ហេតុការណ៍នេះ បានធ្វើឡើង នៅក្នុងបន្ទប់សណ្ឋាគារមួយកន្លែង នៅក្រុងព្រះសីហនុ ខេត្តកំពង់សោម នា​ព្រឹក​ថ្ងៃទី១៩ ខែមិថុនា ឆ្នាំ២០១៥នេះ។ នៅក្នុងបន្ទប់ជនសង្ស័យ នគរបាលបានរកឃើញ វត្ថុតាងជាច្រើន ដែល​ក្រុម​នគរបាលទាំងនោះ បានសន្និដ្ឋានថា បុរសជនជាតិអងគ្លេស់ ដែលមិនស្គាល់អត្តសញ្ញាណខាងលើ ជាអ្នក​ជួញ​ដូរ ថ្នាំញៀន ជាទ្រង់ទ្រាយធំ ព្រោះមានទាំងឧបករណ៍ផលិតខ្លះៗ នៅជាមួយថ្នាំទាំងនោះផង។

បន្ទាប់ពីប្រមូលបានវត្ថុតាង និងសម្ភារៈមួយចំនួនធំខាងលើ មន្រ្តីនគរបាលបានបញ្ជូនជនសង្ស័យ ទៅកាន់​ការិយាល័យប្រឆាំងការប្រើប្រាស់ និងជួញដូរគ្រឿងញៀន ប្រចាំខេត្តព្រះសីហនុ ដើម្បីឃុំខ្លូនជាបណ្តោះ​អាសន្ន។ ក្នុងនោះប្រភេទថ្នាំ ដែលដកហូតបានមាន ប្រភេទ ម៉ាទឹកក ១២.៣ក្រាម ថ្នាំគ្រាប់ WY ចំនួន៥៧ គ្រាប់ និងមានប្រភេទ ហាសីស៣ដុំ ថ្នាំគ្រាប់Diazepam មួយប្រអប់បធំ ថ្នាំដបមួយដប និមានឧបករណ៍ សម្រាប់​កែឆ្នៃ​ជ័រ កញ្ឆា និងថ្នាំងងុយគេងមួយចំនួនទៀត។

លោកឧត្តមសេនីយ៍បានបញ្ជាក់ថា បុរសជនជាតិបរទេសរូបនេះ បន្ទាប់ពីបានបញ្ជូនទៅកាន់កន្លែងឃុំខ្លួន ជា​បណ្តោះអាសន្នរួច ខាងកងកម្លាំងរបស់លោក បានធ្វើកាប្រមូលយកវត្ថុតាង ទៅរក្សាទុក្ខ ដើម្បីរៀបចំបញ្ជូន​ជាមួយឯកសារ ដែលជាប់ពាក់ព័ន្ធ ទៅកាន់តុលាការខេត្ត ឲ្យធ្វើការវិនិច្ឆ័យ ទៅតាមនិតិវិធីច្បាប់៕