ម៉ាដូណា សម្រាត​បង្ហាញ​សុដន់​របស់​យុវតី​ម្នាក់ ​កណ្ដាល​ការ​ប្រគុំ​តន្ត្រី

ម៉ាដូណា (Madonna) តារាចម្រៀងពិភពលោក បានប្រើដៃ​ទាញទម្លាក់អាវ របស់យុវតីអ្នក​គាំទ្រ​ខ្លួន​ម្នាក់ ដែល​មាន​អាយុ​១៧ឆ្នាំ បន្ទាប់ពីយុវតី​ត្រូវបានហៅ ឲ្យឡើងមកលើ​ឆាកប្រគុំតន្ត្រី ក្នុងក្រុង ប្រៃស្បែន (Brisbane) ប្រទេស​អូស្ត្រាលី។
ឈុតឆាក ម៉ាដូណា សម្រាតបញ្ចេញសុដន់ របស់យុវតីអាយុ១៧ឆ្នាំម្នាក់ នៅកណ្ដាលការប្រគុំតន្ត្រី។
Loading...
  • ដោយ: ដារី អត្ថបទ៖ ដាវី ([email protected]) - ភ្នំពេញ ថ្ងៃទី១៩ មីនា ២០១៦
  • កែប្រែចុងក្រោយ: March 21, 2016
  • ប្រធានបទ: តារាល្បី
  • អត្ថបទ: មានបញ្ហា?
  • មតិ-យោបល់

នៅក្នុងការប្រគុំតន្ត្រីដ៏ធំ កាលពីថ្ងៃព្រហស្បត្តិ៍ ក្នុងក្រុង ប្រៃស្បេន (Brisbane) ប្រទេសអូស្ត្រាលី ស្ដេច​ម្រៀង​ស្រី នាង ម៉ាដូណា បានបង្កើតឈុតឆាក ដ៏ភ្ញាក់ផ្អើលមួយឡើង។ តារាចម្រៀងបានហៅយុវតីម្នាក់ ឲ្យ​ឡើង​ទៅ​លើ​ឆាក​ប្រគុំតន្ត្រី ជាមួយនាង។ ជាមួយនឹងការសប្បាយរីករាយ នៅក្នុងចិត្ត ព្រោះបានឡើង មកឈរ​ជា​មួយ​កំពូល​តារាចម្រៀង​ពិភពលោកនោះ យុវតីមិនបានគិតថា អាវរបស់នាងត្រូវបានតារាចម្រៀង ចាប់ទាញ​សម្រាត​បញ្ចេញ​ដើមទ្រូង ជាសាធារណៈដូច្នេះនោះទេ។

ដំបូងឡើយ ម៉ាដូណា ចង់បង្ហាញទៅកាន់សាធារណៈជន ថាយុវតីដែលបានឡើង​មកលើឆាកនេះ ជា«ប្រភេទ​ស្ត្រីម្នាក់ ដែលធ្វើឲ្យអ្នកផង អត់ទ្រាំមិនទះកំប៉េះគូទ​មិនបាន»។ បន្ទាប់មកភ្លាមនោះ ម៉ាដូណា បានប្រើដៃទាញ​អាវ​យុវតីទម្លាក់ បណ្ដាញឲ្យចេញសុដន់មួយភ្លែត នៅចំពោះមនុស្សរាប់ពាន់នាក់។ តារាចម្រៀង​បាន​ឧទាន​ឡើង​ថា៖ «ឲ្យខ្ញុំសុំទោស។ នេះគឺជា ការបៀតបៀន ខាងផ្លូវភេទ!»។

ទង្វើរបស់ ម៉ាដូណា បានបង្កឲ្យមានសង្គ្រាមពាក្យសម្ដីឡើង ជាពិសេសនៅពេលដែលអ្នកផងដឹងថា យុវតី​ដែល​បានឡើងទៅលើឆាក មានអាយុទើបតែ១៧ឆ្នាំ។ ផ្ដល់កិច្ចសម្ភាស ទៅឲ្យសារព័ត៌មានអូស្ត្រាលី ឈ្មោះ «Courier Mail» យុវតីខាងលើមិនបានគិតថា នឹងប្ដឹង ម៉ាដូណា ឡើងទៅតុលាការនោះទេ បើទោះជា​ច្បាប់​របស់ប្រទេស​អូស្ត្រាលី បានចែងពីការហាមឃាត់ «មិនឲ្យប៉ះពាល់នរណាម្នាក់ ដោយគ្មានការស្រុះស្រួលគ្នា ជាមុននោះឡើយ»។

យុវតីបានថ្លែងឡើងថា៖ «និយាយឲ្យពិតទៅ ខ្ញុំរកមិនឃើញ ពីមូលហេតុដែលត្រូវប្ដឹង ម៉ាដូណា ឡើងតុលាការ សម្រាប់រឿងមួយ ដែលជាក្ដីសុបិន្ដដ៏ល្អបំផុត សម្រាប់ជីវិតខ្ញុំនោះទេ។ គាត់ (ម៉ាដូណា) និយាយថា ខ្ញុំមាន​រូប​រាង​ដូចតារាបង្ហាញម៉ូដ "Victoria's Secret" ហើយវាជារឿងមួយ គួរឲ្យសប្បាយចិត្តណាស់។»

«ខ្ញុំមិនដែលបានគិត សូម្បីតែបន្តិចថា ដើមទ្រូងរបស់ខ្ញុំ (ដែលត្រូវបាន ម៉ាដូណា បង្ហាញ) បានបង្កបង្កើត ឲ្យ​មាន​រឿងរ៉ាវ ដល់ថ្នាក់ណ្នឹងឡើយ។ សម្រាប់ខ្ញុំ វាអត់មានរឿងអីទេ តែខ្ញុំត្រូវនិយាយពីបញ្ហាអាវរបស់ខ្ញុំ (ដែល​ងាយ​របូត) នោះវិញ។ គឺខ្លួនខ្ញុំជាអ្នកសម្រេចចិត្ត ថាតើខ្ញុំរងការអាម៉ាស ឬអត់។» នេះជា​ការ​បញ្ជាក់​ចុង​ក្រោយ របស់​យុវតី​វ័យ​ក្មេង ទៅកាន់សារព័ត៌មានដដែល៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...