ហេតុការណ៍ដូច្នេះ មិនមែនទើបតែកើតឡើង ជាលើកទីមួយទេ នៅក្នុងក្រុងបាសឺឡូន (Barcelone) ប្រទេស​អេស្ប៉ាញ។ ប៉ុន្តែច្រើនដងពេក រហូតធ្វើឲ្យស្ត្រីម្ចាស់វីដេអូ ដែលជាអ្នករស់នៅក្នុងក្រុង អត់ទ្រាំមិន​ធ្វើ​ប្រតិកម្ម​មិនបាន។ នាងបានថ្លែងឡើងថា៖ «យើងអត់ទ្រាំលែងបានតទៅទៀត នឹងស្ថានភាពរបៀបនេះ។ អញ្ចឹង​ហើយ​បានជាយើងសម្រេចចិត្តថតវីដេអូនេះ ហើយយកមកផ្សាយ នៅលើអ៊ិនធើណែត ដើម្បីបង្ហាញ ពីការ​មិន​ពេញចិត្ត​របស់យើង។»

ហេតុការណ៍ដ៏ហួសចិត្ត បានកើតឡើងកាលពីព្រឹកថ្ងៃអាទិត្យ កន្លងទៅនេះ នៅក្នុងស្ថានីយរថភ្លើងក្រោមដី ឈ្មោះ «Liceu» ដែលសម្បូរទៅដោយទេសចរណ៍ឆ្លងកាត់។ ស្ត្រីជាម្ចាស់វីដេអូ បានរៀបរាប់ប្រាប់​សារព័ត៌មាន​អង់គ្លេស «Mirror» ថា នាងនិងមិត្តភ័ក្តិស្រីម្នាក់ទៀត បានមកដល់ទីនោះ ស្រាប់តែ​នាង​ភ្ញាក់​ខ្លួន​ក្រញ៉ាង នឹងទិដ្ឋភាពរួមរ័ក្សដ៏ត្រេកត្រអាល របស់គូស្នេហ៍ពីរនាក់ នៅលើកៅអីរង់ចាំ របស់ស្ថានីយ៍​រថភ្លើង។

គូស្នេហាដ៏រោលរាល បានស្រាតខោ តែនៅទុកអាវ និងកំពុង«ប្រតិបត្តិកាម» ហាក់គ្មានចាប់អារម្មណ៍ នឹង​នរណា​ទាំង​អស់ បើទោះជាមានមនុស្ស ដើរកាត់ទីនោះក៏ដោយ។ បន្តិចក្រោយមក មានក្រុមយុវជន​មួយ​ក្រុម​ទៀត បានចូលមកចាំជិះរថភ្លើងដែរ តែនៅពេលពួកគេ បានឃើញទិដ្ឋភាពដ៏ស្រស់ៗ នៅនឹងមុខបែបនេះ ពួកគេ​​បាន​ផ្ទុះ​សំណើច​​ឡើងតិចៗ តាមបែបរំខាន និងខ្មាសអៀន។

គេមិនដឹងថា តើគូស្នេហ៍ទាំងពីរនាក់ បានប្រព្រឹត្តិរឿងនេះ ដោយសារពួកគេស្រវឹង ឬដោយសារតណ្ហា​ដុត​កញ្ជ្រោល​ខ្លាំង រហូតទ្រាំលែងបាន ឬយ៉ាងណាទេ។ អ្នកទទួលខុសត្រូវ របស់ប្រព័ន្ធរថភ្លើងក្រោមដី នៃក្រុង​បាសឺឡូន បានបដិសេធមិនបានដឹងពីរឿងនេះ តែបានសន្យាថា នឹងបើកការស៊ើបអង្កេតមួយឡើង។ ការ​បង្ហាញ​សកម្មភាពខាងផ្លូវភេទ ជាសាធារណៈ នៅអ៊ឺរ៉ុបខាងលិច នឹងត្រូវរងនូវទណ្ឌកម្ម​តាមផ្លូវច្បាប់ ដោយ​ចាប់​ឲ្យ​បង់​ជា​ប្រាក់​ពិន័យ ហើយអាចឈានទៅជាប់ពន្ធនាគារ ប្រសិនជាសកម្មភាពនេះ បាន​បង្ក​ការ​ខូចខាត ដល់​អ្នកដទៃ ឬសម្បត្តិសាធារណៈ៕

» វីដេអូពីហេតុការណ៍ តែហាមអាយុក្រោម ១៨ឆ្នាំ ទស្សនា៖