ឈូក បណ្ឌិត ត្រូវបាន​តុលាការ​ខេត្ត​ស្វាយរៀង លើក​លែង​ការ​ចោទ

លោក ឈូក បណ្ឌិត អតីតអភិបាលក្រុងបាវិត ត្រូវបានសម្រេច លើកលែង ការចោទប្រកាន់ កាលពីសប្តាហ៍កន្លងមកនេះ ដោយសំអាងថា គ្មានភស្ដុតាង គ្រប់គ្រាន់ដើម្បី ចោទប្រកាន់។ លោក ឈូក បណ្ឌិត បានជាប់ចោទក្នុងរឿង បាញ់ស្ត្រីកម្មករ ៣នាក់ ឲ្យរបួសធ្ងន់ នៅពេលក្រុមកម្មករ ធ្វើការតវ៉ាក្នុង តំបន់សេដ្ឋកិច្ចពិសេស មេនហាតធេន នៅទីក្រុងបាវិត ជាប់ព្រំដែនវៀតណាម កាលពី ថ្ងៃទី២០ ខែកុម្ភៈ ឆ្នាំ២០១២ ។ ក្រោយមកប៉ូលិសក្រសួងមហាផ្ទៃ បានបញ្ជូនសំណុំរឿងទៅកាន់តុលាការ ខេត្តស្វាយរៀង ។ តុលាការក៏បានចោទប្រកាន់លោក ឈូក បណ្ឌិត ពីបទបង្ករបួសស្នាម ដោយអចេតនា។ ដោយចាប់តាំងពីថ្ងៃកើតហេតុមក លោក មិនត្រូវបានឃុំខ្លួនឡើយ។
Loading...
  • ដោយ: ភ្នំធំ
  • កែប្រែចុងក្រោយ: December 20, 2012
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ភ្នំពេញ៖លោក ឈូក បណ្ឌិត អតីតអភិបាលក្រុងបាវិត ត្រូវបានសម្រេច លើកលែង ការចោទប្រកាន់ កាលពីសប្តាហ៍កន្លងមកនេះ ដោយសំអាងថា គ្មានភស្ដុតាង គ្រប់គ្រាន់ដើម្បី ចោទប្រកាន់។ លោក ឈូក បណ្ឌិត បានជាប់ចោទក្នុងរឿង បាញ់ស្ត្រីកម្មករ ៣នាក់ ឲ្យរបួសធ្ងន់ នៅពេលក្រុមកម្មករ ធ្វើការតវ៉ាក្នុង តំបន់សេដ្ឋកិច្ចពិសេស មេនហាតធេន នៅទីក្រុងបាវិត ជាប់ព្រំដែនវៀតណាម កាលពី ថ្ងៃទី២០ ខែកុម្ភៈ ឆ្នាំ២០១២ ។ ក្រោយមកប៉ូលិសក្រសួងមហាផ្ទៃ បានបញ្ជូនសំណុំរឿងទៅកាន់តុលាការ ខេត្តស្វាយរៀង ។ តុលាការក៏បានចោទប្រកាន់លោក ឈូក បណ្ឌិត ពីបទបង្ករបួសស្នាម ដោយអចេតនា។ ដោយចាប់តាំងពីថ្ងៃកើតហេតុមក លោក មិនត្រូវបានឃុំខ្លួនឡើយ។


