ហេតុការណ៍គ្រោះថ្នាក់ ត្រង់ចំណុចម្តុំកន្លែងលក់បរបរស នៅតាមបណ្តោយផ្លូវព្រះមុន្នីវង្ស ក្នុងសង្កាត់​បឹង​កេង​កងទី១ ខណ្ឌចំកាមន រាជធានីភ្នំពេញនេះ បានកើតឡើង នៅវេលាម៉ោង ប្រមាណ៤ និង៣០ នាទីទៀបភ្លឺ ថ្ងៃ​ទី១៤ ខែកញ្ញា ឆ្នាំ២០១៥។ ឡានបង្កហេត ធុន ហាយឡិនដឺ ពណ៍ខ្មៅ ស្លាកលេខភ្នំពេញ ២M-៦៤៤៥ ត្រូវ​បាន​បើកបរ ដោយបុរសម្នាក់ មិនស្គាល់អត្តសញ្ញាណ ក្នុងល្បឿនលឿន ពីត្បួងទៅជើង តាមមហាវិថីខាងលើ។ លុះ​មកដល់ចំណុចនេះ ក៏បានរេចង្កូត ទៅបុករះរនាំងដែកចែកផ្លូវ ដួលអស់ចំនួន៥ផ្ទាំង ពេញទំហឹង។

អ្នកឃើញហេតុការណ៍ បានឲ្យដឹងថា នៅពេលឡានបង្កខាងលើ ជ្រុលទៅបុករនាំងដែករួច មិនបានឈប់​ភ្លាមៗ​នោះទេ តែបានព្យាយាម បន្តដំណើរទៅទៀត ទាំងភាពស្រវឹង ហើយថែមទាំងបើកយ៉ាងលឿន ហាក់​ខ្លាច​មាន​អ្នក​ដេញទាន់។

មិនខុសទេ ព្រោះបន្ទាប់ពីនោះបានបន្តិច ក្រុមសមត្ថកិច្ចខណ្ឌចំការមន បានដេញតាម យ៉ាងប្រកិត​ជាប់ពី​ក្រោយ។ លុះបានមួយកំណាត់ផ្លូវ ជនស្រវឹងបើកឡានឃើញថា មិនឈ្នះល្បឿនសម្ថកិច្ច ក៏បានចតឡាន​ចោល នៅកៀនផ្លូវ ហើយរត់គេចខ្លូន​បាត់ស្រមោល។ ក្រុមមន្រ្តីសមត្ថកិច្ចខណ្ឌ សហការជាមួយចរារណ៍​ផ្លូវ​គោក រាជធានីភ្នំពេញ បានស្ទូចយកឡានខាងលើ ទៅរក្សាទុក នៅចររាចរណ៍រាជធានី ដើម្បីរង់ចាំម្ចាស់ទៅ​ដោះ​ស្រាយ នៅពេលក្រោយ៕