កម្ពុជា៖ សហគ្រាសអគ្គិសនីបារាំង ចង់​សង់​រោងចក្រ​អគ្គិសនី​នៅ​តំបន់​ឆ្នេរ

ឯកអគ្គរដ្ឋទូតថ្មីរបស់បារាំងប្រចាំនៅកម្ពុជា លោក ស៊ែជ ម៉ូស្ទូរ៉ា (Serge Mostura) ដែលនៅមិនទាន់ប្រកាសជាផ្លូវការ សម្រាប់មុខតំណែងរបស់លោកនោះ បានប្រកាសថា នាយករដ្ឋមន្ត្រីបារាំង លោក ហ្សង់-ម៉ាក អៃរ៉ូល (Jean-Marc Ayrault) បានបញ្ជាក់ទៅដៃគូរសន្ទនារបស់លោក លោកហ៊ុន សែន នាយករដ្ឋមន្ត្រីកម្ពុជា ក្នុងជំនួបជាលក្ខណៈឯកជន ថ្ងៃទី០៣កុម្ភះនៅរាជធានីភ្នំពេញ ថាសហគ្រាសអគ្គិសនីរដ្ឋ របស់បារាំង (EDF) ត្រៀមខ្លួនរួចជាស្រេច ដើម្បីចុះហត្ថលេខា​នៅលើអនុសារណៈមួយ ដើម្បីឈានទៅចរចា ស្វែងរកការសាងសង់រោងចក្រផលិតអគ្គិសនី ដោយប្រើប្រាស់ឧស្ម័ន​ហ្គាសធម្មជាតិ ពីតំបន់ទឹកសមុទ្រដែលកំពុងមានជម្លោះ ក្នុងឈូងសមុទ្រថៃ។
Loading...
  • ដោយ: កេសរ កូល
  • កែប្រែចុងក្រោយ: February 08, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

«ជាផលប្រយោជន៍ សម្រាប់សហគ្រាសអគ្គិសនីរដ្ឋ របស់បារាំង ក្នុងការសាងសង់រោងចក្រផលិតអគ្គិសនីនៅកម្ពុជា» នេះ​ជា​ការ​លើកឡើង របស់នាយករដ្ឋមន្ត្រីបារាំង ក្នុងរយះពេលនៃដំណើរទស្សនកិច្ច រយះពេលពីរថ្ងៃកន្លងមកនេះ ដើម្បី​ចូល​រួមក្នុង​ព្រះរាជពិធីថ្វាយព្រះភ្លើង ព្រះបរមកោដ្ឋនៃអតីតព្រះមហាក្សត្រ នរោត្ដម សីហនុ។


ផ្លាកសញ្ញារបស់ក្រុមហ៊ុនអគ្គិសនីបារាំង នៅលើអាគារដ៏ស្កឹមស្កៃរបស់ខ្លួន។

ឯកអគ្គរដ្ឋទូតថ្មីរបស់បារាំងប្រចាំនៅកម្ពុជា លោក ស៊ែជ ម៉ូស្ទូរ៉ា (Serge Mostura) ដែលនៅមិនទាន់ប្រកាសជាផ្លូវការ សម្រាប់មុខតំណែងរបស់លោកនោះ បានប្រកាសថា នាយករដ្ឋមន្ត្រីបារាំងលោក ហ្សង់-ម៉ាក អៃរ៉ូល (Jean-Marc Ayrault) បានបញ្ជាក់ទៅដៃគូរសន្ទនា លោកហ៊ុន សែន នាយករដ្ឋមន្ត្រីកម្ពុជា ក្នុងជំនួបជាលក្ខណៈឯកជន ថ្ងៃទី០៣កុម្ភះ​នៅ​រាជធានីភ្នំពេញ ថាសហគ្រាសអគ្គិសនីរដ្ឋ របស់បារាំង (EDF) ត្រៀមខ្លួនរួចជាស្រេច ដើម្បីចុះហត្ថលេខា​នៅលើ​អនុសារណៈ​មួយ ដើម្បីឈានទៅចរចា ស្វែងរកការសាងសង់រោងចក្រផលិតអគ្គិសនី ដោយប្រើប្រាស់ឧស្ម័ន​ហ្គាស​ធម្មជាតិ ពីតំបន់ទឹកសមុទ្រដែលកំពុងមានជម្លោះ ក្នុងឈូងសមុទ្រថៃ។

