កម្ពុជា៖ បង្កើតបញ្ជីសេវាសាធារណៈ ដើម្បី​ប្រឆាំង​«អំពើ​ពុករលួយ»

ការបង្កើតបញ្ជីសេវាសាធារណៈ ដែលត្រូវបានបង្កើតឡើងរួមគ្នា រវាងអង្គភាពប្រឆាំងអំពើពុករលួយ និងក្រសួងសេដ្ឋកិច្ច និងហិរញ្ញវត្ថុ គឺដើម្បីប្រយុទ្ធប្រឆាំង នឹងភាពមិនប្រក្រដី ពិសេសគឺប្រឆាំងនឹងអំពើ ពុករលួយក្នុងវិស័យ សេវាសាធារណៈ។ នេះជាការថ្លែងរបស់ លោកនាយករដ្ឋមន្រ្តី ហ៊ុន សែន ក្នុងពិធីចែកសញ្ញាប័ត្រ ដល់និសិ្សតបញ្ចប់ការសិក្សា របស់វិទ្យាស្ថាន វ៉ាន់ដា គណនេយ្យ នៅកោះពេជ្រ កាលពីព្រឹកថ្ងៃទី២៩ ខែមករា ឆ្នាំ២០១៣។
Loading...
  • ដោយ: អ៊ុំ បូរី
  • កែប្រែចុងក្រោយ: January 30, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

រដ្ឋាភិបាលកម្ពុជាបានបង្កើត ឲ្យមានតារាងបញ្ជីសេវាសាធារណៈ ដោយមានកំណត់តម្លៃសេវា ដែលប្រជាពលរដ្ឋត្រូវ​បង់​ចូលរដ្ឋ ក្នុងការធ្វើលិខិតស្នាមនានា ដូចជា ការសុំច្បាប់បើកអាជីវកម្ម និងលិខិតរដ្ឋបាលផ្សេងៗទៀត។ល។


ផ្លាកបង្ហាញរបស់អង្គភាពប្រឆាំងអំពើពុករលួយកម្ពុជា។ MONOROOM.info Photo/ D.KEO

ការបង្កើតបញ្ជីសេវាសាធារណៈ ដែលត្រូវបានបង្កើតឡើងរួមគ្នា រវាងអង្គភាពប្រឆាំងអំពើពុករលួយ និងក្រសួងសេដ្ឋកិច្ច និងហិរញ្ញវត្ថុ គឺដើម្បីប្រយុទ្ធប្រឆាំង នឹងភាពមិនប្រក្រដី ពិសេសគឺប្រឆាំងនឹងអំពើ ពុករលួយក្នុងវិស័យ សេវាសាធារណៈ។ នេះជាការថ្លែងរបស់ លោកនាយករដ្ឋមន្រ្តី ហ៊ុន សែន ក្នុងពិធីចែកសញ្ញាប័ត្រ ដល់និសិ្សតបញ្ចប់ការសិក្សា របស់វិទ្យាស្ថាន វ៉ាន់ដា គណនេយ្យ នៅកោះពេជ្រ កាលពីព្រឹកថ្ងៃទី២៩ ខែមករា ឆ្នាំ២០១៣។

លោកនាយករដ្ឋមន្ត្រីបានបន្តថា ការបង្តើតនេះ ដើម្បីពង្រឹងវិស័យ សេវាសាធារណៈ ដល់ប្រជាពលរដ្ឋ ក៏ដូចជាក្រុមអ្នក​វិនិយោគទុនទាំងក្នុងប្រទេស និងក្រៅប្រទេសផងដែរ។ លោកបានបន្ថែមទៀតថា ចំពោះក្រសួងការបរទេស និងក្រសួង​មហាផ្ទៃ កំពុងធ្វើកិច្ចការនេះបន្ត ដោយឡែកសេវានៅមូលដ្ឋាន កំពុងរៀបចំ។ «អ្នកបង់ឲ្យលើសក៏ត្រូវជាប់ទោស អ្នក​ទទួលលើសក៏ត្រូវជាប់ទោស» លោកនាយករដ្ឋមន្រ្តីអះអាង។

សូមបញ្ជាក់ថា នៅក្នុងពិធីចែកសញ្ញាប័ត្រនេះ លោកនាយករដ្ឋមន្រ្តី ក៏បានអំពាវនាវឲ្យគ្រប់ភាគីទាំងអស់ ចូលរួមប្រយុទ្ធ​ប្រឆាំង អំពើពុករលួយជាមួយគ្នា ដើម្បីកសាងប្រទេសជាតិ ឲ្យរីកចម្រើន ហើយលោក សង្ឃឹម និងជឿជាក់ថា កម្ពុជានឹង​អាចប្រឆាំង នឹងអំពើពុករលួយបាន។

