CPP និង​CNRP ពន្យល់​ពី​«យុវជន​សកម្ម និង​សកម្មភាព​យុវជន»

តំណាងគណបក្សប្រជាជនកម្ពុជា បានបង្ហាញនូវទស្សនៈថា យុវជនសកម្មត្រូវតែស្តែងឡើង តាម​រយៈ​សកម្មភាព មិន​មែន​តាម​ចំណារ ក្នុងក្រដាសនោះឡើយ។ ឯតំណាងគណបក្សសង្គ្រោះជាតិវិញ បានលើក​ឡើង​ថា លុះ​ត្រា​យុវជន​ទាំង​អស់ យល់​ដឹង​ពី​សង្គម​ពិត ទើបអាចក្លាយ ជា«យុវជនសកម្ម»បាន។
Loading...
  • ដោយ: អ៊ុម វ៉ារី អត្ថបទ ៖ អ៊ុម វ៉ារី ([email protected]) - យកការណ៍៖ស្រ៊ុន ទិត្យ -ភ្នំពេញថ្ងៃទី២១ កញ្ញា ២០១៥
  • កែប្រែចុងក្រោយ: September 24, 2015
  • ប្រធានបទ: អប់រំ
  • អត្ថបទ: មានបញ្ហា?
  • មតិ-យោបល់

តំណាងគណបក្សប្រជាជនកម្ពុជា អ្នកស្រី គឹម សេដ្ឋានី និងជារដ្ឋលេខាធិការ ក្រសួងអប់រំ យុវជន និងកីឡា បាន​លើកឡើងថា យុវជនម្នាក់ ឬច្រើននាក់ ដើម្បីក្លាយជាយុវជនសកម្មបាន ត្រូវបង្ហាញនូវសកម្មភាពជាក់ស្តែង ដែល​មិនមែនជាការចំណារតតឬ ក្នុងក្រដាសនោះឡើយ។ អ្នកស្រីបានបន្តថា យ៉ាងទៀតយុវជនសកម្មទាំងនោះ មិនអាចពឹងផ្អែក តែលើការបណ្តុះបណ្តាល របស់ក្រសួងអប់រំ តែម្នាក់ឯងនោះដែរ ត្រូវមានការជ្រោមជ្រែង តាម​យុទ្ធសាស្រ្ត និងយន្តការរបស់រដ្ឋាភិបាល ដែលមានការចូលរួម ពីគ្រប់ស្ថាប័ន្ធពាក់ព័ន្ធ គួបផ្សំនឹងការប្រឹង​ប្រែង ដោយយុវជនខ្លួនឯងថែមទៀង។

អ្នកស្រី សេដ្ឋានី បានលើកឡើងថា បច្ចុប្បន្ននេះ រដ្ឋាភិបាលកំពុងដាក់ចេញ នូងផែនការ«គោលនយោបាយ អភិវឌ្ឍន៍​យុវជន» ធ្វើយ៉ាងណា ដើម្បីឲ្យយុវជនទាំងនោះ ក្លាយជាយុវជនដ៏សកម្មពិតប្រាកដ។ អ្នកស្រីបាន​ថ្លែងទៀតថា៖ «មានគោលនយោបាយអភិវឌ្ឍន៍យុវជនហើយ... វាគ្រាន់តែជាក្រដាស វាត្រូវមានយន្តការ អនុវត្ត​គោលនយោបាយ វាត្រូវមានផែនការសកម្មភាព ជាក់លាក់ថា តើការអនុវត្តគោលនយោបាយនោះ ត្រូវ​ធ្វើ​ដូចម្តេច​ខ្លះ ដើម្បីឲ្យសម្រេចគោលនយោបាយ? ត្រូវធ្វើអ្វីខ្លះ ធ្វើដោយពិធីណា និងនៅពេលណា?។ (...) យើង​មាន​ព្រះរាជក្រិត្យ បង្កើតក្រុមប្រឹក្សាអភិវឌ្ឍន៍យុវជនហើយ ដែលដឹកនាំដោយសម្តេចនាយក (ហ៊ុន សែន) និង​ស្ថាប័ន​ពាក់ព័ន្ធ។»

សូមស្តាប់ការបកស្រាយទាំងស្រុង របស់អ្នកស្រី គឹម សេដ្ឋានី៖

សម្រាប់លោក យ៉ែម ប៉ុញ្ញារិទ្ធិ តំណាងមកពីគណបក្សសង្គ្រោះជាតិវិញ បានលើកឡើងថា កិច្ចអភិវឌ្ឈន៍យុវជន ចាំបាច់ត្រូវពឹងផ្អែក លើចំណេះដឹងនៃយុវជន ខណៈយុវជនទាំងនោះ បានដឹងពីភាពពិតនៃសង្គម តាមរយៈ​ការ​ផ្សាយ នូវព័ត៌មានពិតដោយរដ្ឋាភិបាល ឬស្ថាប័ន្ធដែលពាក់ព័ន្ធ។ លោកបានបន្ថែមថា ក្រោយទទួលបាន​ព័ត៌មាន​ពិតទាំងនោះ យុវជនបន្តចូលរួមធ្វើការផ្សព្វផ្សាយ នូវព័ត៌មានទាំងនោះ ឲ្យកាន់តែទូលំទូលាយ ដើម្បីរួម​ចំណែក​ក្នុងការស្តារ និងស្ថាបនាសង្គម និងប្រទេសជាតិមួយ ដោយឆន្ទះពិតប្រាកដរបស់ខ្លួន។ លោកលើកឡើងថា យុវជនទាំងអស់ ត្រូវទទួលការយកចិត្តទុកដាក់ ពីក្រសួងអប់រំជាពិសេស ហើយក្រសួងនេះ ត្រូវបោះ​ជំហាន​តាំង​ពីយុវជននោះ នៅថ្នាក់មត្តេយ្យ ថ្នាក់បឋម និងរហូតដល់ថ្នាក់មធ្យមសិក្សាជាដើម។

