ហេង សំរិន៖ ដក​តំណែង កឹម សុខា តាម​ញត្តិ​តំណាង​រាស្រ្ត​៦៣​រូប

របៀបវារៈថ្មី ដែលត្រូវបានរដ្ឋសភា លើកយកមកពិភាក្សា និងអនុម័តភ្លាមៗនោះ គឺការ«ដកតំណែង របស់លោក កឹម សុខា ពីអនុប្រធានទីមួយ នៃរដ្ឋសភា»។ ប្រធានសភាអះអាងថា ការដកតំណែងនេះ ដោយយោង លើ«ញត្តិ» នៃ​អ្នក​តំណាងរាស្រ្តចំនួន៦៣រូប។
Loading...
  • ដោយ: អ៊ុម វ៉ារី អត្ថបទ ៖ អ៊ុម វ៉ារី ([email protected]) - យកការណ៍៖ស្រ៊ុន ទិត្យ -ភ្នំពេញថ្ងៃទី៣០ តុលា ២០១៥
  • កែប្រែចុងក្រោយ: October 30, 2015
  • ប្រធានបទ:
  • អត្ថបទ: មានបញ្ហា?
  • មតិ-យោបល់

អង្គកិច្ចប្រជុំសភាពេញអង្គ ដែលមានវត្តមាន នៃអ្នកតំណាងរាស្រ្ត៦៨រូប មកពីគណបក្សប្រជាជនកម្ពុជា បាន«ស្រុះស្រួលគ្នាជាឯកច្ឆ័យ» ក្នុងការទម្លាក់លោក កឹម សុខា ពីតំណែងអនុប្រធានទីមួយនៃរដ្ឋសភា នៅព្រឹកថ្ងៃទី៣០ ខែតុលា ឆ្នាំ២០១៥នេះ។

តាមសកម្មភាព នៃកិច្ចប្រជុំពេញអង្គ ពាក់ព័ន្ធនឹងការដកតំណែងលោក កឹម សុខា តាមរយៈការបោះឆ្នោត​នោះ ត្រូវទទួលបានលទ្ធផល នៃសម្លេងគាំទ្រឲ្យទម្លាក់លោក កឹម សុខា ៦៨ លើ ៦៨ សម្លេង។ សម្លេង​សំខាន់ៗ ក្នុងការបោះឆ្នោត គាំទ្រទម្លាក់លោក កឹម សុខា នោះរួមមាន លោកនាយករដ្ឋមន្រ្តី ហ៊ុន សែន, ប្រធានរដ្ឋសភាលោក ហេង សំរិន, អនុប្រធានទីមួយ នៃរដ្ឋសភាលោក ង៉ួន ញិល, រដ្ឋមន្រ្តីក្រសួង​មហាផ្ទៃ និង​ជាប្រធានក្រុមតំណាងរាស្រ្ត មតិភាគច្រើនក្នុងរដ្ឋសភា លោក ស ខេង។

ក្នុងកិច្ចប្រជុំពេញអង្គនេះ ប្រធានរដ្ឋសភា លោក ហេង សំរិន បានលើកឡើងថា៖ «ការបោះឆ្នោតដកតំណែង អនុប្រធានទីមួយនៃរដ្ឋសភា ពីឯកឧត្តម កឹម សុខា យោងលើញត្តិ របស់ឯកឧត្តមបណ្ឌិត ប៉ែន បញ្ញា និង​ឯកឧត្តម​បណ្ឌិតរដ្ឋ ជាម យៀប តំណាងក្រុមតំណាងរាស្រ្ត ហត្ថលេខីចំនួន៦៣រូប ចុះថ្ងៃទី២៨ ខែតុលា ឆ្នាំ​២០១៥។ យោងតាមការសម្រេច របស់គណៈកម្មការអចិន្ត្រៃយ៍ នៃរដ្ឋសភា កាលពីថ្ងៃសុក្រ ទី៣០ ខែតុលា ឆ្នាំ២០១៥។»

សូមទស្សនាជាវីដេអូ នៃកិច្ចប្រជុំពេញអង្គ នៃរដ្ឋសភាស ក្នុងការម្រេចដកតំណែងលោក កឹម សុខា ដូចខាង​ក្រោម៖


Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...