មក​ពី​ធ្វើការ​គ្មាន​មនុស្ស​នៅ​ផ្ទះ ចង​ក ធ្វើ​អត្តឃាត​ក្នុង​ផ្ទះ​បាយ

បុរសម្នាក់សម្រេចចងក សម្លាប់ខ្លួន ខណៈចេញពីធ្វើការ ទៅដល់ផ្ទះ មិនឃើញមាន​មនុស្ស​នៅ។ ម្តាយ​ក្មេក​របស់​បុរស​រង​គ្រោះ បាន​ឲ្យ​ដឹង​ថា គាត់​នៅ​ផ្ទះ តែ​មិនបានឃើញ ចំណែកកូនស្រីគាត់ និងចៅទៅធ្វើការ និងទៅសាលារៀន។ ស្ត្រី​ចំណាស់​មិន​បាន​ដឹង​ថា ហេតុអ្វី​កូនប្រសារ​គាត់ ធ្វើអត្តឃាត​ខ្លួន​បែប​នេះ​ទេ។
Loading...
  • ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញថ្ងៃទី ០៥ វិច្ឆិកា ២០១៥
  • កែប្រែចុងក្រោយ: November 07, 2015
  • ប្រធានបទ: អត្តឃាត
  • អត្ថបទ: មានបញ្ហា?
  • មតិ-យោបល់

បុរសធ្វើអត្តឃាត ដោយចងក ទាំងមិនដឹងមូលហេតុរូបនេះ ឈ្មោះ សោម បឿន អាយុ៣៨ឆ្នាំ ធ្វើការនៅឡ​នំប៉័ងមួយ ក្បែរផ្ទះ។ សព្វថ្ងៃ ជនរងគ្រោះមានប្រពន្ធឈ្មោះ ស៊ុំ សំអាត ជាកម្មការនីរោងចក្រ និងមាន​កូន​ប្រុស​ពីរនាក់ ជាមួយលោក សោម បឿន។

ស្រ្តីជាម្តាយក្មេក របស់ជនរងគ្រោះ បានឲ្យដឹងងថា នៅមុនពេលកើតហេតុ ថ្ងៃទី០៤ ខែវិច្ឆិកានេះ មាន​អ្នក​ជិតខាង​ឃើញកូនប្រសារអ្នកស្រី ចេញពីធ្វើការត្រឡប់មកផ្ទះ ដូចសព្វមួយដង។

លុះទៅដល់ផ្ទះ មិនឃើញមានអ្នកណាម្នាក់នៅផ្ទះ លោក សោម បឿន បានឱកាស ក៏សម្រេចយកខ្សែ នីឡុង​ពណ៍ស មកចងកសម្លាប់ខ្លួន នៅក្នុងផ្ទះបាយ។ ពេលអ្នកស្រីជាម្ដាយក្មេក ត្រឡប់មកពីខាងក្រៅវិញ នៅ​ម៉ោង​១៤ និង៥០នាទី រសៀលថ្ងៃដដែល ទៅបើកទ្វារផ្ទះបាយ ទើបមានការភ្ញាក់ផ្អើល ដោយឃើញកូន​ប្រសារ​អ្នកស្រី ព្យួរកពីដំបូលផ្ទះបាយ។

ក្រោយពីហេតុការណ៍ភ្លាមៗ អ្នកស្រីគិតថា កូនប្រសារនៅ មិនទាន់ស្លាប់នោះទេ បានព្យាយាមហៅ​អ្នក​ជិត​ខាង ក្នុងភូមិទួលកី សង្កាត់ភ្លើងឆេះរទេះ ខណ្ឌពោធិ៍សែនជ័យ ឲ្យជួយទម្លាក់ (កូនប្រុស) ហើយប្រញាប់​ប្រញាល់ យកទៅមន្ទីរពេទ្យ។ តែអ្វីៗ ដែលមិនអាចត្រឡប់ក្រោយវិញបានឡើយ ព្រោះកូនប្រសារអ្នកស្រី បានបាត់បង់ជីវិតទៅហើយ។

ភ្លាមៗនោះ អ្នកភូមិផ្អើលឆោឡោ ធ្វើឲ្យដំណឹងនេះ ឮទៅដល់សមត្ថកិច្ចមូលដ្ឋាន ចុះធ្វើការ ពិនិត្យ​សាក​សព។ លទ្ធផលកោសល្យវិច័យ បានបញ្ជាក់ថា ជនរងគ្រោះស្លាប់ ដោយសារធ្វើអត្តឃាតខ្លួន នឹងខ្សែ​នីឡុង។

សមត្ថកិច្ច និងក្រុមគ្រួសារនៃសព នៅមិនទាន់ដឹងច្បាស់ ពីមូលហេតុ នៃការធ្វើអត្តឃាតខ្លូននេះទេ។ បច្ចុប្បន្ន​សមត្ថកិច្ច ដែលចុះធ្វើអន្តរាគមន៍ នៅផ្ទះកើតហេតុ បានប្រគល់សាកសព ឲ្យទៅសាច់ញាតិ ដើម្បីយកទៅ​ធ្វើ​បុណ្យ តាមប្រពៃណី នៅក្នុងភូមិសង្កាត់ខាងលើ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...