ឈាង វុន ធ្វើ​សន្និសីទ​សារព័ត៌មាន ខុស​ប្រធាន​បទ (vdo)

និយាយទៅ លោក ឈាង វុន បានអញ្ជើញអ្នកសារព័ត៌មាន ឲ្យមកស្តាប់រឿងនិទាន របស់លោកទៅវិញទេ ដែល​ខុស​ពី​ប្រធានបទ ដែលរូបលោកត្រូវបកស្រាយ ទាក់ទងនឹងសមាជិកព្រឹទ្ធសភា មកពីគណបក្សសម រង្ស៊ី រឿង​ក្លែង​បន្លំ​ឯកសារ នៃ​សន្ធិសញ្ញា កម្ពុជា-វៀតណាម ឆ្នាំ១៩៧៩។
Loading...
  • ដោយ: អ៊ុម វ៉ារី អត្ថបទ៖ អ៊ុម វ៉ារី ([email protected]) - យកការណ៍៖ ស្រ៊ុន ទិត្យ - ភ្នំពេញថ្ងៃទី១៤ សីហា ២០១៥
  • កែប្រែចុងក្រោយ: August 14, 2015
  • ប្រធានបទ: ពីនេះពីនោះ
  • អត្ថបទ: មានបញ្ហា?
  • មតិ-យោបល់

ក្នុងសន្និសីទសារព័ត៌មាន រសៀលថ្ងៃទី១៣ ខែសីហា ឆ្នាំ២០១៥ នាវិមានរដ្ឋសភាជាតិ លោក ឈាង វុន អ្នក​នាំពាក្យ និងជាប្រធានគណៈកម្មការទី៥ នៃរដ្ឋសភា មិនបានឆ្លើយតប ទាក់ទងនឹងសំនួរអ្នកសារព័ត៌មាន ទាក់​ទងនឹងប្រធានបទ នៃសន្និសីទរបស់លោក ពិសេសទាក់ទង នឹងសមាជិកព្រឹទ្ធសភា មកពិគណបក្សសម រង្ស៊ី ដែលលោក ឈាង វុន បានគ្រោងនិយាយនោះឡើយ។

នៅមុនសន្និសីទសារព័ត៌មានចាប់ផ្តើម ភ្នាក់ងារអ្នកយកព័ត៌មាន របស់ទស្សនាវដ្តីមនោរម្យ.អាំងហ្វូ បាន​ឃើញ​លោក ឈាង វុន កំពុងនិយាយទូរស័ព្ទ តែមិនដឹងពិភាក្សា ពីរឿងអ្វី និងជាមួយនរណាឡើយ ដោយគ្រាន់តែ​បាន​លឺលោក ឈាង វុន និយាយត្រឹមពាក្យថា៖ «បាទសម្តេចៗ»។

បន្ទាប់មក អ្នកសារព័ត៌មាន បានឮសូរប្រសាសន៍លោក ឈាង វុន ដែលជាតំណាងរាស្រ្តមួយរូប (មណ្ឌល​បាត់ដំបង មកពីគណបក្សប្រជាជនកម្ពុជា) ផងនេះ បានថ្លែងបដិសេធថា លោកមិនមានសមត្ថកិច្ច ធ្វើការបក​ស្រាយ ក្នុងរឿងពាក់ព័ន្ធ នឹងសមាជិកព្រឹទ្ធិសភានោះឡើយ ដោយគ្រាន់តែបានវាយប្រហារ ដោយប្រយោល​យ៉ាងខ្លីថា តំណាងរាស្រ្តស្ទើរគ្រប់រូប មកពីគណបក្សសង្គ្រោះជាតិ មិនដែលទទួលស្គាល់កំហុសរបស់ខ្លួន ឬ​ទង្វើ​ដែលខ្លួនបានធ្វើខុសនោះទេ។

ការថ្លែងរបស់លោកខាងលើនេះ មានលក្ខណៈខុស ទៅនឹងសេចក្តីប្រកាសព័ត៌មាន របស់រដ្ឋសភា ដែល​បញ្ជាក់​ថាលោក ឈាង វុន នឹងធ្វើសន្និសីទសារព័ត៌មាន នៅវិមានរដ្ឋសភា ពាក់ព័ន្ធករណីលោក ហុង សុខហួរ សមាជិក​ព្រឹទ្ធសភា គណបក្សសម រង្ស៊ី ដែលបានក្លែងបន្លំ ឯកសារសន្ធិសញ្ញាកម្ពុជា-វៀតណាម។ ករណី​ដែល​មានបញ្ជាក់ ក្នុងសេចក្ដីប្រកាសនេះ ត្រូវបានលោក ឈាង វុន បិទចោល និងមិនឆ្លើយតមតាមអ្វី ដែល​អ្នក​សារព័ត៌មាន បានចោទសួរនោះឡើយ។ លោកថា ទាំងនោះជាការងារ របស់រដ្ឋាភិបាល និងក៏ជា​នីតិវិធី​របស់​ព្រឹទ្ធសភា ដែលត្រូវធ្វើការដោះស្រាយដែរ។

លោក ឈាង វុន បានថ្លែងខ្លះៗដែរ ទាក់ទងនឹងករណីលោក ហុង សុខហួរ ថា៖ «ខ្ញុំមិនមែនអ្នកច្បាប់ ខាង​តុលាការ​ឡើយ ខ្ញុំជាអ្នកធ្វើច្បាប់។ ខ្ញុំឆ្លើយមិនបានទេ ព្រោះការងារទាំងអស់នេះ ជាការងាររបស់ព្រឹទ្ធិសភា គេ​ហ្នឹងធ្វើកិច្ចការទាំងអស់នេះ។ (...) ខ្ញុំមិនដឹងទេ ព្រោះការងារទាំងអស់នេះ គេកំពុងដំណើរការទៅមុខ។»

ក្រោយមកទៀត អ្នកនាំពាក្យរដ្ឋសភាដ៏ល្បី បានសុំឲ្យអ្នកសារព័ត៌មាន ទទួលឯកភាពតាមយោបល់លោកថា៖ «ក្មួយៗ ដែលឮសមាជិក គណបក្សសង្គ្រោះជាតិមួយណា ដែលទទួលខុសត្រូវ នូវសកម្មភាពរបស់ខ្លួនទេ? ... ថាខ្ញុំ (ជាសមាជិកគណបក្សសង្គ្រោះជាតិ) ធ្វើខុសហើយ! ។ សូម្បីតែទទួលខុសរបស់ខ្លួន សូម្បី​តែធ្វើសំបុត្រ​ហើយ នៅតែនិយាយទៀតថា គេចោទប្រកាន់គាត់ហ្នឹងខុស។ អញ្ចឹងគណបក្សសង្គ្រោះជាតិ មិនដែលទទួល​ស្គាល់ ពីកំហុសរបស់ខ្លួនទេ។»៕


» ទស្សនាដំណកស្រង់មួយចំនួន ពីសន្និសីទសារព័ត៌មានរបស់លោក ឈាង វុន៖


Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...