ម្ចាស់អ្នកថត បានសរសេរថា ខ្លួនចង់ញ៉ាំចេកមួយផ្លែ... ប៉ុន្តែនៅពេលហៀប នឹងយកចេកនេះ ឡើងមកបក​សម្បក​នោះ សម្រាប់តែបុរសម្ចាស់ផ្លៃចេក បានឃើញដូចជាមានអ្វីមួយ កំពុងធ្វើចលនា នៅខាងក្នុង។ ហេតុ​ភេទ​នេះ បានបង្កជាចម្ងល់ឡើង ដែលធ្វើឲ្យម្ចាស់ចេក ទាញទូរស័ព្ទដៃរបស់ខ្លួន ចេញមកថត...

នៅប៉ុន្មាននាទីក្រោយមក រូបភាពដ៏ព្រឺព្រួចមួយ បានកើតឡើង នោះគឺពីងពាងមួយក្បាល បានចោះសម្បក​ចេក ហើយទម្លាយខ្លួនចេញមកក្រៅ!!! បុរសម្ចាស់ចេក បានសរសេរទៀតថា លែងចង់ញ៉ាំចេកហើយ តែខ្លួន​បាន​ញ៉ាំ​ផ្លែប៉ោម ជាជំនួសវិញ។

កុហកសុទ្ធ!

ប៉ុន្តែការពិតត្រូវបានទម្លាយចេញ នៅពេលដែលគេដឹងថា​ ម្ចាស់វីដេអូខាងលើ គឺលោក កាលេប ឡេឆូវស្គី (Kaleb Lechowski) អ្នកជំនាញខាង កៃឆ្នៃរូបភាពមានចលនា គ្រប់បែបយ៉ាង ទាំងនៅក្នុងភាពយន្ដហោះធំៗ ឬនៅក្នុងភាពយន្ដគំនូរ 3D។ នេះ មិនមែនជាពីងពាងមែនទែនឡើយ តែជាការឆ្នៃប្រឌិតរូបភាព ពីងពាង ដែល​បានធ្វើទៅលើវីដេអូផ្លែចេកមួយ។ យ៉ាងណាក៏ដោយ ពេលមើលវីដេអូនេះហើយ តើនរណាមួយ ដែលអត់ទ្រាំ​មិនព្រឺព្រួចនោះ? សូមសរសើរៗ។

ករណីនេះ មិនមែនទើបតែមាន ជាលើកទីមួយទេ។ អ្នកជំនាញខាង​ដាក់​រូបភាពពិសេសៗ របស់ផលិតកម្ម ឌ្រីមវើក (DreamWork) ដ៏ល្បីល្បាញរបស់ហូលីវូដ ក៏បានប្រើប្រាស់វិធីនេះ មកកាត់តដាក់កូនរបស់ខ្លួន ឲ្យ​ដើរ​តួ ដូចនៅក្នុងភាពយន្ដធំៗដែរ។ សូមចុចអានអត្ថបទ និងទស្សនាវីដេអូឡើងវិញ ដោយចុចនៅលើទីនេះ៕