ប្រធានាធិបតី ស្រីលង្កា រំលោយ​រដ្ឋសភា

លោក ម៉ៃទ្រីប៉ាឡា ស៊ីរីសេណា (Maithripala Sirisena ) ប្រធានាធិបតីនៃប្រទេស ស្រីលង្កា បាន​បញ្ជា​ឲ្យ​រំលាយ​សភា កាលពីថ្ងៃសុក្រនេះ ដើម្បីបើកផ្លូវឲ្យមានការបោះឆ្នោត មុនកាលកំណត់មួយ។ នេះបើតាមសេចក្ដី​ប្រកាស របស់​អ្នក​នាំ​ពាក្យ​មួយ​រូប។
Loading...
  • ដោយ: កេសរ កូល អត្ថបទ៖ កេសរកូល ([email protected]) - ភ្នំពេញ ថ្ងៃទី២៦ មិថុនា ២០១៥
  • កែប្រែចុងក្រោយ: June 26, 2015
  • ប្រធានបទ: នយោបាយ
  • អត្ថបទ: មានបញ្ហា?
  • មតិ-យោបល់

«លោកប្រធានាធិបតី ទើបនឹងចុះហត្ថាលេខា នៅលើក្រិត្យមួយ ស្ដីពីការរំលាយសភា ដែលនឹងចាប់ផ្ដើម​ជា​ធរមាន ចាប់ពីយប់កណ្ដាលអាធ្រាតនេះទៅ» នេះបើតាមការប្រកាសឲ្យដឹង របស់អ្នកនាំពាក្យវិមាន​ប្រធានាធិបតី របស់ប្រទេសស្រីលង្កា។ លោកនាយករដ្ឋមន្ត្រី រ៉ានីល វិចក្រេមេសីងហេម (Ranil Wickremesinghem) បានគាំទ្រឲ្យមានការបោះឆ្នោតមុនកាលកំណត់មួយ ដើម្បីពង្រឹកសម្លេងភាគច្រើន នៃគណបក្ស​«បង្រួបបង្រួមជាតិ»របស់លោក ដែលហៅកាត់ថា UNP។

គណបក្សនេះ ធ្លាប់ជាគណបក្សប្រឆាំង នៅមុនជ័យជំនះរបស់ប្រធានាធិបតី លោក ម៉ៃទ្រីប៉ាឡា ស៊ីរីសេណា ដែលបានឈ្នះកាលពីខែមករាកន្លងទៅ លើអតីតប្រធានាធិបតីផុតតំណែង លោក មាហិនដា រ៉ាចាបាកសេ (Mahinda Rajapakse) ដែលបានក្ដាប់ក្ដាប់អំណាច  តាំងពីជាង១០ឆ្នាំមកហើយ។

អាជ្ញាធររបស់ប្រទេស ស្រីលង្កា បានឲ្យដឹងថា ការបោះឆ្នោតឡើងវិញនេះ នឹងប្រព្រឹត្តិទៅនៅ១០ខែ មុនកាល​បរិច្ឆេទធម្មតា ពោលគឺនៅថ្ងៃទី១៧ ខែសីហាខាងមុខ។ បន្ទាប់មករដ្ឋសភាថ្មី នឹងចាប់ផ្ដើមសម័យប្រជុំដំបូង​របស់ខ្លួន នៅថ្ងៃទី២ ខែកញ្ញា។

គួរកត់សម្គាល់ដែរថា រដ្ឋសភាដែលទើបនឹងត្រូវបានរំលាយចោលនេះ តែង​បានរំខាន និងបដិសេធជា​ញឹក​ញយ នូវគម្រោងកែទម្រង់នានា របស់រដ្ឋាភិបាល របស់លោក រ៉ានីល វិចក្រេមេសីងហេម៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...