ករណីចុះបង្ក្រាប ក្រុមជនប្រព្រឹត្តិ ល្បែងស៊ីសងខាងលើ បានធ្វើឡើង តែក្នុងរយៈពេលខ្លីប៉ុណ្ណោះ គឺចាប់ពី​ម៉ោង៣ និង២០នាទី រហូតដល់ម៉ោង៣ និង៣០នាទី រសៀល ថ្ងៃទី ២៣ ខែកក្កដា ឆ្នាំ២០១៥ នៅក្នុងទីតាំង​ជល់មាន់ និងល្បែងអាប៉ោងមួយកន្លែង ក្នុងសង្កាត់គីឡួម៉ែត្រលេខ ៦ ខណ្ឌឬស្សីកែវ រាជធានីភ្នំពេញ។

អ្នកជិតខាងទីតាំងជល់មាន់ បានប្រាប់ឲ្យដឹងថា កន្លែងមួយនេះ មានអ្នកប្រព្រឹត្តល្បែងស៊ីសង រៀងរាល់ថ្ងៃ ទើប​តែថ្ងៃនេះ មានអ្នកចុះបង្គ្រាប បានធ្វើឲ្យពួកគាត់ សប្បាយចិត្តខ្លាំងណាស់។

ក្រុមន្រ្តីនគរបាលយុត្តិធម៌ រាជធានីភ្នំពេញ បានឃាត់ខ្លូនអ្នកប្រព្រឹត្ត ចំនួន១៣នាក់ និងម៉ូតូ ១៨គ្រឿង រួមទាំង​រថយន្ត៣គ្រឿងទៀត។ វត្ថុតាងទាំងអស់ ត្រូវបានបញ្ជូន ទីកាន់ការិយាល័យ ព្រហ្មទណ្ឌកម្រិតស្រាល រាជធានី​ភ្នំពេញ ដើម្បីសួរនាំបន្ត។

ករណីនេះ ត្រូវបានមន្ត្រីនគរបាលយុត្តិធម៌ម្នាក់ ថ្លែងបញ្ជាក់ថា កងកម្លាំងរបស់លោក ចុះបង្ក្រាបលើកនេះ មាន​សភាពរហ័សរហួន ហើយរហ័ស ព្រោះមិនចង់ឲ្យអ្នកប្រព្រឹត្តដឹងខ្លូន ហើយរត់គេច។ លោកថា អ្នកណាប្រព្រឹត្ត​ខុសច្បាប់ ត្រូវតែទទួលទោស តាមអំពើរបស់ខ្លូន ដែលបានប្រព្រឹត្ត ដូចជាករណីជិះឡានទៅជល់មាន់ លេង​អាប៉ោង ជាលក្ខណៈទ្រង់ទ្រាយធំជាដើម៕