ក្រុមបាល់ទាត់ជម្រើសជាតិ វេណេហ្សុយអេឡា ដែលបានចូលទៅទាត់ដណ្ដើមពានរង្វាន់ ប្រចាំទ្វីបអាមេរិក​ខាង​ត្បូង​ក្នុង​ឆ្នាំនេះ ពិតជាអាចជឿជាក់បាន ទៅលើស្ត្រីអ្នកគាំទ្រស្អាតៗ ដែលមានសាច់ ដ៏ទ្រលុកទ្រលន់ទាំងនេះ។ នាងៗចំនួន៨នាក់ ដែលសុទ្ធសឹងជាពិធីការិនី របស់កម្មវិធីទូរទស្សន៍មួយហៅថា «Desnudando la Noticia (បក​ប្រែ​ជា​ខេមរភាសា "នៅពេលដែលដំណឹង ត្រូវបានបកអាក្រាត")»  បានសម្រេចចិត្តដាច់ចិត្តដាកកាយ គាំទ្រ​ក្រុម​បាល់​ទាត់​ជម្រើសជាតិ របស់ប្រទេសខ្លួន ដោយប្រើវិធីដ៏ពិសេសមួយ។

នោះគឺនាងៗ នឹងស្រាតអបអរសាទរ ក្រុមកីឡាករ ប្រសិនបើពួកគេរកជ័យជំនះបាន នៅក្នុងការប្រកួត ប្រចាំ​ទ្វីប​អាមេរិក ក្នុងឆ្នាំនេះ ដែលបានចាប់ផ្ដើមការប្រកួត កាលពីថ្ងៃព្រហស្បត្តិ៍ សប្ដាហ៍មុន នៅក្នុងប្រទេសឈីលី (ទ្វីប​អាមេរិកខាងត្បូង)។

នៅក្នុងវីដេអូមួយ ដែលបានបង្ហោះ នៅលើគេហទំព័រចែករំលែកវីដេអូ យូធូប (Youtube) កាលពីអាទិត្យមុន ពួក​នាងៗដែលសុទ្ធតែមានជំនាញ ជានារីបង្ហាញម៉ូដ និងជាបវរកញ្ញានោះ បានអះអាងថា នៅវគ្គណាក៏ដោយ ដែល​ក្រុមជម្រើសជាតិវេណេហ្សុយអេឡា បានឈ្នះឆ្លងទៅទាត់ នៅវគ្គបន្ទាប់នោះ ពួកនាងនឹងស្រាត ខ្លួន​ទទេ​ស្អាត ឈរនៅទីប្រជុំជនណា ដែលសំខាន់ និងសម្បូរអ្នកស្គាល់បំផុត នៅក្នុងប្រទេស។

សកម្មភាពរបស់ពួកនាង មិនត្រឹមតែដើម្បីបាល់ទាត់ប៉ុណ្ណោះទេ តែពួកនាងៗ ដែលកន្លងមកធ្លាប់បង្ហាញខ្លួន យ៉ាង​«ស៊ិចស៊ី» នៅក្នុងកម្មវិធី ផ្សាយ«ដំណឹង»នោះ បានពន្យល់ទៀតថា ពួកនាងចង់ផ្ដល់«អំណាច» ទៅ​ឲ្យ​ស្ត្រី និងចង់ឲ្យអ្នកផង បញ្ជៀសការរើសអើង ទៅនឹងរឿងស្រាត។ ហើយបើអាច ពួកនាងសូមជំរុញ ឲ្យស្ត្រី​ទាំង​ឡាយ​អាចធ្វើតាម ដូចពួក​នាងអញ្ចឹងដែរ។

សារព័ត៌មានអង់គ្លេស «Daily Mail» បានរំលឹកថា ម្នាក់ពីក្នុងចំណោមពួកនាង គឺនាង យ៉ូវី ប៉ាឡារ៍ (Yuvi Pallares) បានធ្វើឲ្យគេត្រឡប់ មកនិយាយពីនាងឡើងវិញ បន្ទាប់ពីរឿងអាស្រូវផ្លូវភេទ ក្នុងពេលកន្លងមក ទាក់​ទង​នឹង​ការ«ស្រាត»របស់នាង ជាមួយនឹងកីឡាករ គ្រីស្ទៀនណូ រ៉ូណាល់ដូ (Cristiano Ronaldo)៕