លោក បុញ្ញឫទ្ធិ បន្តថា រដ្ឋាភិបាលត្រូវធ្វើយ៉ាងម៉េច ឲ្យយុវជនទាំងអស់ខិតខំរៀនសូត្រ ពិសេសស្រលាញ់ នូវការ​«អាន» ព្រោះតែយុវជនភាពច្រើន នាពេលបច្ចុប្បន្ននេះ មិនសូវចូលចិត្តការអានឡើយ។ លោកបានថ្លែង​ឡើង​ថា៖ «ជម្រុញទឹកចិត្តឲ្យមានការអាន និងការស្រលាញ់ការសិក្សា តាមរយៈការធ្វើកំណែទម្រង់។ (...) ការ​កែ​ទម្រង់ ដែលគ្រាន់តែនិយាយនឹងមាត់ វាជាការងាយ តែការអនុវត្ត យើងត្រូវការមធ្យោបាយច្រើនណាស់។ (...) កំណែទម្រង់រដ្ឋបាលសាធារណៈ ជាកំណែទម្រង់មួយដ៏ធំ។»

សូមស្តាប់ការបកស្រាយទាំងស្រុង របស់លោក យ៉ែម បុញ្ញឫទ្ធិ៖

ដោយឡែក មន្រ្តីមកពីអង្គការសង្គមស៊ីវិលឯណោះ បានបង្ហាញនូវការយល់ឃើញ របស់ខ្លួនថា តាមរយៈការ​សម្លឹងមើល នៃការគ្រប់គ្រងរដ្ឋនេះ បានបង្ហាញឲ្យឃើញ នូវគម្លាតអ្នកនយោបាយ ជាមួយប្រជាពលរដ្ឋ ពិសេស​យុវជននេះ នៅឆ្ងាយពីគ្នានៅឡើយ។ លោក ជាង សុខា នាយកប្រតិបត្តិ នៃអង្គការអភិវឌ្ឍន៍ធនធានយុវជន បាន​ពន្យល់ថា គម្លាតនៃយុវជន នឹងនយោបាយនេះ ត្រូវបានបែបចែកក្រោមមូលហេតុបីយ៉ាង ទីមួយ អ្នក​នយោបាយ មិនបាននៅជិតនឹងពលរដ្ឋ បានគ្រប់ពេល។ ទីពីរ អ្នកនយោបាយ (មន្រ្តីកាន់អំណាច) តែង​បន្លាច​ពលរដ្ឋ តាមរយៈពាក្យថា«នយោបាយ» បង្កឲ្យមានការភ័យខ្លាច រអាមិនហ៊ានពាក់ព័ន្ធនឹងនយោបាយ។ និង​ទីបី យុវជនជាអ្នកកបន្តវេន ខាង«នយោបាយ» តែយុវជនទាំងនោះ បែរជានៅឆ្ងាយពីនយោបាយទៅវិញ ដែល​វា​មិន​ស្របតាមពាក្យស្លោកថា «យុវជនជាទំពាំងស្នងឬស្សី»។

លោក សុខា បានលើកឧទាហរណ៍ថា អ្នកនយោបាយមើលឃើញ ប្រជាពលរដ្ឋឬយុវជន ឬអ្នកនយោបាយ​ទាំង​នោះ ទម្លាក់ខ្លួនមកទាបជិតនឹងពលរដ្ឋ ខណៈខ្លួនត្រូវការប្រជាពលរដ្ឋ ពិសេសយុវជនឲ្យគាំទ្រ តែ​«នយោបាយ» ដែលខ្លួនកំពុង នឹងត្រូវការប៉ុណ្ណោះ។ ដូចជាអំឡុងពេលឃោសនាបោះឆ្នោត និងពេលបោះឆ្នោត​ជា​ដើម។ លោក​បានថ្លែងឲ្យដឹងថា៖ «យុវជនជាអ្នកបន្តវេន .... តែកន្លងមកនេះ យុវជនហាក់ដូចជានៅរាយប៉ាយ ក្នុងស្ថានភាព​មួយ ដែលមិនបានឆ្លុះបញ្ជាំង ជាមួយនឹងគំនិតនៃអ្នកនយោបាយ ដែលតែងលើកឡើងថា យុវជនជា​ទំពាំង​ស្នង​ឬស្សី ឬយុវជនជាកម្លាំងសំខាន់ នៃការផ្លាស់ប្តូរ។»

សូមស្តាប់ការបកស្រាយទាំងស្រុង របស់លោក ជាង សុខា៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...