កីឡាករ​ម្នាក់​នេះបញ្ចេញ​ក្បាច់​«ផ្កាប់​ចាន» នៃ​សន្ទុះ​ជើង​ឥត​មេត្តា

ក្រុមបាល់ទាត់អ៊ីតាលី «Inter Milan» ដែលមានពិន្ទុខ្ពស់ជាងគេ នៅក្នុងការប្រកួតជើងឯងបូកពិន្ទុ នៅ​ក្នុង​ក្របខណ្ឌ «Serie A» ទំនងជាមិនសប្បាយចិត្ត និងបរាជ័យរបស់ខ្លួន កាលពីថ្ងៃអាទិត្យ ជាមួយនឹងក្រុម «Lazio» នោះ​ទេ ទើប​កីឡាករ​ម្នាក់ របស់ក្រុមនេះ បានទប់សន្ធឹកជើង មហាកម្លាំងរបស់ខ្លួនលែងបាន ដោយបាន​បញ្ចេញ​ក្បាច់ «ផ្កាប់​ចាន» មួយ​ដ៏​ខ្លាំង​ក្លា បណ្ដាលឲ្យ​គូ​ប្រកួត​ដួល និងរងរបួសជាដំណំ។
កីឡាករ «Felipe Melo» បានប្រើជើងលើកឡើង នៅកំពស់ស្មើនឹងមុខរបស់កីឡាករ «Lucas Biglia» ដើម្បីទាត់បាល់។
Loading...
  • ដោយ: ជ័យវិបុល អត្ថបទ ៖ ជ័យវិបុល ([email protected]) - ប៉ារីស ថ្ងៃទី២០ ធ្នូ ២០១៥
  • កែប្រែចុងក្រោយ: December 23, 2015
  • ប្រធានបទ: បាល់ទាត់
  • អត្ថបទ: មានបញ្ហា?
  • មតិ-យោបល់

ជាធម្មតា នៅក្នុងច្បាប់បាល់ទាត់ គេមិនឲ្យប្រើសន្ធឹកជើង នៅក្នុងក្បាច់គុន ឬក្បាច់«ការ៉ាតេ»​ ដើម្បីមកទាត់​បាល់​មូលតូចមួយ ដូច្នេះឡើយ។ តែកីឡាករ «Felipe Melo» របស់ក្រុម «Inter Milan» ដែលបាន​ប្រកួត​ចាញ់ ទល់នឹងក្រុម «Lazio» ក្នុងការប្រកួតបូកពិន្ទុ រើសយកជើងឯក «Serie A» ទំនងជាបានភ្លេចគិត ពីច្បាប់​បាល់​ទាត់ ហើយខំពឺតយកតែមួយឈ្នះ។

កីឡាករ «Felipe Melo» ដែលមានដើមកំណើត ពីប្រទេសប្រស៊ីល បានដណ្ដើមបាល់ ដែលកំពុងលោតខ្ពស់ ជាមួយនឹងគូប្រកួតខ្លួន ដោយបានប្រើជើងលើកឡើង នៅកំពស់ស្មើនឹងមុខរបស់កីឡាករ «Lucas Biglia»។ សំណាង​ល្អ ដែលសន្ធឹកជើងដ៏ខ្ពស់នេះ បានយារទៅប៉ះ ត្រឹមស្មាររបស់កីឡាករគូប្រកួត ដែលមាន​ដើម​កំណើត ពីប្រទេសអាហ្សង់ទីន តែក៏បានបង្កឲ្យកីឡាករដួលចុះ នៅលើដីមួយសន្ទុះ។

ជាលទ្ធផល ទល់នឹងការប្រើក្បាច់ផ្កាប់ចាននេះ កីឡាករជាតិប្រេស៊ីល ដែលកំពុងទាត់ឲ្យក្រុម «Inter Milan» ត្រូវបានអាជ្ញាកណ្ដាលជូនកាតក្រហមមួយ ដើម្បីបណ្ដេញចេញពីការប្រកួត។ កាតក្រហម ដែលមាន​សុពលភាព ក្នុងការហាមឃាត់កីឡាកររូបនេះ មិនឲ្យចូលរួម សម្រាប់ការប្រកួត​លើកក្រោយម្ដងទៀត នៅ​ក្នុង​ក្រប​ខណ្ឌ «Serie A» ដូចគ្នា។

ប៉ុន្តែបើគេពិនិត្យមើល ទៅលើសន្ធឹកជើងរបស់កីឡាករ «Felipe Melo» វាធ្វើឲ្យគេនឹកឃើញឡើងវិញ ពី​សន្ធឹក​ជើង របស់កីឡាករប្រដាល់ «Andy Hug» ជាតិស្វីស ដែលតែងប្រកួតឈ្នះ នៅក្នុងទសវត្សន៍ឆ្នាំ៩០ ដោយ​សារ​ការ​ប្រើក្បាច់ លើកជើងទាត់ផ្កាប់ចានដូច្នេះ។ សូមទស្សនា នូវរូបភាពអតីតកាល​របស់កីឡាករ​ប្រដាល់​នេះ ដូចតទៅ៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...