ការបង្កើតឲ្យមានបញ្ជី សេវាសាធារណៈ នៅតាមក្រសួងស្ថាប័នរដ្ឋនានា ដើម្បីកំណត់អំពីកម្រៃសេវា ក្នុងការធ្វើលិខិតស្នាម និងការចុះបញ្ជីផ្សេងៗនោះ ត្រូវបានមជ្ឍដ្ឋានមួយចំនួន មានការគាំទ្រ និងមួយចំនួនទៀតសម្តែងការព្រួយ បារម្ភផងដែរ។ ដោយហេតុថាពួកគេមិនសង្ឃឹមថា យន្តការនេះ នឹងអាចអនុវត្តបាន ប្រកបដោយប្រសិទ្ធភាពនោះទេ។

លោក កែម ឡី ជាអ្នកស្រាវជ្រាវពីបញ្ហាសង្គម និងជាអ្នកវិភាគឯករាជ្យមាន ប្រសាសន៍ថា៖ «ខ្ញុំគាំទ្រចំពោះ ការបង្កើតឲ្យ​មានបញ្ជីនេះ ប៉ុន្តែចំនុច សំខាន់ស្ថិតនៅលើការអនុវត្ត»។ លោកបន្តថា នាពេលកន្លងមក នៅតាមក្រសួងស្ថាប័ន របស់រដ្ឋ​មួយចំនួនមានបញ្ជី ដែលមានលក្ខណៈ ប្រហាក់ប្រហែលនេះរួចហើយ ប៉ុន្តែនៅតែមានភាពមិនប្រក្រដី នៅក្នុងការបង់​សេវាសាធារណៈ ពោលគឺនៅតែមានការបង់លើស នូវចំនួនទឹកប្រាក់ ដែលមានកំណត់នៅក្នុងបញ្ជី ។ លោកបញ្ជាក់ថា រដ្ឋាភិបាលគួរផ្តល់ប្រាក់ខែដល់ មន្រ្តីរាជការ ឲ្យបានច្រើនជាងនេះ ដើម្បីសម្រួលដល់ជីវភាព របស់ពួកគាត់។

សូមរម្លឹកផងដែរថា កាលពីថ្ងៃទី៧ ខែមករា ឆ្នាំ២០១៣ កន្លងទៅនេះ លោក ឱម យិនទៀង ជាប្រធានអង្គភាពប្រឆាំង​អំពើ​ពុករលួយ បានប្រកាសថា រដ្ឋាភិបាល នឹងចាប់ផ្តើមអនុវត្តផែនការ ប្រយុទ្ធប្រឆាំង នឹងអំពើពុករលួយ ពិសេសចាត់ការលើ មន្រ្តីឃុំសង្កាត់ ដែលយកប្រាក់លើស ចំនួនកំណត់ ពាក់ព័ន្ធថ្លៃកម្រៃសេវា ក្នុងការធ្វើលិខិតស្នាមនានា។

ប្រទេសកម្ពុជា ត្រូវបានមជ្ឍដ្នានទូទៅ កត់សម្គាល់ឃើញថា ការផ្តល់សេវាសាធារណៈ របស់រដ្ឋ ដល់ប្រជាពលរដ្ឋ នៅមាន ភាពទន់ខ្សោយនៅឡើយ ក៏ព្រោះតែមានបញ្ហាអំពើពុករលួយ ស្ទើរគ្រប់វិស័យនៅ តាមស្ថា ប័នរដ្ឋនានា បើទោះបីជា​មាន​ការចូលរួមខិតខំប្រយុទ្ធប្រឆាំង និងលប់បំបាត់ពីគ្រប់ភាគី ក៏ដោយ។ ប្រទេសកម្ពុជាត្រូវបាន ចាត់ចូលក្នុងចំណាត់ថ្នាក់​លេខ១៥៧ ក្នុងចំណោម១៧៦ ប្រទេសដែលពាក់ព័ន្ធ នឹងអំពើពុករលួយ នេះបើយោងតាម ការប្រកាសរបស់អង្គការ តម្លាភាពកម្ពុជាកាលពីឆ្នាំ២០១២៕

--------------------------------------------------------
ដោយៈ អ៊ុំ បុរី - ភ្នំពេញថ្ងៃទី៣០ មករា ឆ្នាំ២០១២
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...