លោក ឈូក បណ្ឌិត អតីតអភិបាលក្រុងបាវិត។ រូបថត VOA។

លោក មឿន តុលា ប្រធានផ្នែកសិទ្ធិការងារ របស់មជ្ឈមណ្ឌលអប់រំច្បាប់ សម្រាប់សហគមន៍ លោកបានលើកឡើងថា តុលាការ​មានឆន្ទានុសិទ្ទិ ក្នុងការសំរេច ផ្អែកតាម ការស៊ើបអង្កេត ។ លោកបន្តថាករណីនេះ ជាបទល្មើសជាក់ស្តែង នគរបាលមានសិទ្ទិចាប់​ជននោះតែម្តង តែអាជ្ញាធរមិនបានអនុវត្តឡើយ ។ ហើយក្រោយមកជនដៃដល់ (លោក ឈូក បណ្ឌិត) ត្រូវបានដកហូតតំណែង និងបញ្ជូនទៅតុលាការ (...)។ លោកសង្កត់ធ្ងន់ពីការព្រួយបារម្ភ ចំពោះបញ្ហានីទណ្ឌភាព ដោយហេតុកម្ពុជាសព្វថ្ងៃ កំពុងរងនូវ​ការ​រិះគន់ ថាប្រពន្ធ័តុលាការមិនមានយុត្តិធម៌ មិនមានឯករាជ្យ ទទួលរងនូវសម្ពាធ នយោបាយ ។ លោកបានលើកឡើងថា៖ «ទាំងអ្នក​វិនិយោគ ទាំងបណ្តាក្រុមហ៊ុន មានការព្រួយបារម្មណ៍ ដោយជនដៃដល់មិនបានកាត់ទោស ហើយចាប់អ្នកបាញ់សប្បនិម្មិត​ដាក់​ទោស ដែលជាបញ្ហាបង្កើតឲ្យមាននីទណ្ឌភាព និងការបាញ់បោះ បែបអាណាជិបតេយ្យ»

«មកពីចៅក្រម ឬមកពីច្បាប់?»

ឯលោកស្រី ជា វណ្ណាត អ្នកវិភាគឯករាជ្យ បានលើកឡើងថា ករណីនេះមិនដឹងថាលោក ព្រះរាជអាជ្ញា មានមនុស្សធម៌ ឬធ្វើតាម​ច្បាប់យ៉ាងណានោះទេ តែលោកស្រី បានធ្វើការប្រៀបធៀបថា ករណីលោក ម៉ម សូណង់ដូ បើលោកព្រះរាជអាជ្ញានោះ ជាអ្នក​ធ្វើ​អង្កេតវិញ ប្រហែលជាឲ្យលោក ម៉ម សូណង់ដូ រួចខ្លួនហើយ។ លោកស្រីមិនយល់ ព្រោះមិនដឹងថាមកពីចៅក្រម ឬមកពីច្បាប់ បានជាលោក ឈូក បណ្ឌិត ធ្វើឲ្យគេរងរបួស បែជារួចខ្លួន ឯអ្នកដែលមិនបានធ្វើឲ្យអ្នកណារងរបូសម្នាក់ផង បែរជា​មានទោស។

ករណីនេះ លោកមេធាវី ហុង គឹមសួន ប្រធានក្រុមមេធាវី នៃអង្គការស៊ីឌីភី (CPD ក្រុមអ្នកច្បាប់ការពារសិទ្ធិកម្ពុជា) លើកឡើងថា វា ជារឿងជាក់ស្តែងមួយ ដែលជនសង្ស័យ​បាន​ប្រើប្រាស់ ដល់អាវុធជាតិផ្ទុះ បណ្តាលឲ្យមានរបួស ទោះមិនដល់ស្លាប់ក្តី។ លោកបន្ត «មានការរើសអើងខ្លាំង តាមច្បាប់ត្រូវមាន ការចាប់ខ្លួនភ្លាម តែនេះជាអំណាចឆន្ទានុសិទ្ធិ របស់ចៅក្រម បើចៅក្រមនៅតែបន្ត ប្រើ​អំណាចឆន្ទានុសិទ្ធិ ដោយក្បត់ឆន្ទះ ក្បត់មនសិកាខ្លួនឯង នោះនាំឲ្យ ប្រជាជនអស់ជំនឿ ទៅលើតុលាការ »

ឯព្រះរាជអាជ្ញា អមសាលាដំបូង ខេត្តស្វាយរៀង លោក ហ៊ីង ប៊ុនជា បានប្រាប់អ្នកកាសែត កាលពីថ្ងៃទី១៨ ខែធ្នូ ឆ្នាំ២០១២ ថា តាម​រយៈការស៊ើបអង្កេត របស់តុលាការ និងវត្ថុតាង ពុំមានគ្រប់គ្រាន់ ដើម្បីដាក់សំអាង ចោទលើលោក ឈូក បណ្ខិត ទេ។ ដូច្នេះ​លោក​បានសម្រេចលើកលែង ការចោទប្រកាន់ លើអតីតអភិបាលក្រុង បាវិត កាលពីសបា្តហ៍មុន៕

---------------------------------------------------------
ដោយៈ ភ្នំធំ - ភ្នំពេញថ្ងៃទី១៩ ខែធ្នូ ឆ្នាំ២០១២
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...