សេចក្តី​ព្រាង​ច្បាប់ NGO ត្រូវ​បាន​ព្រឹទ្ធសភា «អនុម័ត»

ព្រឹទ្ធសភានៃប្រទេសកម្ពុជា បានអនុម័ត លើសេចក្តីព្រាងច្បាប់ សមាគម និងអង្គការក្រៅរដ្ឋាភិបាល ក្នុងសម្លេង៤៤ លើ៤៤ ដោយជោគជ័យ នៅព្រឹកថ្ងៃទី២៣ ខែកក្កដា ឆ្នាំ២០១៥នេះ។
Loading...
  • ដោយ: អ៊ុម វ៉ារី អត្ថបទ ៖ អ៊ុម វ៉ារី ([email protected]) - យកការណ៍៖ស្រ៊ុន ទិត្យ -ភ្នំពេញថ្ងៃទី២៤ កក្កដា ២០១៥
  • កែប្រែចុងក្រោយ: July 25, 2015
  • ប្រធានបទ: ច្បាប់ NGO
  • អត្ថបទ: មានបញ្ហា?
  • មតិ-យោបល់

សេចក្តីព្រាងច្បាប់ ស្ដីពីសមាគម និងអង្គការក្រៅរដ្ឋាភិបាល ដ៏ចម្រូងចម្រាស់ ត្រូវបានព្រឹទ្ធសភា នៃប្រទេស​កម្ពុជា អនុម័ត នាព្រឹកថ្ងៃទី២៤ ខែកក្កដា ឆ្នាំ២០១៥នេះ បន្ទាប់ពីអត្ថបទព្រាងច្បាប់មួយនេះ ត្រូវបាន​រដ្ឋសភា​អនុម័ត ក្រោមសម្លេង ៦៨ លើ៦៨ នៃសម្លេងតំណាងរាស្រ្ត មកពីគណបក្សកាន់អំណាចតែមួយ កាលពីថ្ងៃទី​១៣ ខែកក្កដា ឆ្នាំ២០១៥កន្លងមក។

បន្ទាប់ពីការអនុម័ត សេចក្ដីព្រាងច្បាប់នេះ របស់រដ្ឋសភានាពេលនោះ តំណាងរាស្រ្ត ខាងគណបក្សប្រឆាំង ដែលបានធ្វើពហិការ មិនចូលរួមក្នុងការអនុម័តច្បាប់​ បានធ្វើការបរិហារថា ច្បាប់ NGO នេះប្រៀបបាន ជាកូន​កើតមិនគ្រប់ខែ យ៉ាងដូច្នេះដែរ។

» សូមអានអត្ថបទឡើងវិញ ដោយចុចនៅលើទីនេះ និងទីនេះ

ការអនុម័៍តរបស់ព្រឹទ្ធសភា បានធ្វើឡើង ខណៈ សកម្មជនរបស់អង្គការ សមាគម សហគមន៍ ក្រុមយុវជន ព្រះ​សង្ឃ និងពលរដ្ឋមនួយចំនួន បានប្រមូលផ្តុំលើផ្លូវនរោត្តមខាងមុខ និងលើផ្លូវត្រសក់ផ្អែម ខាងក្រោយ​ព្រឹទ្ធសភា ដើម្បីទាមទាមិនឲ្យព្រឹទ្ធសភា យល់ព្រមអនុម័ត លើសេចក្តីព្តាងច្បាប់នោះ។ ក្រុមសកម្មជនទាំងនេះ បាន​ជួប​ភាព​បរាជ័យ នៅក្នុងការតវ៉ារបស់ពួកគេ ចំនួនពីរលើករួចមកហើយ នៅចំពោះរដ្ឋាភិបាល និងនៅ​ចំពោះ​រដ្ឋសភា ដើម្បីស្នើសុំឲ្យទម្លាក់ចោល នូវសេចក្តីព្រាងច្បាប់នេះ នាពេលកន្លងមក។

អតីតអ្នកច្បាប់ម្នាក់ និងជាចអតីតចៅក្រមមួយរូប បានលើកឡើង ចំពោះសេចក្តីព្រាងច្បាប់ខាងលើថា មិន​ស្រប​តាម ទម្រង់ និងគតិច្បាប់។ លោក ស សុវ៉ាន អតីតសាស្ត្រាចារ្យសាលាច្បាប់ បានធ្វើការចោទប្រកាន់ថា ច្បាប់នោះ ត្រូវបានរដ្ឋាភិបាលកម្ពុជា យកជនមិនចេះច្បាប់ ឲ្យមកធ្វើច្បាប់។

» សូមអានអត្ថបទដែលទាក់ទងឡើងវិញ ដោយចុចនៅលើទីនេះ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...