សារព័ត៌មានក្នុងស្រុកជាភាសាអង់គ្លេស ឌឹខេប៊ូឌៀរដេលី (Cambodia Daily) បានស្រង់សម្ដីលោកឯកអគ្គរដ្ឋទូតថា «សហគ្រាសអគ្គិសនីរដ្ឋ របស់បារាំង បានចាប់អារម្មណ៍ ទៅការសាងសង់រោងចក្រផលិតអគ្គិសនីមួយ ដោយប្រើប្រាស់​ឧស្ម័នហ្គាសធម្មជាតិ នៅក្នុងក្រមខ័ណ្ឌនៃកិច្ចសន្យាពីអតីតកាល ជាមួយនឹងអាជ្ញាធរកម្ពុជា»។ លោកស៊ែជ បានបន្តថា «រោងចក្រនេះ នឹងអនុញ្ញាតអោយរាជធានីភ្នំពេញ អាចទទួលបាននូវថាមពលគ្រប់គ្រាន់ ទៅតាមតម្រូវការ»។

រាជធានីភ្នំពេញ រងនូវកង្វះខាត ផ្នែកអគ្គិសនី ជាពិសេសនៅពេលដែលរដូវដែលក្ដៅហួតហែងបំផុត បានមកដល់ ហើយ​ធ្វើអោយមានការផ្ដាច់ចរន្ដជាញឹកញាប់។ តែបញ្ហាដែលចោទពិតប្រាកដ គឺឧស្ម័នហ្គាសធម្មជាតិ ដែលត្រូវចម្រាញ់ចេញពី តំបន់ជម្លោះព្រំដែនទឹកជាមួយនឹងប្រទេសថៃ ក្នុងឈូងសមុទ្រថៃ។ រាល់ការចម្រាញ់នានា ត្រូវបានហាមឃាត់​ក្នុងពេល​បច្ចុប្បន្ន ដរាបណាប្រទេសថៃ និងកម្ពុជានៅមិនទាន់ឈានទៅរក ការយល់ព្រមណាមួយ ទៅលើតំបន់ជម្លោះនោះ។ ក្រុមហ៊ុនប្រេងកាតបារាំង តូតាល់ (Total) ដែលទទួលបានសិទ្ធិក្នុងការធ្វើអាជីវកម្ម ទៅលើតំបន់នេះ ក៏កំពុងតែរងចាំ​យ៉ាង​អន្ទះសារដែរ ដោយសង្ឃឹមថា ជម្លោះព្រំដែននៃប្រទេសជិតខាងទាំងពីរ ឈានទៅរកទីបញ្ចប់ក្នុងថ្ងៃណាមួយ។

ប៉ុន្តែបើតាមលោកឯកអគ្គរដ្ឋទូត លោកបានបង្ហើបអោយដឹងថា នាយករដ្ឋមន្ត្រីកម្ពុជា លោកហ៊ុន សែន បានគូស​បញ្ជាក់​ថា មិនមានការវិវត្តន៍ណាមួយ គួរអោយកត់សម្គាល់ទៅលើស្ថានភាពនេះទេ។ «លោកនាយករដ្ឋមន្ត្រីបាននិយាយថា លោកមានជំនួយឧបត្ថម ដើម្បីអោយក្រុមហ៊ុនតូតាល់ អាចចាប់ផ្ដើមអាជីវកម្មនៅក្នុងតំបន់ខ្លះ។ តែលោកថា កម្ពុជាត្រូវ​និយាយជាមួយថៃជាមុនសិន មុននឹងក្រុមហ៊ុនបារាំង អាចចាប់ផ្ដើមបាន។»

លោកឯកអគ្គរដ្ឋទូត ស៊ែជ ម៉ូស្ទូរ៉ា  បានថ្លែងទៀតថា សហគ្រាសអគ្គិសនីរដ្ឋ របស់បារាំង ចង់សង់រោងចក្រផលិតអគ្គិសនី នៅក្បែរតំបន់ឆ្នេរ ប៉ុន្តែនៅទីកន្លែងណាពិតប្រាកដ គេនៅមិនទាន់ដឹងនៅឡើយ៕

-------------------------------------------------
ដោយ ៖ កេសរកូល - ភ្នំពេញ ថ្ងៃទី០៨ ខែកុម្ភះ ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...