ប្លន់​ផ្ទះ​វេរ​លុយ​រួច ចោរ​បិទ​មុខ​បាន​គេច​ខ្លួន​ដោយ​សុវត្ថិភាព

ចោមួយក្រុមបិតមុខជិត មានគ្នាពីរនាក់ បានធ្វើសកម្មភាពប្លន់ផ្ទះវេរលុយវេង យ៉ាងគឃ្លើននៅខេត្តបាត់ដំបងបាន សម្រេចដោយគ្មានឧបសគ្គ នៅក្នុងភូមិកាឡោមភ្លុក ឃុំព្រៃស្វាយ ស្រុកមោងឬស្សី ខេត្តបាត់ដំបង។
Loading...
  • ដោយ: អ៊ុម វ៉ារី អត្ថបទ៖ ក. ស្រីនាង ([email protected]) - យកការណ៍ ៖ ហេង វុទ្ធី - ភ្នំពេញថ្ងៃទី ២៩ កញ្ញា ២០១៥
  • កែប្រែចុងក្រោយ: October 08, 2015
  • ប្រធានបទ: បទល្មើស
  • អត្ថបទ: មានបញ្ហា?
  • មតិ-យោបល់

តាមសេចក្ដីរាយការណ៍ ពីខេត្តបាត់ដំបង បានឲ្យដឹងថា ករណីប្លន់ប្រដាប់អាវុធនេះ បានកើតឡើង នៅ​វេលា​ម៉ោង​ ១៧ និង០៥ នាទីល្ងាចថ្ងៃទី២៨ ខែកញ្ញា ​ឆ្នាំ​​ ២០១៥ ស្ថិតនៅក្នុងភូមិ កាឡោមភ្លុក ឃុំព្រៃស្វាយ ស្រុក​មោងឬស្សី ខេត្តបាត់ដំបង​ បណ្តាលឲ្យបុរសជាម្ចាស់ផ្ទះ រងរបួសបែកក្បាលពីក្រោយ។

តាមសម្តីរបស់មន្ត្រីសមត្ថកិច្ច ស្រុកមោងឬស្សី បានឲ្យដឹងថា ផ្ទះដែលត្រូវចោប្លន់នេះ បើកលក់សាច់ឆ្កែ និង​ទើប​តែបើកវេរលុយ បានរយះពេលបួនថ្ងៃប៉ុណ្ណោះ។ មន្ត្រីរូបនោះបានបន្តទៀតថា ជនរងគ្រោះជាប្តី​មាន​ឈ្មោះ រដ្ឋ​ ធី មានអាយុ ៣៥ ឆ្នាំមុខរបរជាអ្នកលក់សាច់ឆ្កែ និងវេរលុយ ត្រូវក្រុមចោរវាយ​បែកក្បាលពីក្រោយ។ ចំណែក​ប្រពន្ធ​មានឈ្មោះ រ៉ែម ម៉ារ៉ា មានវ័យ ៣៥ ឆ្នាំ រស់នៅក្នងភូមិឃុំខាងលើ។

នៅពេលកំពុងធ្វើសកម្មភាពប្លន់នេះ ក្រុមសមត្ថកិច្ច បានចុះទៅអន្តរាគមន៍ ទាន់ពេលដែរ តែមិនហ៊ានបាញ់ ព្រោះ​ខ្លាចត្រូវម្ចាស់ផ្ទះ។ ម្យ៉ាងទៀតចោរទាំងពីរ មានកាំភ្លើងទាំងពីរ (កាំភ្លើងខ្លីមួយ និងអាកាមួយដើម) បាន​ត្រឹម​បាញ់បង្អើលចោរ២ ទៅ៣ គ្រាប់ឲ្យរត់ប៉ុណ្ណោះ។ ក្រោយពេលប្លន់រួច ក្រុមចោរនោះបានគេចខ្លួន បាត់​ដោយ​សុវត្ថិភាព។ ចំពោះទ្រព្យសម្បត្តិ ដែលបាត់បង់រួមមានប្រាក់រៀលចំនួន ១ ៥០០ ០០០រៀល​ ប្រាក់បាត ១​ ម៉ឺន​បាត និង​ លុយដុល្លារ ២០០ ដុល្លារ។

បច្ចុប្បន្ននេះ កម្លាំងសមត្ថកិច្ច កំពុងតាម​ប្រមាញ់ជនសង្ស័យ តែមិនទាន់ឃាត់ខ្លួន ជនសង្ស័យណាម្នាក់បាន ​នៅ​ឡើយ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...