នាង ហៃឡី គ្វីន (Hayley Quinn) ស្ត្រីអ្នកជំនាញ ខាងដៃគូស្នេហាមួយរូប នៅរាជធានី ឡុងដ៍ ចង់រកឲ្យឃើញ ពីការ​ស្ទង់​មតិមួយ នៅតាមផ្លូវសាធារណៈនានា ថាតើស្ត្រីចាប់អារម្មណ៍ ទៅលើបុរសបែបណា? តើបុរស ដែលនាងៗបានឃើញ នៅ​តាមផ្លូវណាខ្លះ ធ្វើឲ្យនាងៗចាប់អារម្មណ៍?

ដើម្បីសម្រេចបាន ពីការអង្កេតនេះ បុរសបីនាក់ បានឈរនៅចំពោះមុនពួកនាងៗ ក្នុងនោះមាន បុរសអ្នកបង្ហាញម៉ូដម្នាក់ ដែលមានដងខ្លួនត្រឹមត្រូវតាមខ្នាត មានសាច់ដុំ...។ រីឯបុរសពីរនាក់ទៀត មានរូបរាង ជាលក្ខណៈធម្មជាតិម្នាក់ និង​ម្នាក់​ទៀត ដូចជាស្វិតជាងគេ។ ចំណែកឯលទ្ធផល ចេញពីការស៊ើបអង្កេតវិញ មានលក្ខណៈគួរឲ្យភ្ញាក់ផ្អើល។

ស្ត្រីជាច្រើន បានគិតឃើញថា បុរសដែលមានសាច់ដុំ មានសភាព គួរឲ្យចង់ស្ទាបណាស់។ ប៉ុន្តែអ្នកខ្លះទៀត បានគិត​ឃើញ​ថា មានសាច់ដុំខ្លាំងពេក មិនល្អទេ ហើយចូលចិត្តបុរស ដែលមានរូបរាងធម្មជាតិ ច្រើនជាង។ ឬក៏ស្ត្រីមួយចំនួនទៀត បាន​ជ្រើសរើសផ្លូវកណ្ដាល រវាងរូបរាងបុរស ដែលចេះថែខ្លួន និងរូបរាងបុរស ដែលមានលក្ខណៈធម្មជាតិ។

សម្រាប់នាង ហៃឡី គ្វីន បានគិតថា លទ្ធផលទាំងនេះ មានសារៈសំខាន់ណាស់ ហើយអាចជួយប្រាប់ ទៅបុរស ដែលនៅ​ទំនេរមួយចំនួន កុំឲ្យមានការសង្ស័យទៀត។ លទ្ធផលនេះ ក៏បានជួយបុរសៗ នៅក្នុងការប្រកបរបរ ធ្វើអាជីវកម្ម​របស់​ពួក​គេដែរ។ នាង ហៃឡី គ្វីន បានថ្លែងឡើងថា៖ «បុរសជាច្រើននាក់ណាស់ បានមកសួរខ្ញុំ ដើម្បីរកបានពីសេចក្ដីស្នេហា និង​បាន​សម្ដែងពីកង្វល់ ទាក់ទងនឹងរូបរាងរបស់ពួកគេ។ ពួកគេគិតថា ខ្លួនគេគ្មានរូបរាង គួរឲ្យទាក់ទាញទេ។»៕

» ខាងក្រោមនេះ ជាវីដេអូមួយទៀត អាចឲ្យលោកអ្នកចាប់អារម្មណ៍៖ «១៥សប្ដាហ៍ ដើម្បីផ្លាស់ប្ដូររូបរាង»