មិនខុសពី មនុស្សជំទង់ ដែលនៅមានលក្ខណៈ«ស្ទាវ»នោះឡើយ។ ដំរីជំទង់ទាំងបីក្បាល ដែលមាន​ឈ្មោះថា ឡារ៉ា (Lara) ជើនី (Jenny) និងជាំឡា (Jungla) បានផ្ដើមសកម្មភាពរបស់ពួកវា ដោយការសំដែងដ៏ល្អ និង​យ៉ាង​ពិសេស នូវទ​ស្សនីយភាព​របស់វា សម្រាប់អ្នកមកវិស្សមកាល នៅតំបន់ឆ្នេរ «Karrebæksminde» នៃ​ប្រទេស​ដាណឺម៉ាក កាល​ពី​ថ្ងៃ​សៅរ៍​មុន។

ការសំដែងនោះ មានទាំងការចុះងូតទឹក យ៉ាងត្រេកត្រអាល និងការបង្ហាញនូវសមត្ថភាពមួយចំនួន របស់សត្វ​ដំរីជំទង់ ទាំងបីក្បាល ដែលអ្នកទស្សនាគិតថា ការសំដែងនោះ បានផុសចេញ ពីភាពសប្បាយចិត្ត រីកថ្លើម​ប្រមាត់ របស់សត្វដំរីនោះខ្លួនឯងតែម្ដង។ ប៉ុន្តែនៅទីបញ្ចប់ ហេតុការណ៍ បានផ្លាស់ប្ដូរ...

សារព័ត៌មាននៅក្នុងតំបន់ បានរាយការណ៍ថា គ្រាន់តែអ្នកបង្ហាត់ដំរី បានធ្វេសប្រហេស តែបន្តិចប៉ុណ្ណោះ សត្វ​ចតុបាតទាំងបីក្បាល ដែលត្រូវបានធ្វើឲ្យផ្អើល ពីក្រុមមនុស្ស ដែលតាមមើលវានោះ បានងាកត្រឡប់ មក​ដេញ​ឆាឆៅ​គេឯង នៅទីជុំវិញនោះ។ រថយន្ដតូចជាច្រើនគ្រឿង បាររងការខូខាត ក្នុងនោះរថយន្ដមួយគ្រឿង ត្រូវ​បាន​ដំរីប្រើភ្លុក គាស់បែកកញ្ចក់។ ស្ត្រីម្នាក់ ក៏បានរងរបួស«ស្រាល» ពីហេតុការណ៍នេះដែរ។

ក្រុមសៀក «Arena» ដែលជាម្ចាស់ដំរីទាំងបីក្បាល បានច្រានចោល នូវរាល់ការទទួលខុសត្រូវ ដែលកើត​ចេញ​ពីហេតុការណ៍នេះ ដោយបានពន្យល់អះអាងថា មូលហេតុមកពីក្រុមមនុស្ស ជាច្រើននាក់ ចេញតែតាមទៅ​ជិត​ដំរី និងបានធ្វើឲ្យសត្វទាំងបីផ្អើល៕

» ខាងក្រោមនេះ ជាទិដ្ឋភាពនៃការផ្អើលរបស់ដំរី ដែលឈានទៅបង្ក ការខូចខាតដល់រថយន្ដមួយចំនួន៖