អ្នកទទួលខុសត្រូវ នៃគេហទំព័រដ៏ល្បី ខាងវីដេអូ«កូនជ្រូក»មួយ ហៅថា «PornHub» បានបើកយុទ្ធនាការ​ប្រមូល​ថវិកាមួយ ដើម្បី​យកទៅចំណាយ លើការថតឈុតឆាកក្ដៅសាច់ នៅក្នុងអាវកាស។ គម្រោងថតនេះ មានរាប់បញ្ចូលនៅក្នុងនោះ ការបញ្ជូនទៅក្នុង​អាវកាស នូវអ្នកសំដែងប្រុសស្រីមួយគូ និងយ៉ាងហោច អ្នកកាន់​ម៉ាស៊ីនថតមួយនាក់ផង។

ទឹកប្រាក់ដែលត្រូវចំណាយ ក្នុងគម្រោងដ៏ថ្មីស្រឡាង មិនដែលធ្លាប់មានពីមុនមកនេះ មានកម្រិតដល់​ទៅ​៣,៤លាន​ដុល្លា (ត្រូវជាប្រមាណ ៣លានអ៊ឺរ៉ូ) ហើយត្រូវបានអ្នកទទួលខុសត្រូវ យកទៅដាក់ប្រកាស តាមរយៈ​គេហទំព័រ «Indiegogo» ដើម្បីឲ្យមានវិភាពទាន ពីមនុស្សទាំងឡាយក្នុងផែនដី។

ដើម្បីផ្ដល់តម្លៃទៅគម្រោង ដែលខ្លួនបានបង្កើតឡើង មិនគួរឲ្យស្មានដល់នេះ គេហទំព័រ «Pornhub» បានយក​អតីតអ្នកស្រាវជ្រាវធំៗ មកប្រៀបធៀប ដោយនិយាយពន្យល់ថា ក្រុមអ្នកស្រាវជ្រាវទាំងនោះ បានសម្រេច​បាន នូវបទពិសោធន៍ដ៏ចាំបាច់ ដើម្បីរុញព្រំដែន នៃដែនដីរបស់មនុស្ស ឲ្យរីកធំជាងមុន។ គេហទំព័របានបន្ត​ទៀតថា៖ «ជាដំណាក់កាលៗ  រឿងដ៏សំខាន់មួយចំនួន គួរត្រូវបានគេយកចិត្តទុកដាក់ និងស្រាវជ្រាវ ជាពិសេសរឿង​ដែល​ទាក់ទង នឹង"ការរួមភេទ"»។

ចំណាយដែលមានទំហំ ដល់កម្រិតនេះ បានរាប់បញ្ចូល ពីការហ្វឹកហាត់ និងសម្ភារៈបំពាក់ឲ្យក្រុមថត ជា​ពិសេស​ទឹកប្រាក់ដ៏សម្បើម ដែលចាំបាច់សម្រាប់ជួលយាន្ដអាវកាស ដើម្បីនាំតួអង្គស្រី នាង អេវ៉ា ឡូវីយ៉ា (Eva Lovia) ជាមួយនឹងតួអង្គប្រុស លោក ចននី ស៊ីន (Johnny Sins) ដែលសុទ្ធសឹងជាកំពូលតារា នៅក្នុង​ឧស្សាហកម្ម​ភាពយន្ដកូនជ្រូក។

រហូតមកដល់នឹងពេលនេះ (បីថ្ងៃ បើប្រៀបទៅ នឹងថ្ងៃបើកយុទ្ធនាការដំបូង) ការស្វែងរកវិភាគទាន បានទទួល​បានទឹកប្រាក់ ប្រមាណជាង ១៨ពាន់ដុល្លាហើយ ពីក្នុងចំណោមអ្នក ដែលមានចិត្តសប្បុរសធម៌ ប្រមាណជាង​៩០០នាក់។ ទឹកប្រាក់នេះ ទើបតែមានកម្រិតត្រឹម ០,៥៤%ប៉ុណ្ណោះ បើប្រៀបទៅ នឹងទឹកប្រាក់សរុបទាំងអស់ ៣,៤ លានដុល្លា នៃគម្រោង៕

» រូបថតពីតួអង្គ ដែលត្រូវសម្ដែង៖

» វីដេអូស្ដីពីគម្រោង៖