវបានបង្ហោះ នៅមុនក្រោយគ្នាបន្តិចនោះ នគរបាលបានឲ្យដឹងថា គ្រូពេទ្យម្នាក់បាន​រង​គ្រោះ​ធ្ងន់ធ្ងរ និងកំពុងស្ថិតក្រោមការព្យាបាល ដ៏ដិតដល់មួយ។

នៅពេលនេះ វាហាក់ដូចជាលឿនបន្តិច ដើម្បីដឹងពីមូលហេតុ និងតុល្យភាពលំអិត​ផ្សេងទៀត ទាក់ទងនឹង​ការ​វាយប្រហារ​ខាងលើ។ យ៉ាងណា នគរបាលអាល្លឺម៉ង់ នៅមិនទាន់គិតថា ការផ្ទុះអាវុធនេះ ជាអំពើភេរវកម្ម​នោះ​នៅ​ឡើយ។ តែករណីផ្ទុះអាវុធនេះ បានកើតឡើង បន្ទាប់ពីការវាយប្រហារជាច្រើន និងជាបន្តបន្ទាប់ នៅក្នុង​ប្រទេស​អាល្លឺម៉ង់ សម្រាប់រយៈពេលចុងក្រោយនេះ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...