បន្ទាប់​ពី​មហា​សន្និបាត​បក្ស ពេល​នេះ​ប្រជុំ​សភា​ប្រជាជន​កំពូល!

ប្រទេសកុម្មុយនីសកូរ៉េខាងជើង មិនមានទម្លាប់បែបនេះទេ។ ប៉ុន្តែកិច្ចប្រជុំនេះ អាចនឹងអនុម័ត្រ នូវគម្រោង​សេដ្ឋកិច្ច​ដ៏​សំខាន់​មួយ របស់​ប្រទេស។
បន្ទាប់​ពី​មហា​សន្និបាត​បក្ស ពេល​នេះ​ប្រជុំ​សភា​ប្រជាជន​កំពូល!
រដ្ឋសភាប្រជាជនកំពូល របស់ប្រទេសកូរ៉េខាងជើង។ (រូបថតឯកសារ)
Loading...
  • ដោយ: កេសរ កូល អត្ថបទ៖ កេសរកូល ([email protected]) - ភ្នំពេញ ថ្ងៃទី២៩ មិថុនា ២០១៦
  • កែប្រែចុងក្រោយ: June 29, 2016
  • ប្រធានបទ: ឧបទ្វីបកូរ៉េ
  • អត្ថបទ: មានបញ្ហា?
  • មតិ-យោបល់

សភាប្រជាជនកំពូល របស់ប្រទេសកូរ៉េខាងជើង បានបើកអង្គប្រជុំនៅថ្ងៃពុធនេះ ក្នុងរដ្ឋធានីព្យុងយ៉ាង ដែល​ទំនងជាឱកាសដ៏កម្រមួយ ដើម្បីសម្រេចនូវគម្រោងសេដ្ឋកិច្ចថ្មី ដែលមហាសន្និបាតបក្ស កាលពីខែ​ឧសភា​កន្លង​ទៅ បានលើកឡើង។

តាមធម្មតា សភាប្រជាជនរបស់ប្រទេសកុម្មុយនីសមួយនេះ បើកអង្គប្រជុំតែម្ដងឬពីរដងប៉ុណ្ណោះ ក្នុងមួយឆ្នាំ។ ហើយ​សភាពេញអង្គនោះ ត្រូវបានធ្វើឡើង​ដើម្បីបោះឆ្នោតសម្រេច នូវគម្រោងថវិការ និងអនុម័ត្រ​រាល់​ការ​សម្រេច​ទាំងឡាយ របស់បក្សពលករកូរ៉េ ដែលជាបក្សតែមួយ និងកាន់អំណាច តាំងពីសាធារណរដ្ឋ​សង្គម​និយម​កូរ៉េ ត្រូវ​បាន​បង្កើត​ឡើង។

យ៉ាងណា ក៏ការប្រជុំពេញអង្គ របស់សភាកូរ៉េខាងជើង នៅថ្ងៃពុធនេះ មិនត្រូវបានប្រកាសជាផ្លូវការ នូវរបៀប​វារៈ សម្រាប់កិច្ចពិភាក្សា នៃសមាជិកសភានោះឡើយ។ គេគ្រាន់តែដឹងថា អង្គប្រជុំនេះ ត្រូវបានលើកពេល តាំង​ពី​ខែ​មេសាកន្លងមក ដោយមូលហេតុ នៃការរៀបចំមហសន្និបាតបក្ស ដែលបានចាត់ទុកលោក គីម ជុង-អ៊ុន (Kim Jong-Un) ថាជាមេដឹកនាំ​«មិន​អាច​ប្រឆាំង»​បាន នៃរបបកូរ៉េខាងជើង។

នៅក្នុង​មហាសន្និបាត​នោះ អគ្គមគុទេស«ដ៏មហិមា» លោក គីម ជុង-អ៊ុន បានប្រកាសឲ្យដឹង ពីគម្រោងដឹកនាំ​របបមួយ ដែលដូចគ្នាទាំងស្រុង ទៅនឹងគម្រោងដឹកនាំដំបូង (របស់ជីតាលោក) និងមាន«ទស្សនៈវិស័យ» សម្រាប់​អនុវត្តន៍​​រាប់សិប​ទសវត្សន៍​ទៅមុខ។ គម្រោងទាំងនោះ អួតអាងពី«ការពង្រឹង និងពង្រីក»ផលិតផល តែមិន​បាន​លំអិត​ថា តើ«ការពង្រឹង និងពង្រីក»នោះ នឹងត្រូវធ្វើតាមរបៀបណា និងត្រូវការរយៈពេលប៉ុន្មាន ដើម្បី​សម្រេច​ជាលទ្ធផលនោះឡើយ។

អ្នកទទួលខុសត្រូវមួយរូប របស់ក្រសួងបង្រួបបង្រួមកូរ៉េទាំងពីរ នៃប្រទេសកូរ៉េខាងត្បូង បានឲ្យដឹងថា៖​ «សម័យ​ប្រជុំពេញអង្គនេះ ជាជំហានបន្ទាប់ ក្រោយពីមហាសន្និបាតបក្ស។ អង្គប្រជុំសភា ត្រូវធានាឲ្យបាន នូវ​ដំណើរ​ការ នៃការសម្រេចទាំងឡាយ ដែលបានធ្វើឡើង នៅក្នុងមហាសន្និបាត - យល់ព្រមពីការ​ផ្លាស់ប្ដូរ​មនុស្ស ឬ​តំណែង និងអង្គការចាត់តាំង ក៏ដូចជាជួយពង្រឹក​ឲ្យកាន់តែខ្លាំងឡើង នូវអំណាចរបស់លោក គីម ជុង-អ៊ុន។»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...