ស្រវឹង បើក​បរ​បុក​រនាំង​ចែក​ផ្លូវ ក្រឡាប់​​រថយន្ត​​កណ្តាល​​ផ្លូវ

បុរសម្នាក់បើកឡានទាំងស្រវឹងជោក តាមបណ្តោយផ្លូវ២៧១ ត្រង់ចំណុចជិតមន្ទីពេទ្យរុស្ស៊ី បានបុករនាំងដែកចែកផ្លូវ អស់០៤ផ្ទាំង បណ្តាលឲ្យឡានក្រឡាប់ មកចំហៀងខ្លួនតែម្តង។ ហេតុការណ៍នេះ មិនបណ្ដាលឲ្យគ្រោះថ្នាក់ ដល់អាយុជីវិតមនុស្សទេ។
Loading...
  • ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញថ្ងៃទី ១៧កញ្ញា ២០១៥
  • កែប្រែចុងក្រោយ: September 23, 2015
  • ប្រធានបទ: ចរាចរណ៍
  • អត្ថបទ: មានបញ្ហា?
  • មតិ-យោបល់

សាក្សីនៅកន្លែងកើតហេតុ បានឲ្យដឹងថា ដំបូងគេឃើញឡានខាងលើ បើកក្នុងទិសដៅ ពីជើងទៅត្បួង តាម​បណ្តោយផ្លូវ២៧១ ក្នុងសង្កាត់ទំនប់ទឹក ខណ្ឌចំកាrមន រាជធានីភ្នំពេញ ទាំងសភាពរេរាពេញផ្លូវ។ ពេលមក​ដល់កន្លែងកើតហេតុ ជិតពេទ្យរ៉ូស្ស៊ី ស្រាប់តែឡានបានរេចង្កូត ទៅបុករនាំងចែកផ្លូវពេញទំហឹង ខូចខាត​អស់​០៤ផ្ទាំង។ ចំណែកឡាន បានក្រឡាប់ផ្អៀង មកចំហៀងខ្លួន នៅកន្លែងកើតហេតុ។

សាក្សីបន្តទៀតថា ក្រោយពេលកើតហេតុ គេឃើញបុរសម្ចាស់ឡាន ដែលមិនស្គាល់អត្តសញ្ញាណ បើកទ្វារ​ឡានចេញ ដើរតម្រង់ទៅរកម៉ូតូឌុប ជិះចេញទៅបាត់ស្រមោល ចោលឡាន នៅផ្អៀងកណ្តាលផ្លូវទាំងយប់ គ្មានអ្នកទទួលខុសត្រូវ។ ប្រភពបន្ថែមដែរថា ឡាននេះប្រភេទ ឡេនរ៉ូវើ (LAND ROVER) ពណ៍ខ្មៅ ស្លាក​លេខ ភ្នំពេញ ២W-២៧២៣។

កន្លះម៉ោងក្រោយពេលកើតហេតុ គេឃើញមន្រ្តីចររាចណ៍ផ្លូវគោក រាជធានីភ្នំពេញ បានចុះមកធ្វើអន្តរាគមន៍ រៀបចំសណ្តាប់ធ្នាប់ និងដាក់រនាំងដែក ជាធម្មតាវិញ រួចធ្វើការស្ទួច យកឡានបង្កគ្រោះនេះ ទៅកាន់​ការិយាល័យ​ចររាចរណ៍ផ្លូវគោក ដើម្បីរក្សាទុក។ ទម្រាំធ្វើកាស្ទួចរថយន្តរួច គេត្រូវរង់ចាំ រហូតដល់ម៉ោង ប្រមាណ​ជា២៤យប់ រំលងអាធ្រាត ថ្ងៃទី១៥ ឈានចូលថ្ងៃទី១៦ ខែកញ្ញាឆ្នាំ២០១៥៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...